MAKAMU MWENYEKITI UWT TAIFA ARIDHISHWA UJENZI SHULE YA ENGLISH MEDIUM KATA YA SOFU

-

Na Gustaphu Haule, Pwani 

MAKAMU mwenyekiti wa Umoja wa Wanawake wa Chama Cha Mapinduzi Tanzania ( UWT) Zainabu Shomari ameeleza kuridhishwa na ujenzi wa mradi wa Shule ya awali na Msingi ya Mwalimu Nyerere unaotekelezwa katika Kata ya Sofu Halmashauri ya Mji Kibaha.

Makamu mwenyekiti wa Umoja wa Wanawake Tanzania (UWT) Zainabu Shomari akisaini kitabu cha wageni katika Shule ya mchepuo wa Kiingereza ya awali na Msingi ya Mwalimu Nyerere iliyopo Kata ya Sofu Manispaa ya Kibaha  alipokwenda kwa ajili ya kukagua Shule hiyo Juni 15,2025.
Makamu mwenyekiti wa Umoja wa Wanawake Tanzania (UWT) Zainabu Shomari akisaini kitabu cha wageni katika Shule ya mchepuo wa Kiingereza ya awali na Msingi ya Mwalimu Nyerere iliyopo Kata ya Sofu Manispaa ya Kibaha  alipokwenda kwa ajili ya kukagua Shule hiyo Juni 15,2025.

Mradi huo wa Shule yenye mchepuo wa kiingereza unatekelezwa na Halmashauri ya Mji Kibaha kwa fedha za makusanyo ya  mapato ya ndani zaidi ya Sh .milioni 700 kupitia force account kwa awamu tatu.

Shomari, ameridhishwa na mradi huo katika ziara yake aliyoifanya  Shuleni hapo Juni 15,2025 ikiwa ni sehemu ya kukagua utekelezaji wa ilani ya Chama Cha Mapinduzi ( CCM) katika kipindi cha mwaka 2020 / 2025.

Akizungumza na  Wananchi, walimu na baadhi ya viongozi wa CCM wa Kata ya Sofu,Shomari amesema kuwa mradi huo utakuwa chachu ya kusukuma maendeleo ya elimu katika Mji wa Kibaha na hivyo kuwafanya watoto kusoma kisasa.

Amesema kuwa, Serikali imewekeza katika elimu na ndio maana leo Kibaha imepata Shule za mfumo wa Kiingereza na kwamba watoto watapata elimu bila tatizo hivyo wazazi wahakikishe watoto wao wanasoma.

Baadhi ya Wananchi,walimu na viongozi wa CCM Kata ya Sofu wakimsikiliza Makamu mwenyekiti wa UWT Taifa Zainabu Shomari alipotembelea na kukagua mradi wa Shule ya awali na Msingi ya mchepuo wa Kiingereza unaotekelezwa na Manispaa ya Kibaha Mjini kwa fedha za makusanyo ya mapato ya ndani.

"Binafsi nimekuja hapa kukagua mradi huu ili nijiridhishe lakini nasema ukweli mimi  nimeridhishwa sana ,ila tunatakiwa kujua  Serikali imewekeza fedha nyingi katika mradi huu hivyo wazazi hakikisheni mnazingatia elimu kwa watoto," amesema Shomari 

Shomari, amesema kuwa mpaka sasa amepita katika Kata 1098 nchini na kila Kata alikopita amekuta alama ya maendeleo aliyoiweka Rais Dkt.Samia Suluhu Hassan.

Aidha, Shomari amewaomba Wananchi wa Kibaha Mjini kuendelea kumuunga mkono Rais Samia kwakuwa kazi aliyoifanya ndani ya miaka minne ni kubwa huku akisema imani yake kuwa Rais Samia akipewa miaka mitano ijayo spidi ya maendeleo itakuwa kubwa.

Amesema kuwa baada ya kifo cha Hayati John Magufuli Dkt .Samia alichukua Kijiti japo kulikuwa na taharuki kubwa na wengi walisema hatoweza lakini ameweza kufanya makubwa kiasi ambacho kinawashangaza wengi.

Amesema kuwa, Rais Samia alipoingia madarakani aliikuta miradi mikubwa  ya Kimkakati ukiwemo mradi wa Reli ya Mwendokasi (SGR) ambapo wengi walisema hatoweza kukamilisha.

Shomari ameongeza mradi mwingine ni wa Bwawa la kufua umeme la Mwalimu Nyerere na mradi mkubwa wa daraja la Bugongo - Busisi ambapo miradi yote imekamalika huku daraja hilo linalotarajia kuzinduliwa Juni 19,2025 na Rais Samia.

Amesema kutokana na kazi kubwa zilizofanywa na Rais Samia Chama Cha Mapinduzi (CCM) kimeona Rais huyo anafaa kuendelea kulitumikia Taifa kwa miaka mitano ijayo na ndio maana chama kimepitisha jina lake kikanuni kuwa mgombea pekee wa nafasi ya Urais .

Shomari amewaomba wanawake wa UWT pamoja na wanaCCM kwa ujumla na Wananchi kuendelea kumuunga mkono Rais Samia kwakuwa mpaka sasa hadaiwi kitu ila yeye ndiye anayedai.

Makamu mwenyekiti wa Umoja wa Wanawake Tanzania ( UWT) Zainabu Shomari akikagua Shule ya awali na Msingi ya Mwalimu Nyerere iliyopo Kata ya Sofu Kibaha Mjini katika ziara yake aliyoifanya Juni 15,2025.

Msimamizi wa Shule hiyo Jasmine Msuya, amesema kuwa Shule hiyo ya mchepuo wa kiingereza ikikamilika itakuwa Shule ya tatu Kibaha Mjini ikiwemo Mkoani iliyopo Kata ya Tumbi na Mtakuja Kata ya Pangani.

Msuya, amesema kuwa ujenzi wa Shule ya awali na Msingi  ya Mwalimu Nyerere unatekelezwa kwa awamu tatu ambapo awamu ya kwanza imegharimu zaidi ya Sh.milioni 458.

Amesema awamu hiyo ya kwanza imehusisha jengo la utawala, vyumba tisa vya madarasa,matundu 17 ya vyoo,kichomeo taka,ununuzi wa madawati,na samani za ofisi.

Baadhi ya majengo ya Shule ya awali na Msingi yenye mchepuo wa Kiingereza iliyopo Kata ya Sofu Manispaa ya Kibaha Mjini Mkoani Pwani iliyojengwa kwa mapato ya ndani ya Manispaa hiyo.

Msuya, amesema kuwa awamu ya pili imehusisha jengo la maktaba na Tehama, ujenzi wa tenki la ardhini ,mnara wa tenki,ununuzi wa miundombinu ya michezo ya watoto,vitabu, kompyuta 
na projekta ambapo imelenga kutumika zaidi ya  Sh.milioni 157 lakini mpaka sasa milioni 97 zimetumika na ujenzi umefikia asilimia 85.

Hatahivyo, Msuya amesema kuwa awamu tatu itahusisha ujenzi wa uzio na uwanja wa michezo ambapo inakadiriwa kutumika zaidi ya Sh.milioni 89.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more