Coast Region Press Club

Na. Julieth Ngarabali, PWANI. Mkuu wa Kikosi cha Usalama Barabarani Mkoa wa Pwani, Mrakibu Mwandamizi wa Polisi (SSP) Edson Mwakihaba, amewataka madereva wa Jeshi la Polisi mkoani humo kuwa kioo cha jamii na mfano wa kuigwa wanapokuwa barabarani. Mkuu wa Kikosi cha Usalama Barabarani Mkoa wa Pwani, Mrakibu Mwandamizi wa Polisi  (SSP) Edson Mwakihaba Mwakihaba ameyasema hayo , Agosti 14, 2026, wakati akifungua mafunzo ya siku moja kwa madereva wa magari ya polisi, yaliyofanyika katika Ukumbi wa Benjamin Mkapa Polisi Mkoani Pwani. Mafunzo hayo yanalenga kuwakumbusha umuhimu wa kutii sheria za usalama barabarani bila shuruti. Amesisitiza kuwa kuwa askari polisi hakumpi dereva haki ya kuvunja sheria za barabarani. Hivyo, amewataka kuzingatia kanuni zote ikiwemo kuepuka mwendo kasi, kuheshimu taa za kuongozea magari, na kutoa kipaumbele kwenye vivuko vya watembea kwa miguu (zebra crossings). Washiriki wa Mafunzo ya Madereva wa Magari ya Polisi "Ili kufanikiwa katika mapambano dhidi ya ...

Na Julieth Ngarabali, PWANI. Mkoa wa Pwani umefanya tathmini ya utekelezaji wa Programu Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM) kwa kipindi cha Januari hadi Juni 2026, kinacholenga kuimarisha ustawi na huduma kwa watoto wenye umri wa miaka 0 mpaka 8. Kwenye tathmini hiyo pamoja na mambo mbalimbali yaliyowasilishwa imeelezwa jumla ya vituo 858 vya kulelea watoto wadogo mchana (DCC) vimeainishwa, ambapo vituo 477 tayari vimesajiliwa na vinahudumia watoto 19,478—sawa na asilimia 56 ya vituo vyote vilivyotambuliwa kimkoa. Akiwasilisha taarifa ya utekelezaji, Afisa Ustawi wa Jamii kutoka Ofisi ya Mkuu wa Mkoa wa Pwani, Lidya Mafole amesema pia kuna vituo saba vya malezi ya jamii (Community ECD) vilivyoanzishwa na shirika la BRAC tangu mwaka 2025 ambavyo mchakato wa usajili wake unaendelea. Bi.  Lidya Mafole  Afisa Ustawi wa Jamii kutoka Ofisi ya Mkuu wa Mkoa wa Pwani Mafole amebainisha kuwa katika kipindi hicho, vikao vya tathmini vimefanyika ...

Na. Charles Kusaga, Kibaha - PWANI Mamlaka ya Mapato Tanzania (TRA)  imeendesha semina ya elimu kuhusu mabadiliko ya sheria za kodi kwa mwaka 2026, iliyowakutanisha wafanyabiashara, wahasibu, watoa huduma za kodi na wadau mbalimbali katika Ukumbi wa Destiny, Kibaha Mkoa wa PWANI Lengo la semina hiyo lilikuwa kuwajengea walipakodi uelewa wa mabadiliko ya sheria za kodi, taratibu za ulipaji kodi pamoja na umuhimu wa kuzingatia sheria za kodi ili kuongeza uwajibikaji na kuchangia maendeleo ya taifa. Washiriki walipata fursa ya kuuliza maswali na kupata ufafanuzi  kuhusu changamoto mbalimbali zinazowakabili walipakodi, huku wakihimizwa kuendelea kufuata sheria na kutumia huduma za kidijitali zinazotolewa na mamlaka hiyo. TRA imeendelea kusisitiza kuwa elimu ya mlipakodi ni nyenzo muhimu katika kuongeza uelewa wa wananchi, kuboresha hiari ya ulipaji kodi na kuimarisha ushirikiano kati ya mamlaka na walipakodi. Club News Editor