MIAKA 30 YA TRA: TEKNOLOJIA NA HUDUMA BORA ZAIMARISHA UHUSIANO NA WALIPA KODI MKOA WA PWANI

-

Na Charles Kusaga, Pwani

Mamlaka ya Mapato Tanzania (TRA) katika maadhimisho ya miaka 30 tangu kuanzishwa kwake tarehe 01 Julai 1996, imedhihirisha ukuaji wa huduma bora na teknolojia huku ikijivunia hatua kubwa iliyofikiwa katika kuimarisha mahusiano mema na ushirikiano thabiti na walipa kodi mkoa wa Pwani.

Akizungumza na wadau mbalimbali wa kodi mkoani hapa katika ufunguzi wa kongamano la maadhimisho ya miaka 30 ya TRA kwa mkoa wa Pwani Menejea wa Mamlaka ya Mapato Tanzania TRA Ndugu Peter Eliona alizungumzia mafanikio ya Mamlaka ya Mapato nchini. 

Kwa mkoa wa Pwani alieleza kuwa katika kipindi hiki cha miongo mitatu, TRA Mkoa wa Pwani imeshuhudia mabadiliko makubwa kutoka katika mifumo ya kizamani ya ukusanyaji mapato na kuingia katika ulimwengu wa kidigitali. Mabadiliko haya ya kiteknolojia yamekuwa nguzo kuu katika kurahisisha utoaji wa huduma na kuondoa urasimu uliokuwa ukiwapa changamoto wafanyabiashara na wananchi mkoani humo.

Pia huduma bora, Elimu kwa wateja na ushirikiano mzuri kati ya Mamlaka na Walipa kodi kumeleta mafanikio makubwa ya ukusanyaji kodi. Uhusiano mzuri uliojengwa mkoani Pwani ndio siri ya mafanikio na ukuaji wa uchumi.


Miongoni mwa mambo yaliyochangia kwa kiasi kikubwa kuongezeka kwa mahusiano haya mazuri ni pamoja na:

Ukuaji wa Teknolojia na Mifumo ya Kidijitali: Kuanzishwa kwa mifumo ya kisasa ya kielektroniki (IDRAS) kumemwezesha mlipa kodi kupata huduma mahali popote alipo bila kulazimika kufika ofisi za TRA. Kazi kama vile kukadiria kodi, kuwasilisha ritani, kupata risiti (EFD) na kufanya malipo sasa zinamalizika kwa urahisi kupitia simu ya mkononi au kompyuta.




Kusogeza Huduma Karibu na Wananchi: 

TRA Pwani imepanua wigo wake kwa kufungua vituo vya huduma na madawati ya ushauri katika wilaya na maeneo mbalimbali ya kimkakati mkoani Pwani ili kuhakikisha elimu ya kodi inamfikia kila mwananchi.


Mazingira ya Mazungumzo na Elimu:
Badala ya adhabu, TRA imeweka kipaumbele katika kutoa elimu endelevu na kufanya vikao vya mara kwa mara na jumuia za wafanyabiashara ili kusikiliza changamoto zao na kuzitafutia ufumbuzi wa pamoja.

Kongamano hilo la maadhimisho  lilifanikiwa kwa wadau mbalimbali wa kodi kutoa maoni yao na rai mbalimbali katika kutaua changamoto zilizopo kutoka kwa wananchi walipa kodi ili kuendelea kudumisha uhusiano huu mzuri uliopo.


Kuelekea maadhimisho haya ya miaka 30, TRA Mkoa wa Pwani inawashukuru kwa dhati walipa kodi wote mkoani hapa kwa uaminifu na uzalendo wao. Mamlaka inaahidi kuendelea kuboresha mifumo yake ya kiteknolojia na kutoa huduma zenye weledi, usawa na uwazi ili kuchochea ukuaji wa uchumi wa Mkoa wa Pwani na Taifa kwa ujumla.


Club News Editor

Comments

Post a Comment

Popular posts from this blog

MHARIRI MAKALA UHURU PUBLICATIONS LTD SELINA WILSON ATETEA NAFASI YAKE KIBAHA.

