TISEZA YAKARIBISHA WAWEKEZAJI KWALA YATENGA EKARI 100 KWA AJILI YA UWEKEZAJI

-


 


Na Gustaphu Haule, Pwani 

MAMLAKA ya Uwekezaji na Maeneo Maalumu ya Kiuchumi Tanzania (TISEZA) imesema imetenga ekari 100 katika eneo la Kwala katika Halmashauri ya Wilaya ya Kibaha Mkoani Pwani kwa ajili ya ujenzi wa viwanda.

Kaimu Meneja Uhusiano na Mawasiliano kwa Umma kutoka TISEZA Adelina Rushekya ametoa kauli hiyo Septemba 30,2025 wakati akizungumza na Waandishi wa habari katika mkutano maalum uliofanyika eneo la Kwala.

Kaimu meneja Uhusiano na Mawasiliano kwa Umma kutoka TISEZA Adelina Rushekya akizungumza na Waandishi wa habari katika eneo la Kwala.

Rushekya amesema kuwa maeneo ya Kwala yana vivutio vinavyotakiwa kwa ajili ya uwekezaji huku akisema fursa za uwekezaji zipo vizuri katika kila sekta.

Rushekya amesema mwekezaji atakayekuwa tayari kuwekeza katika eneo hilo atapatiwa ekari moja na pia anatakiwa kuwa na mtaji wa dola za Kimarekani milioni tano kwa wazawa na kwa raia wa kigeni anatakiwa kuwa na dola milion kumi.

Aidha Rushekya amesema kuwa  mwekezaji atakayepata eneo hilo atatakiwa kuliendeleza ndani ya miezi 12 kwa kujenga kiwanda ambacho amelenga kuwekeza.

Moja ya Maeneo ya uwekezaji eneo la Kwala

Ameongeza kuwa wawekezaji katika kongani ya viwanda Kwala mbali ya kupata ardhi bure pia watanufaika na msamaha wa kodi.

"Tunatoa kipaumbele kwa wazawa kuja kuwekeza mahali hapa lakini nafarajika kuona hadi sasa wazawa waliojitokeza kutaka kuwekeza eneo hili ni wengi na tunahamasisha zaidi kuja kuwekeza hapa kwakuwa fursa bado zipo zakutosha,"amesema Rushekya.

Kaimu Meneja Uhusiano na Mawasiliano kwa Umma kutoka TISEZA Adelina Rushekya akikagua bidhaa aina ya majokofu( Friji) zinazozalishwa na kampuni ya Snowsea iliyopo katika eneo la Kwala Halmashauri ya Wilaya ya Kibaha Mkoani Pwani.

Rushekya, amesema kuwa mwekezaji yeyote anayekuja kuwekeza katika kongani ya viwanda atakuwa amepata unafuu katika usafirishaji wa malighafi kwakuwa viwanda eneo hilo vipo vingi na itakuwa rahisi katika kupata malighafi zinazohusika.

Kwa upande wake msimamizi wa kampuni ya Snowsea ambao ni watengenezaji wa majokofu Gerald Wilfred amesema kampuni hiyo tayari imetoa ajira 30 wengi wao wakiwa wazawa.

Msimamizi wa Kampuni ya Snowsea iliyowekeza Kwala Wilayani Kibaha Gerald Wilfred ( mwenye Tshirt ya rangi Nyekundu) akiwaeleza Waandishi wa habari waliofika katika kampuni hiyo Septemba 30 namna  wanavyozalisha bidhaa za Majokofu katika kampuni yao.

Wilfred amesema wafanyakazi wa kampuni hiyo wamepewa ujuzi wa namna ya kutengeneza majokofu hayo jambo ambalo kwasasa wanaendelea nalo wenyewe bila msaada wa raia wa kigeni.

Amesema wafanyakazi hao ambao idadi kubwa ni wakazi wa Kwala wamenufaika na mradi huo kwa kupata ajira sambamba na wafanyabiashara wadogo wadogo kuendelea na biashara zao.


Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more