MADAKTARI BINGWA WA RAIS SAMIA WAPIGA KAMBI PWANI

-

Na Gustaphu Haule,Pwani
 
TIMU ya madaktari bingwa 64 ya Rais wa Jamhuri ya Muungano wa Tanzania Dkt.Samia Suluhu Hassan imepokelewa Mkoani Pwani kwa ajili ya kuanza kazi maalum ya  kutoa huduma ya matibabu na uchunguzi wa Wananchi wa maeneo mbalimbali yaliyopo Mkoani Pwani.

Timu hiyo imepokelewa leo Juni 9, 2025 katika ofisi ya mkuu wa Mkoa wa Pwani na Mganga Mkuu wa Mkoa huo Kusirye Ukio ambaye katika hafla hiyo Ukio amemwakilisha Katibu Tawala wa Mkoa wa Pwani Rashid Mchatta.

Mganga Mkuu wa mkoa wa Pwani Kusirye Ukio, akizungumza na madaktari bingwa wa Rais Samia mara baada ya kuwasili Mkoani humo leo kwa ajili ya kuanza kutoa huduma kwa jamii.

Akizungumza katika hafla ya kuwapokea madaktari hao Ukio amewapongeza madaktari hao kwa utayari wao huku akiwaomba kwenda kujitoa kwa ajili kuwasaidia Wananchi na jamii kiujumla katika kupata huduma bora ya uchunguzi na matibabu.

Ukio, amesema kuwa Rais Dkt.Samia ameanzisha jambo kubwa na nzuri lenye maslahi ya Wananchi wake na kwamba anataka kuona kampeni hiyo inakuwa na msaada kwa Watanzania wote katika kuwaondolea changamoto za kimatibabu zinazowakabili.

Amesema kuwa, katika kufikia malengo ya Rais Samia madaktari ndio wamepewa heshima na dhamana kubwa ya kufanyakazi hiyo huku akisema ni vyema sasa wakafanyekazi bila kuchoka na wakajitume kwa nguvu na uwezo wao wote.

Madaktari bingwa wa Rais Dkt.Samia Suluhu Hassan wakipokelewa leo Juni 9, 2025 katika ofisi ya Mkuu wa mkoa wa Pwani tayari kwa kuanza kazi ya kutoa huduma kwa Wananchi wa Halmashauri mbalimbali Mkoani Pwani.

Ukio, amewatoa wasiwasi madaktari hao kuwa maeneo waliyopangiwa yapo vizuri kwakuwa miundombinu imeboreshwa na kuwekwa vifaa vya kutosha vitakavyorahisisha utendaji wa kazi zao.

"Najua mpo madaktari bingwa wa magonjwa mbalimbali na wauguzi kwahiyo niwaombe msichoke ,nendeni mkawahudumie Wananchi na mkawape huduma sahihi lakini  mkatangaze upendo na msiogope kusema ukweli ," amesema Dr Ukio

Pamoja na mambo mengine, Ukio amewaomba madaktari hao katika kutoa huduma wahakikishe wanawasimamia vizuri wataalam wengine ili kuhakikisha huduma inayotolewa inakuwa bora zaidi.


Ukio, ameongeza kuwa Mkoa utakwenda kufanyiakazi yale yote yatakayojitokeza katika zoezi hilo kwakuwa lengo la Rais Samia ni kutaka kuboresha huduma ya afya hapa nchini. 

Kwa upande wake afisa programu kutoka Wizara ya afya Joachim Masunga, amesema kuwa madaktari hao wanatoka katika hospitali mbalimbali hapa nchini ikiwemo hospitali ya Taifa Muhimbili.

Afisa programu kutoka Wizara ya afya Joachim Masunga akizungumza na madaktari bingwa wa Rais Dkt.Samia Suluhu Hassan walipowasili Mkoani Pwani Juni 9,2025 kwa ajili ya kuanza kutoa huduma kwa jamii 

Masunga, amesema kuwa Mkoa wa Pwani imeingia timu ya madaktari bingwa na wauguzi wakiwa jumla 64 ambao wamegawanywa na kupelekwa katika Halmashauri zote za Mkoa.

Amesema kuwa, timu hiyo itafanyakazi kwa muda wa siku tano na mgonjwa atapata huduma ya kibingwa papo hapo na wale ambao watagundulika kuwa na shida zaidi utaratibu mwingine utafanyika.


Masunga, ametaja baadhi ya magonjwa yatakayochunguzwa kuwa ni magonjwa ya Wanawake na Uzazi, magonjwa ya watoto, Upasuaji, dawa za usingizi, magonjwa ya ndani na magonjwa ya kinywa na meno

Mratibu wa timu ya madaktari bingwa Mkoa Pwani Aden Mpangile, amesema mpaka sasa zoezi linaendelea vizuri kwa kila Halmashauri ambapo amewaomba Wananchi kujitokeza na kutumia fursa hiyo Kwa ajili ya kuchunguza afya zao.

Madaktari bingwa wa Rais Samia wakiwa na Mganga Mkuu wa mkoa wa Pwani Kusirye Ukio leo Juni 9,2025 walipopokelewa katika ofisi ya Mkuu wa mkoa wa Pwani.

Daktari bingwa wa magonjwa ya Wanawake na Uzazi Dr.Mdoe Gumbo kutoka katika Manispaa ya Kibaha  amesema yeye na wenzake wamejipanga vizuri kuhakikisha wanatoa huduma hiyo kikamilifu kwa jamii .


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more