RC PWANI ATAKA MRADI WA IPOSA UTOE MATOKEO CHANYA KWA VIJANA

-


Na Gustaphu Haule, Pwani 

MKUU wa Mkoa wa Pwani  Abubakar Kunenge, ameielekeza Taasisi ya Elimu ya Watu Wazima kuhakikisha programu ya Mpango wa IPOSA  inakuwa na matokeo chanya kwa kuwajengea vijana uwezo wa kujiajiri na kuajirika. IPOSA ni Mpango ulioandaliwa na Taasisi ya Elimu ya Watu wazima wa elimu changamani kwa Vijana walio nje ya Shule. 

Kunenge ametoa maelekezo hayo wakati akifunga mafunzo ya walimu wa programu hiyo yaliyofanyika Oktoba 2,2025 katika  ukumbi wa mikutano wa Halmashauri ya Manispaa ya Kibaha.

Mkuu wa mkoa wa Pwani Abubakar Kunenge akizungumza na wasimamizi wa mradi wa IPOSA katika mkutano uliofanyika Oktoba 2,2025 katika ukumbi mdogo wa Halmashauri ya Manispaa ya Kibaha.

Alisema kuwa  elimu inayotolewa kupitia IPOSA haipaswi kubaki kwenye vyeti pekee, bali iwe chachu ya mabadiliko katika maisha ya vijana ambao wamekuwa wakikabiliwa na changamoto ya ajira.

“Mradi huu wa IPOSA lazima uwe na matokeo ya kweli, vijana wanapaswa kufundishwa stadi zitakazowawezesha kujitegemea kiuchumi, pamoja na kupunguza idadi ya watu wazima wasijua kusoma na kuandika",alisema Kunenge.

Aidha, Kunenge alimuagiza Afisa Elimu wa Mkoa wa Pwani Jimmy Nkwamo kuhakikisha anasimamia kikamilifu utekelezaji wa mradi huo ili uweze kuwanufaisha vijana katika kuendeleza maisha yao.


“Nakuagiza afisa elimu mkoa kuhakikisha kuwa programu ya IPOSA inaleta matokeo yanayoonekana kwa vijana na jamii kwa ujumla, tunahitaji kuona ushahidi wa mafanikio,” aliongeza  Kunenge.

Programu ya IPOSA inalenga kuwafikia vijana waliopo nje ya mfumo rasmi wa elimu kwa kuwapatia ujuzi na maarifa mbalimbali, yakiwemo mafunzo ya stadi za maisha, ujasiriamali, kusoma, kuandika, kuhesabu na mafunzo ya amali, ili kuwawezesha kujitegemea kiuchumi.

Mafunzo hayo yamekuwa yakitekelezwa katika mikoa mbalimbali nchini kwa lengo la kuhakikisha kundi la vijana lisilofikiwa na mfumo wa kawaida wa elimu linapewa nafasi ya kushiriki kikamilifu katika maendeleo ya nchi.

Kwa upande wake Mkuu wa Taasisi ya Elimu ya Watu Wazima Tanzania Profesa Philipo Sanga,alisema kuwa mradi wa IPOSA unatekelezwa katika mikoa Sita ya Tanzania Bara ukiwemo Mkoa wa Pwani, Simiyu, Manyara, Singida, Shinyanga na Tanga.

Mkuu wa Taasisi ya Elimu ya Watu Wazima Tanzania Profesa Philipo Sanga akizungumza katika mkutano wa wasimamizi wa mradi wa IPOSA uliofanyika Oktoba 2,2025 katika Halmashauri ya Manispaa ya Kibaha.

Sanga,alisema mradi huo unatekelezwa kwa awamu ya pili chini mfadhili KOICA kutoka Korea Kusini ambapo awamu ya kwanza ulikuwa ukitekelezwa chini ya ufadhili wa UNICEF,Plan - International pamoja na Care - International.

Alisema kuwa lengo la mafunzo hayo ni kuwaongezea hali ya ubunifu na msukumo wasimamizi wa mradi huo hata pale ambapo wafadhili watakoma kwakuwa mradi huo ni muhimu kwani unasaidia kupunguza changamoto za vijana hasa wale ambao walidondoka kutoka katika mtihani wa kitaifa.

Alisema kuwa mdondoko wa wanafunzi ni mkubwa na baadhi ya shule inafikia asilimia 45 ambapo kila mwaka wanafunzi 450,000 wanadondoka kutoka katika mfumo rasmi.

Wasimamizi na wathibiti ubora wa Program ya IPOSA wakiwa katika mkutano maalum uliofanyika Oktoba 2,2025 katika ukumbi wa Halmashauri ya Manispaa ya Kibaha 

"Jukumu la Taasisi ya Elimu ya Watu Wazima ni kuwapa fursa vijana wa Tanzania waliokosa kuendelea na mfumo rasmi ndio maana kuna program ya IPOSA ambayo mbali na kuwaongezea elimu lakini inawapa ujuzi ambao unawasaidia katika maisha yao,"Alisema Profesa Sanga.

Profesa Sanga, alisema kuwa takwimu zinaonyesha kuwa ipo mikoa 10 bora inayotekeleza program ya IPOSA ambapo Mkoa wa Pwani unashika nafasi ya Saba ukiwa na asilimia 13.7.

Alisema anamatumaini kuona vijana wanapata ujuzi wa kuendeleza maisha yao na matokeo hayo wameyaona kwenye mikoa ambayo imetekeleza mradi wa IPOSA ambapo baadhi ya vijana wameunda vikundi ambavyo vinawasaidia kupata mikopo.

Mwakilishi wa KOICA ambao ndio wafadhili wa mradi wa IPOSA awamu ya pili Efratha Kristos,alisema kuwa mradi huo unatekelezwa katika Halmashauri 30 kukiwa na vituo 31 ambapo Kati ya hivyo vituo 27 vya kawaida,vituo vitatu vya mfano na kituo kimoja cha kipekee kilichopo Mkoa wa Tanga,

Mwakilishi wa Shirika la KOICA Efratha Kristos akizungumza katika mkutano wa wasimamizi na wathibiti ubora wa Shule kuhusu mradi wa IPOSA mkutano ambao ulifanyika Oktoba 2,2025 katika Halmashauri ya Manispaa ya Kibaha.

Kristos,alisema IPOSA inatoa mafunzo mbalimbali kwa vijana ikiwemo ufundi seremala,umeme wa majumbani, kushona nguo,urembo,masuala ya saluni,utengenezaji wa batiki pamoja na Kilimo cha Mbogamboga na matunda.

Hatahivyo, alisema kuwa anatarajia kuona namna vijana waliopo katika mradi huo wanapata msaada ili waweze kujikwamua kiuchumi ikiwemo kupata mikopo ya Halmashauri na hata fursa za kazi pale zinapotokea.


Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more