RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-


Na Gustaphu Haule,Pwani 

MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025.

Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii.

Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha.

Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025 

Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kuingia katika Halmashauri hiyo yapo mabadiliko makubwa ya kimaendeleo yamefanyika .

Amesema Kibaha Mjini imefanikiwa kutekeleza miradi mingi ya kimaendeleo ikiwa ukamilishaji wa soko la Kisasa la Kibaha Shopping Mall, ujenzi wa Shule za mchepuo wa Kiingereza pamoja na miradi mingine mbalimbali.

Kunenge, ameongeza kuwa mbali na hilo lakini pia mkurugenzi huyo na timu yake wamefanikiwa kuongeza makusanyo ya mapato ya Halmashauri kutoka Sh.bilioni 4 ya Mwaka 2023  mpaka kufikia Sh. bilioni 10 ya Mwaka 2024 huku mwaka 2025 /2026 wakitarajia kufikia mapato ya Sh.bilioni 20.

" Mimi nampongeza mkurugenzi wa Halmashauri hii ya Kibaha Mjini kwa kazi nzuri aliyoifanya kwani katika kipindi kifupi tumeona mabadiliko makubwa ya kimaendeleo na mafanikio hayo yametokana na ushirikiano mzuri na timu yake,hivyo naamini kwa kazi hii kubwa Madiwani wote watarudi,"amesema Kunenge 

Aidha, Kunenge amewasisitiza Madiwani pamoja na watumishi wa Halmashauri hiyo kutumia 4R za Rais Dkt.Samia Suluhu Hassan kwakuwa wakifanya hivyo Halmashauri itakuwa haina vurugu .
Kwa upande mwenyekiti wa Halmashauri ya Mji Kibaha Musa Ndomba amesema Halmashauri hiyo imefanyakazi na Wakurugenzi watatu na kila mtu alitimiza wajibu wake lakini Dkt . Rogers Shemwelekwa amekuwa mkurugenzi wa mfano zaidi kutokana na uchapakazi wake.

Ndomba , amesema ukiwa kiongozi lazima uchague vitu vya kuvifanyia kazi ili kukomesha changamoto ndogondogo zinazojitokeza sehemu ya kazi na Shemwelekwa anatambua hilo ndio maana Halmashauri imesonga mbele.

Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025 

Amesema, katika kipindi cha miaka mitano ya Baraza hilo imeonekana limefanyakazi kubwa lakini sababu kubwa ni Rais Dkt . Samia Suluhu Hassan ambaye ameweza kuleta fedha nyingi za utekelezaji wa miradi ya maendeleo.

"Baraza hili linamshukuru sana Rais wetu mama Samia Suluhu Hassan kwa kuleta fedha nyingi hapa Kibaha lakini sio hilo tu,kwani hata alipoamua kuchukua hatua ya malipo ya  madiwani kuwa analipa yeye ni jambo kubwa sana kwakuwa ametupa heshima kubwa Madiwani wa nchini hii," amesema Ndomba.

Hatahivyo, ameiomba Serikali kuangalia upya namna ya kulipa posho za madiwani ikiwezekana ziongezeke ili kuwapa molari Madiwani hao kufanyakazi kwa bidii sambamba na kupambana na watumishi wasio waadilifu.

Mwisho.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more