WANANCHI KITONGOJI CHA KWAKIBOSHA MAPINGA WAMCHARUKIA PETER JUNIOR ANAYETAKA KUVUNJA NYUMBA ZAO, WAMUOMBA RAIS SAMIA KUINGILIA KATI

-

Na Gustaphu Haule, Pwani 

WANANCHI wa Kitongoji cha Kwakibosha katika Kata ya Mapinga Bagamoyo Mkoani Pwani wameiomba Serikali kumchukulia hatua za kisheria Peter Junior ambaye anadaiwa kutaka kupora ardhi sambamba na kuvunja nyumba za wakazi wa eneo hilo.

Wamemuomba Rais wa Jamhuri ya Muungano wa Tanzania Dkt.Samia Suluhu Hassan kuingilia kati jambo hilo ili kusudi kuwafanya Wananchi hao kuishi kwa amani na utulivu na hivyo kuondokana na taharuki iliyopo hivi sasa.

Wametoa ombi hilo katika mkutano wao maalum wa kuzungumza na Waandishi wa habari juu ya kutoa kero hiyo ikiwa ni sehemu ya kuiomba Serikali kutafuta ufumbuzi juu ya mgogoro huo ambao hauna afya kwa maisha yao.

katika mkutano huo uliofanyika Mei 20, 2025 katika Kitongoji hicho mmoja wa Wananchi hao Elias Kashaga, amesema kuwa anashangazwa kuona Peter Junior amekuwa akiwasumbua na kutaka kupora eneo lao kinyume na utaratibu.

Mwananchi wa Kitongoji cha Kwa Kibosha kilichopo Kata ya Mapinga Bagamoyo Mkoani Pwani Elias Kashaga,akieleza masikitiko yake juu ya kubomolewa nyumba yake na mtu anayejulikana kwa jina la Peter Junior 

Kashaga, amesema kuwa yeye ni mhanga wa eneo hilo ambaye nyumba yake awali ilivunjwa na Peter Junior kwa madai ya kuwa eneo hilo ni lake huku akisema mtu huyo amekuwa akiwatesa sana Wananchi wa eneo hilo.

"Tunaiomba Serikali iingilie kati jambo hili ikiwa pamoja nakumfanyia uchunguzi huyu mtu na ikiwezekana Takukuru,Wizara ya Ulinzi na Vyombo vya vingine vya usalama vimalize jambo hili kwa haraka ili kuzuia hatari inayoweza kutokea hapo baadae,"amesema Kashaga.

Nae Yolanda Mingoi, Mkazi wa Kwa Kibosha amesema kuwa Peter Junior anawafanya Wananchi wakose amani kwa vitisho vyake kwa jamii huku akisema anatumia ujanja na njia zisizo sahihi kutaka kupora ardhi ya Wananchi hao.

Yolanda Mingoi Mkazi wa Kitongoji cha Kwakibosha akizungumza na Waandishi wa habari leo Mei 20,2025 kuhusu namna wanavyopata taharuki ya kutaka kubomolewa nyumba zao na mtu anayejulikana Kwa jina la Peter Junior 

Mingoi, ameiomba Serikali ya awamu ya Sita Chini ya Rais Dkt.Samia Suluhu Hassan kuingilia kati suala hilo ili kuwafanya Wananchi hao waishi kwa amani kwakuwa anaamini Peter Junior hana viwanja Wala kipande chochote cha ardhi katika eneo hilo.

Mwenyekiti wa Kitongoji hicho Shabani Rashid akifafanua jambo hilo katika mkutano huo, amesema kuwa eneo la Kwa Kibosha lina nyumba 120 na wakazi zaidi ya 300.

Rashid, amesema kuwa Peter Junior ndio amekuwa mtu msumbua kwa Wananchi wake akitaka kupora ardhi ya Wananchi kwa kutumia mabavu lakini hatahivyo hawezi kukubali kuona Wananchi hao wanapata shida.

Mwenyekiti wa Kitongoji cha Kwakibosha kilichopo Kata ya Mapinga Bagamoyo Mkoani wa Pwani Shabani Rashid akizungumza na Waandishi wa habari katika mkutano uliofanyika katika eneo kuhusu Peter Junior anayedaiwa kutaka kupora maeneo ya Wananchi hao.

Amesema, Peter Junior hana eneo lolote na kwamba hata alipokwenda Mahakamani amekwenda kumshtaki mtu anayeitwa Peter Maro kuwa amevamia eneo lake jambo ambalo linashangaza kwakuwa Peter Maro hana eneo katika Kitongoji hicho na wala hajulikani katika Kitongoji hicho .

Amesema kuwa, vitendo vya Peter Junior kuwasumbua Wananchi hao vimekuwa vya mara kwa mara na hivyo kuwafanya Wananchi waishi kwa hofu kutokana na taharuki kubwa iliyopo huku akisema awali alibomoa nyumba 12 katika eneo hilo.

"Ni kweli Peter Junior alikwenda Mahakamani lakini hukumu ya Mahakama inamuhusu Peter Maro ambae hapa kwetu hana kipande cha ardhi,wala hajulikani na Wananchi wa hapa na Wala hajawai kuuza ardhi kwa yeyote miongoni mwetu,",amesema Rashid.

Rashid, amesema kuwa ndugu Peter Junior itakuwa busara kwake akienda kuonesha hiyo ardhi aliyoshinda kwa Peter Maro ili amuamuru kuondoka katika ardhi hiyo yeye na washirika wake kama ambavyo amri ya Mahakama ilivyohitaji.

"Ndugu Wananchi,ardhi hii hakuna kipande hata kimoja ambacho kinamilikiwa na Peter Maro Wala washirika wake isipokuwa ardhi hii inamilikiwa na watu tofauti tofauti wapatao 120 ambao hawajawahi kuuziwa na Peter Maro hata hatua Moja wala kuuziwa na washirika wake,", amesema Rashid 

Mwenyekiti Rashid, ameongeza kuwa kwasasa yupo imara na msimamo wake ni kuwa hukumu inahusu shamba la Peter Maro na sio Wananchi 120 ambapo amemtaka Peter Junior aoneshe  wawakilishi wa Mahakama ardhi aliyoshinda na aache kuchezea Wananchi wake.

"Naomba nitumie fursa hii kutangaza kuwa utapeli wa ardhi Kwakibosha ni marufuku  na yeyote asijihusishe na watu wanaoamini kuwa wanaweza kuhonga fedha tafuteni wa kumhonga ila sio mimi,"amesema 

Rashid,amesema kuwa mwaka huu ni mwaka wa uchaguzi na kilichombele yao ni kuhakikisha wanatimiza aadi ya kumpa Rais Dkt Samia Suluhu Hassan kura za kutosha kwakuwa amekuwa kiongozi wa mfano anayefanyakazi za kutatua kero za Wananchi sambamba na kuliletea Wananchi maendeleo.

Kwa upande wake Peter Junior, amesema kuwa hao watu wanaolalamika walinunua eneo hilo kutoka kwa Ally Mguru kwa mujibu wa dokumenti (documents)zao ambazo walizitoa Mahakamani na hao Wananchi wanaolalamika waliwahi kufungua kesi Mahakama Kuu kesi namba 260 ya Mwaka 2003 na walishindwa.

Junior,amesema yeye haitaji msaada wa kiongozi yeyote na hivyo atabomoa kwa amri ya Mahakama na atalichukua eneo hilo kwa mujibu wa Sheria.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more