MADEREVA WA POLISI PWANI WATAKIWA KUWA MFANO BARABARANI

-


Na. Julieth Ngarabali, PWANI.

Mkuu wa Kikosi cha Usalama Barabarani Mkoa wa Pwani, Mrakibu Mwandamizi wa Polisi (SSP) Edson Mwakihaba, amewataka madereva wa Jeshi la Polisi mkoani humo kuwa kioo cha jamii na mfano wa kuigwa wanapokuwa barabarani.

Mkuu wa Kikosi cha Usalama Barabarani Mkoa wa Pwani, Mrakibu Mwandamizi wa Polisi 
(SSP) Edson Mwakihaba


Mwakihaba ameyasema hayo , Agosti 14, 2026, wakati akifungua mafunzo ya siku moja kwa madereva wa magari ya polisi, yaliyofanyika katika Ukumbi wa Benjamin Mkapa Polisi Mkoani Pwani. Mafunzo hayo yanalenga kuwakumbusha umuhimu wa kutii sheria za usalama barabarani bila shuruti.

Amesisitiza kuwa kuwa askari polisi hakumpi dereva haki ya kuvunja sheria za barabarani. Hivyo, amewataka kuzingatia kanuni zote ikiwemo kuepuka mwendo kasi, kuheshimu taa za kuongozea magari, na kutoa kipaumbele kwenye vivuko vya watembea kwa miguu (zebra crossings).


Washiriki wa Mafunzo ya Madereva wa Magari ya Polisi

"Ili kufanikiwa katika mapambano dhidi ya ajali mkoani Pwani, tumeamua kuanzia ndani ya jeshi letu ili madereva wetu wawe mfano wa kuigwa. Nendeni mkatekeleze majukumu yenu kwa kuzingatia sheria ili muwe mabalozi wa kupunguza na kutokomeza ajali zinazosababishwa na ukiukwaji wa sheria unaofanywa kwa makusudi," alisema SSP Mwakihaba.



Akiwasilisha shukrani kwa niaba ya washiriki, Sajenti Bakari Kemkem ameahidi kuwa wako tayari kubadilika, kutekeleza maelekezo hayo kwa vitendo, pamoja na kuwasambazia elimu hiyo madereva wengine wa vyombo vya serikali.



Aidha Jeshi la Polisi Mkoa wa Pwani limewataka pia wananchi na watumiaji wote wa barabara kutoa ushirikiano kwa kutoa taarifa za ukiukwaji wa sheria za barabarani bila kujali kama anayevunja sheria hiyo ni dereva wa chombo cha binafsi, cha umma, au cha serikali ili kwa pamoja kuokoa maisha na mali za Watanzania.


Club News Editor

Comments

Post a Comment

Popular posts from this blog

MWENYEKITI KITONGOJI CHA KWAKIBOSHA MAPINGA AWAPIGA MSASA VIJANA 500 KULINDA AMANI YA TAIFA.

-
Image
Na Gustaphu Haule, Pwani MWENYEKITI wa Kitongoji cha Kwakibosha kilichopo Kata ya Mapinga Wilayani Bagamoyo Mkoani Pwani Shaban Athumani amewataka vijana kuacha kutumika na watu wachache wenye nia ovyo ya kutaka  kuharibu amani na utulivu hapa nchini. Athumani ametoa wito huo katika mdahalo maalum wa kuwajengea uwezo vijana juu ya kukabiliana na vitendo viovu sambamba na kuwahamasisha vijana kulinda amani ya Taifa iliyoasisiwa na Baba wa Taifa Mwalimu Julius Kambarage Nyerere. Mmoja wa Vijana wa Kitongoji cha Kwakibosha Mohamed Omary akichangia mada katika mdahalo huo Mdahalo huo umefanyika Juni 14, 2025  katika Kitongoji hicho na kuwashirikisha vijana zaidi ya 500 kutoka makundi mbalimbali wakiwemo bodaboda,mama lishe ,wapaka rangi na hata vijana kutoka UVCCM . Athumani, amesema kuwa mwaka 2025 ni mwaka wa uchaguzi mkuu unaokwenda kuwaweka madarakani viongozi akiwemo Rais, Wabunge na Madiwani na hiyo ndio fursa kwa vijana kuchagua viongozi wanaowataka. Mwenyekiti wa Kitongoji...
Read more

WIZARA YA AFYA YASEMA:UGONJWA WA SIKOSELI SIO WA KUROGWA, YAHAMASISHA JAMII KWENDA KUPIMA VINASABA

-
Image
Na Gustaphu Haule, Pwani  WIZARA ya afya  Kitengo cha Sikoseli imesema kuwa ugonjwa wa Selimundu (Sickle Cell) sio ugonjwa wa kurogwa kama ambavyo jamii inachukulia lakini  ugonjwa huo ni wakurithi kutoka kwa mzazi mmoja kwenda kwa mzazi mwingine. Imesema ili kujiepusha na ugonjwa huo ni vyema kabla ya kuingia katika mahusiano jamii inapaswa kuchukua hatua ya kwenda kupima vinasaba vya ugonjwa na endapo watakuwa salama wanaweza kuoana na hatimaye kujenga familia salama isiyo na ugonjwa huo wa Selimundu (Sickle Cell). Daktari Bingwa wa magonjwa ya damu kutoka katika hospitali ya Amana iliyopo Jijini Dar es Salaam Jamila Makame, ametoa kauli hiyo katika semina ya siku moja kwa  baadhi ya Waandishi wa Mkoa wa Pwani iliyolenga masuala ya ugonjwa wa Selimundu Semina hiyo iliyofanyika Agosti 12, 2025 katika kituo cha afya Mkoani kilichopo Manispaa ya Kibaha iliwajumuisha baadhi ya Waandishi wa habari ambapo Dr.Makame amesema "Sickle Cell" ni ugonjwa wa kurithi ambao chanzo...
Read more

TAIFA GAS TANZANIA YAMUUNGA MKONO RAIS SAMIA KAMPENI YA NISHATI SAFI YA KUPIKIA

-
Image
Na Gustaphu Haule, Pwani  KAMPUNI ya Taifa Gas Tanzania Limited imeendelea kuunga mkono kampeni ya Nishati Safi ya Kupikia ya Rais Dkt.Samia Suluhu Hassan kwa kutoa elimu na kuhamasisha  wananchi juu ya matumizi ya gas ya kupikia inayouzwa na Taifa Gas. Hii ni Gesi ya Petroli iliyoyeyushwa "Liquefied Petroleum Gas"  (LPG).  Taifa Gas Tanzania imetoa elimu hiyo leo Juni 7, 2025 katika eneo la Loliondo katika Manispaa ya Kibaha Mkoani Pwani  ikiwa ni sehemu ya kuadhimisha siku ya Nishati Safi Duniani (Gas). Baadhi ya wananchi wa Kibaha Loliondo wakipata elimu juu ya matumizi ya nishati Safi ya kupikia kutoka kwa wafanyakazi wa Taifa Gas Tanzania ikiwa ni sehemu ya Maadhimisho ya siku ya gesi Duniani. Meneja Uhusiano na Masoko kutoka Taifa Gas Kitengo cha Nishati Safi Anjellah Bhoke ameongoza kampeni hiyo ambapo amesema lengo la Taifa Gas ni kuhakikisha  wanaendelea kumuunga mkono Rais Samia juu ya matumizi ya nishati Safi hapa nchini. "Leo tupo hapa Kibaha ku...
Read more