MEDIA BRAINS YAWAPIGA MSASA WAANDISHI WA HABARI PWANI

-


Na Gustaphu Haule, Pwani 

WAANDISHI wa habari wa Mkoa wa Pwani wametakiwa kutumia taaluma yao kuwaelimisha Wananchi juu ya umuhimu wa kushiriki  masuala ya uchaguzi mkuu unaotarajia kufanyika Oktoba mwaka huu.

Wito huo umetolewa na Mkurugenzi mtendaji wa kampuni ya habari ya Media Brains iliyopo Jijini Dar es Salaam Jesse Kwayu wakati akifungua mafunzo ya siku moja ya masuala ya uchaguzi kwa Waandishi hao.

Mafunzo hayo yaliyofanyika Julai 9, 2025 Mjini Kibaha yaliwashirikisha Waandishi wa habari wa vyombo mbalimbali huku yakiwa chini ya wakufunzi wawili akiwemo mwandishi wa habari mkongwe Absalom Kibanda na Jesse Kwayu.

Katika mafunzo hayo Kibanda alifundisha kuhusu masuala ya Tume Huru ya Taifa ya Uchaguzi (INEC),Sheria ya Vyama vya Siasa pamoja na sheria ya uchaguzi ya Rais,Wabunge na Madiwani huku Jesse Kwayu akifundisha wajibu wa Waandishi wa habari katika kuripoti habari za uchaguzi mkuu na masuala ya Jinsia.

Mwandishi wa habari wa Channel Ten Margareth Malisa akionyesha cheti cha kushiriki mafunzo ya kuandika habari za uchaguzi yaliyotolewa na kampuni ya habari ya Media Brains Julai 9,Mjini Kibaha.

Katika mafunzo hayo Kwayu amesema kuwa waaandishi wa habari wamebeba dhamana kubwa ya kuelimisha jamii na ndio tegemeo kubwa katika masuala ya uchaguzi hivyo ni vyema kila mmoja akatumia kalamu yake kwa umakini.

Amesema kuwa ,Kwa kuzingatia umuhimu wa Waandishi wa habari hapa nchini hasa katika kipindi hiki cha kuelekea katika uchaguzi mkuu kampuni ya Media Brains imeona ni vyema ikawakumbusha Waandishi hao katika kutimiza wajibu wao kwa kufuata maadili,Sheria na kanuni zilizowekwa.

"Natambua kuwa wapo Waandishi wa habari wengi wameripoti masuala ya uchaguzi lakini sisi tumekuja hapa kukumbushana wajibu wetu lakini wapo wengine ambao hawajawai kuripoti hata chaguzi moja na wao watapata fursa mpya ya kwenda kutekeleza wajibu wao kikamilifu,"amesema Kwayu.

Nae Kibanda,amesema kuwa Tanzania kwa mara ya kwanza imepata Tume Huru ya uchaguzi ambapo aliipongeza Serikali kupitia Rais Dkt ,Samia Suluhu Hassan kwa kukubali kuundwa kwa Tume hiyo.

Mwandishi wa Habari mwandamizi Victor Masangu (kushoto) akipokea cheti cha kushiriki mafunzo ya kuandika habari za uchaguzi kutoka kwa Meneja miradi wa KAS Damasi Nderumaki (Kulia) katika mafunzo yaliyofanyika Julai 9, 2025 Mjini Kibaha

Aidha, Kibanda amesema kuundwa kwa tume hiyo kutasaidia kuondoa changamoto na malalamiko ya vyama vya Siasa kwakuwa kila kitu kitakuwa wazi na Vyama vitapata haki sawa.

"Mimi napongeza kuundwa kwa Tume Huru ya Taifa ya Uchaguzi lakini naamini kama kutafanyika mabadiliko kwa baadhi ya vipengele vilivyopo katika Tume hiyo hali ya uchaguzi itakuwa ya amani na utulivu,"amesema Kibanda.

Kwa upande wake Mratibu wa mafunzo hayo Neville Meena,amesema kuwa kampuni ya Media Brains imeanza kutoa mafunzo hayo katika mikoa mbalimbali ukiwemo Mkoa wa Mbeya ,Mwanza na sasa  Pwani, Morogoro,na Dar es Salaam na kisha baadae Kilimanjaro.

Mwandishi wa Habari wa gazeti la Nipashe Julieth Mkireri (Kushoto) akipokea cheti cha kushiriki mafunzo ya kuandika habari za uchaguzi kutoka kwa meneja miradi wa KAS Damasi Nderumaki (Kulia).

Meena,amesema kuwa mafunzo hayo yanafadhiliwa na Shirika lisilo la Kiserikali kutoka nchini Ujerumani Kondrad Adenaeauer Stiftung (KAS).

Hatahivyo, Meneja miradi wa KAS anayesimamia upande wa Tanzania Damasi Nderumaki amesema kuwa Wajerumani wamejitoa kusaidia Watanzania kupitia kodi za wananchi wao na anapenda kuona fedha hizo zikitumika ilivyokusudiwa.

Nderumaki ,amewataka Waandishi hao kutumia fursa hiyo kikamilifu kwa ajili ya kuelimisha jamii juu ya kuona umuhimu wa kushiriki uchaguzi sambamba na kuchagua viongozi wazuri wenye uwezo wa kuwaletea maendeleo.

Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more