MHARIRI MAKALA UHURU PUBLICATIONS LTD SELINA WILSON ATETEA NAFASI YAKE KIBAHA.

-


Na Gustaphu Haule ,Pwani

MHARIRI Makala wa Uhuru Publications Ltd ya Jijini Dar es Salaam Selina Wilson Msenga amefanikiwa kutetea nafasi yake ya udiwani wa Vitimaalum katika Manispaa ya Kibaha kwa kupata kura 527.

Selina ambaye kwasasa ni awamu yake ya nne kushinda katika nafasi hiyo amekuwa na mvuto wa aina yake kwa Jamii ya Manispaa ya Kibaha licha ya kuwa katika uchaguzi huo amekutana na vipingamizi mbalimbali.

Aidha, katika uchaguzi wa UWT uliofanyika Julai 20, 2025 Kata ya Mkuza Kibaha Selina alipewa asilimia chache za ushindi kutokana na mvutano mkali wa kisiasa uliokuwepo kati yake na wapinzani wake lakini iliwaduwaza baadhi ya wanaCCM baada ya kuibuka kuwa mshindi katika uchaguzi huo.

Selina Wilson watatu kutoka kulia akiwa pamoja na wagombea wenzake katika uchaguzi wa UWT Manispaa ya Kibaha uliofanyika Julai 20,2025 

Licha ya Selina kupewa asilimia chache za ushindi katika uchaguzi huo lakini alijikuta anapenya na kuwa miongoni mwa washindi waliokuwa wanahitajika katika nafasi tatu za ushindi kutoka Tarafa ya Kibaha .

Katika uchaguzi huo Selina alikuwa akitetea nafasi yake pamoja na wenzake watatu akiwemo Aziza Mruma (Kura 952), Shufaa Bashari(Kura 581) na Lidya Mgaya(Kura 575) lakini Safu hiyo imejazwa na Sarah Uled ambaye kwa mara ya kwanza ameingia akiwa ameongoza kwa kupata kura 864 akitokea tarafa ya Kongowe.

Akizungumza mara baada ya uchaguzi huo Selina amesema kuwa anamshukuru mwenyezi Mungu kwa kumpigania kwakuwa haikuwa kazi rahisi kwake kutetea nafasi yake.



Amesema uchaguzi wa mwaka huu kwake ulikuwa mgumu kwakuwa alikabiliwa na upinzani mkubwa kutoka kwa wanaCCM wenzake lakini pamoja na hayo imeonyesha kuwa wajumbe bado wanamapenzi na imani kubwa kwake.

Aidha,Selina ametumia nafasi hiyo kuwashukuru wajumbe wote waliomchagua na wale wasiomchagua na kusema hana cha kuwalipa lakini anaimani Mungu atasimama nao.

Amesema kikubwa kwasasa ni kushirikiana na wanachama wa UWT pamoja na wale wa CCM kiujumla kwa ajili ya kuchapakazi kwa faida ya Umoja na chama na kwamba yeye yupo tayari kutumwa na akatumika kwa faida na maendeleo ya Wananchi wa Manispaa ya Kibaha.

Selina Wilson akiomba kura kwa wajumbe katika uchaguzi wa udiwani wa Vitimaalum (UWT )Kibaha Mjini uliofanyika Julai 20 ,2025 Kata ya Mkuza .

Akitangaza matokeo ya uchaguzi huo, msimamizi mkuu wa uchaguzi Ally Kibwana amesema kuwa katika uchaguzi huo kulikuwa na wagombea 15 huku wapiga kura wakiwa 1094 ambapo   kura halali ni 1083 na zilizoharika ni 11.

Kibwana ,amewashukuru wajumbe hao kwa uvumilivu na utulivu wao hali ambayo ilisababisha uchaguzi huwe huru ,utulivu na amani na kuwataka wajumbe hao kuendelea kushikamana zaidi katika chaguzi zijazo.

Msimamizi msaidizi wa uchaguzi huo ambaye ni katibu wa Jumuiya ya Wazazi Wilaya ya Bagamoyo Halima Dossa amewashukuru wagombea kwakuwa na moyo wa ujasiri ambaye alisema kuwa huo ndio uanasiasa na haitakiwa kwenda katika uchaguzi na matokeo mfukoni.

Hatahivyo,Dossa amewashukuru wanafunzi waliojitokeza kusaidia uchaguzi huo ambapo amesema wawe na moyo huo na kwamba imani yake watakuwa wanasiasa wazuri baadae.


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more