MWENEZI CCM PWANI AKOLEZA MOTO USIKU WA COREFA,ASIFU MAANDALIZI YAKE

-



Na Gustaphu Haule, Pwani

CHAMA Cha Mpira wa Miguu Mkoa wa Pwani (COREFA) kimetoa tuzo kwa wachezaji na wadau mbalimbali waliochangia kwa namna au nyingine katika kuendeleza mchezo wa mpira wa Miguu katika msimu wa mwaka 2024/2025.

Hafla hiyo imefanyika Agosti 9, 2025 katika ukumbi wa Maisha Plus uliopo karibu na ofisi ya Kamanda wa Jeshi la Polisi Mkoa wa Pwani ambapo mgeni rasmi katika hafla hiyo Katibu wa Siasa, Uenezi na Mafunzo wa Chama Cha Mapinduzi CCM Mkoa wa Pwani.

Katibu Siasa , Uenezi na Mafunzo wa Chama Cha Mapinduzi (CCM) Mkoa wa Pwani David Mramba (Kulia)akitoa tuzo kwa mmoja wa wadau wa michezo waliofanya vizuri katika msimu wa mwaka 2023/2024.

Katibu Siasa , Uenezi na Mafunzo wa Chama Cha Mapinduzi (CCM) Mkoa wa Pwani David Mramba (Kulia)akitoa tuzo kwa mmoja wa wadau wa michezo waliofanya vizuri katika msimu wa mwaka 2023/2024.

Zaidi ya wadau 50 walishiriki hafla hiyo wakiwemo  waamuzi wa mpira wa miguu, wachezaji wa mpira wa miguu ,viongozi wa vyama vya michezo kutoka Wilaya za Mkoa wa Pwani,walimu timu,mashabiki wa michezo ,na wajumbe kutoka Shirikisho la Mpira wa Miguu Tanzania (TFF).

Wadau mbalimbali wakishiriki katika hafla ya utoaji tuzo ( Usiku wa Corefa)  iliyofanyika Agosti 9,2025.katika ukumbi wa Maisha Plus Kibaha Mjini.

Mwenyekiti wa Chama Cha Mpira wa Miguu Mkoa wa Pwani Robert Munisi alisema ni mara ya pili kufanyika kwa hafla hiyo kwani kwa mara ya kwanza uliofanyika msimu wa mwaka  2023/2024 ambapo lengo la kuandaa hafla hiyo ni kuwakutanisha pamoja wanamichezo ili kuweza kujadili changamoto zinazoikabili sekta ya michezo hususani mpira wa miguu.

 Munisi amesema jambo la pili ni kutambua mchango wa wachezaji pamoja na kuthamini michango ya wadau waliyoitoa katika kuendeleza soka la Mkoa wa Pwani.

Amesema kuwa  Corefa inasimamia mpira ikiwa pamoja na kuinua vipaji kwa vijana lakini pia ni sehemu ya kumuunga mkono  Rais Dkt.Samia Suluhu Hassan ambaye amekuwa akisaidia kuinua michezo na vipaji kwa vijana hapa nchini.

Amesema ili kuendeleza mpira wa Miguu ndani ya Mkoa wa Pwani kila kiongozi anatakiwa  atimize wajibu wake kwa kuhakikisha wanawasimamia vijana katika kukuza vipaji vyao licha ya kuwa Corefa imekuwa ikijitolea katika kusaidia vijana .

Alisema changamoto kubwa ya Mkoa wa Pwani ni ukosefu wa viwanja vizuri vya michezo ambapo ameiomba kamati ya Siasa ya Mkoa wa Pwani itembelee viwanja vilivyopo na ikiwezekana vikarabatiwe kwa ajili ya kusaidia kuendeleza vipaji vya watoto na vijana .

Akizungumza wakati akifungua hafla hiyo Katibu wa Siasa, Uenezi na Mafunzo wa Chama Cha Mapinduzi (CCM) Mkoa wa Pwani David Mramba amesema kuwa michezo sio tu burudani bali ni nyenzo muhimu ya kuimarisha umoja,kujenga afya bora, kuendeleza vipaji na kujenga uchumi.

Katibu wa Siasa, Uenezi na Mafunzo wa Chama Cha Mapinduzi CCM Mkoa wa Pwani David Mramba akizungumza katika hafla ya utoaji tuzo iliyoandaliwa na Chama Cha mpira wa Miguu Mkoa wa Pwani (COREFA)hafla hiyo inajulikana kama "Usiku wa COREFA"

Amewapongeza wadau wote waliojitoa kufadhili na kudhamini michezo mbalimbali katika msimu uliopita lakini Serikali na vyama vya michezo vina wajibu wa kuendeleza sera ya miundombinu bora ya michezo,kuweka vituo vya kukuza vipaji ili kuhakikisha Mkoa unapata heshima .

Amesema kuwa ,michezo ni fursa na daraja linaloweza kukupeleka mbali kielimu na kucheza katika nchi mbalimbali lakini unaweza kufika huko ukiwa na nidhamu,hekima na maadili.

Maramba amempongeza Rais Dkt.Samia Suluhu Hassan kwa kazi kubwa aliyoifanya hasa katika michezo kwani amekuwa kiongozi bora wa michezo Tanzania lakini pia alitumia nafasi hiyo kumpongeza Rais Samia pamoja na Katibu wa CCM Balozi Dkt.Emmanuel Nchimbi kwa kuchukua fomu ya kugombea Urais.

Tuzo zilizotolewa  katika hafla hiyo ni tuzo ya mfungaji bora wa kiume na wakike,tuzo ya wachezaji bora,tuzo ya magolikipa bora,waamuzi bora,kocha bora,meneja bora wa uwanja,msimamizi bora wa michezo,timu bora,timu bora yenye nidhamu na utoaji wa vyeti vya shukrani kwa wadau waliochangia michezo Mkoa wa Pwani akiwemo Naibu Waziri wa Elimu,Sayansi na Teknolojia Omary Kipanga.

Tuzo zilizotolewa usiku Corefa Agosti 9,2025

Hata hivyo, Makamu mwenyekiti wa Corefa Mohamed Lacha amewashukuru wadau kwa kufika katika hafla hiyo huku akitambua michango ya wadau mbalimbali waliofanikisha michezo kufanyika Mkoa wa Pwani akiwemo Waziri wa Viwanda na Biashara  Selemani Jafo,Naibu Waziri wa Elimu Sayansi na Teknolojia Omary Kipanga,aliyekuwa Mbunge wa Jimbo la Kibaha Mjini Silvestry Koka na Mjumbe wa Mkutano mkuu wa TFF Rugemalila Rutatina.

 

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more