-
Image
Na Gustaphu Haule ,Pwani MHARIRI Makala wa Uhuru Publications Ltd ya Jijini Dar es Salaam Selina Wilson Msenga amefanikiwa kutetea nafasi yake ya udiwani wa Vitimaalum katika Manispaa ya Kibaha kwa kupata kura 527. Selina ambaye kwasasa ni awamu yake ya nne kushinda katika nafasi hiyo amekuwa na mvuto wa aina yake kwa Jamii ya Manispaa ya Kibaha licha ya kuwa katika uchaguzi huo amekutana na vipingamizi mbalimbali. Aidha, katika uchaguzi wa UWT uliofanyika Julai 20, 2025 Kata ya Mkuza Kibaha Selina alipewa asilimia chache za ushindi kutokana na mvutano mkali wa kisiasa uliokuwepo kati yake na wapinzani wake lakini iliwaduwaza baadhi ya wanaCCM baada ya kuibuka kuwa mshindi katika uchaguzi huo. Selina Wilson watatu kutoka kulia akiwa pamoja na wagombea wenzake katika uchaguzi wa UWT Manispaa ya Kibaha uliofanyika Julai 20,2025  Licha ya Selina kupewa asilimia chache za ushindi katika uchaguzi huo lakini alijikuta anapenya na kuwa miongoni mwa washindi waliokuwa wanahitajika katika n...
Read more

MWENEZI CCM PWANI AKOLEZA MOTO USIKU WA COREFA,ASIFU MAANDALIZI YAKE

-
Image
Na Gustaphu Haule, Pwani CHAMA Cha Mpira wa Miguu Mkoa wa Pwani (COREFA) kimetoa tuzo kwa wachezaji na wadau mbalimbali waliochangia kwa namna au nyingine katika kuendeleza mchezo wa mpira wa Miguu katika msimu wa mwaka 2024/2025. Hafla hiyo imefanyika Agosti 9, 2025 katika ukumbi wa Maisha Plus uliopo karibu na ofisi ya Kamanda wa Jeshi la Polisi Mkoa wa Pwani ambapo mgeni rasmi katika hafla hiyo Katibu wa Siasa, Uenezi na Mafunzo wa Chama Cha Mapinduzi CCM Mkoa wa Pwani. Katibu Siasa , Uenezi na Mafunzo wa Chama Cha Mapinduzi (CCM) Mkoa wa Pwani David Mramba (Kulia)akitoa tuzo kwa mmoja wa wadau wa michezo waliofanya vizuri katika msimu wa mwaka 2023/2024. Katibu Siasa , Uenezi na Mafunzo wa Chama Cha Mapinduzi (CCM) Mkoa wa Pwani David Mramba (Kulia)akitoa tuzo kwa mmoja wa wadau wa michezo waliofanya vizuri katika msimu wa mwaka 2023/2024. Zaidi ya wadau 50 walishiriki hafla hiyo wakiwemo  waamuzi wa mpira wa miguu, wachezaji wa mpira wa miguu ,viongozi wa vyama vya miche...
Read more

WIZARA YA AFYA YASEMA:UGONJWA WA SIKOSELI SIO WA KUROGWA, YAHAMASISHA JAMII KWENDA KUPIMA VINASABA

-
Image
Na Gustaphu Haule, Pwani  WIZARA ya afya  Kitengo cha Sikoseli imesema kuwa ugonjwa wa Selimundu (Sickle Cell) sio ugonjwa wa kurogwa kama ambavyo jamii inachukulia lakini  ugonjwa huo ni wakurithi kutoka kwa mzazi mmoja kwenda kwa mzazi mwingine. Imesema ili kujiepusha na ugonjwa huo ni vyema kabla ya kuingia katika mahusiano jamii inapaswa kuchukua hatua ya kwenda kupima vinasaba vya ugonjwa na endapo watakuwa salama wanaweza kuoana na hatimaye kujenga familia salama isiyo na ugonjwa huo wa Selimundu (Sickle Cell). Daktari Bingwa wa magonjwa ya damu kutoka katika hospitali ya Amana iliyopo Jijini Dar es Salaam Jamila Makame, ametoa kauli hiyo katika semina ya siku moja kwa  baadhi ya Waandishi wa Mkoa wa Pwani iliyolenga masuala ya ugonjwa wa Selimundu Semina hiyo iliyofanyika Agosti 12, 2025 katika kituo cha afya Mkoani kilichopo Manispaa ya Kibaha iliwajumuisha baadhi ya Waandishi wa habari ambapo Dr.Makame amesema "Sickle Cell" ni ugonjwa wa kurithi ambao chanzo...
Read more