WAWEKEZAJI WA VIWANDA, MADEREVA MALORI ENEO LA ZEGERENI KIBAHA WALIA NA UBOVU WA BARABARA YA KINGLION ,WAMUOMBA RAIS SAMIA KUINGILIA KATI.

-


Na Gustaphu Haule,Pwani

WAWEKEZAJI wa Viwanda pamoja na madereva wa malori wanaotumia barabara ya Kinglion iliyopo eneo la viwanda la Zegereni katika Halmashauri ya Mji Kibaha wameshindwa kuendelea na uzalishaji kutokana na kukosa barabara ya kusafirishia bidhaa zao.

Hali hiyo imetokana na barabara hiyo ambayo wamekuwa wakiitumia mara kwa mara kuharibika vibaya na mvua zinazoendelea kunyesha na hivyo kupelekea magari ya mizigo yanayosafirisha bidhaa kutoka katika Viwanda hivyo pamoja na yale yanayopeleka malighafi viwandani kushindwa kupita.

Kutokana na adha hiyo Wawekezaji wa Viwanda katika eneo hilo pamoja na wadau wengine wakiwemo madereva wa malori wameiomba Serikali ya awamu ya Sita chini ya Rais Dkt.Samia Suluhu Hassan kuwatatulia changamoto hiyo ili kuwa na uhakika wa kusafirisha bidhaa zinazozalishwa katika viwanda hivyo.
Lori la mizigo likiwa limenasa katika barabara hiyo likiwa linapeleka malighafi ya kutengenezea bati katika kiwanda cha Kinglion kilichopo eneo la viwanda la Zegereni katika Halmashauri ya Mji Kibaha Mkoani Pwani 

Meneja wa kiwanda cha Dominick Milling Group Ltd kinachozalisha unga wa aina mbalimbali GoodLuck Patrice amewaambia Waandishi wa habari waliotembelea katika eneo hilo kuwa kwasasa wamesimamisha uzalishaji kwakuwa hawana barabara ya kupitisha bidhaa hiyo.

Patrice, amesema kuwa barabara hiyo ya Kilomita 2 inayojulikana kwa jina la Kinglion Road kwasasa ni mbovu kiasi ambacho magari ya mizigo hayawezi kupita kwani mengi yanayojaribu kupita hukwama.

Amesema, muda mrefu Serikali imetoa ahadi ya kuitengeneza kwa kiwango cha lami kwa ajili ya kuwasaidia Wawekezaji lakini mpaka leo hakuna lililofanyika licha ya kufanya jitihada kubwa za kufuatilia katika mamlaka mbalimbali zinazohusika .

"Barabara hii ya Kinglion yenye urefu wa Kilomita mbili kwasasa imesababisha kukwamisha shughuli zetu za uzalishaji kwakuwa tukizalisha hakuna sehemu ya kupitisha magari ya mizigo jambo ambalo linasabisha hasara kubwa,"amesema Patrice 

Patrice, amesema kuwa kwa siku kiwanda chake kinauwezo wa kuzalisha tani za unga 50 na kwamba kinaposimama maana yake uzalishaji huo unakwama na hivyo kupelekea hasara kubwa huku akiendelea kumuomba Rais Samia kuona namna ya kuwatengenezea mazingira mazuri ya barabara hiyo.

Meneja wa kiwanda cha Dominick Milling Group Ltd GoodLuck Patrice akiwaeleza Waandishi wa habari juu ya adha wanayoipata kutokana na ubovu wa barabara ya Kinglion yenye urefu wa Kilomita 2. katika eneo la viwanda Zegereni Kibaha Mjini 

Nae George Ally, ambaye alikutwa gari lake limekwama katika barabara hiyo ameeleza adha wanayoipata katika barabara hiyo huku akisema uwekezaji katika eneo hilo bila kuwa na barabara nzuri uenda mipango yao ya uwekezaji ikashindwa kufikia malengo.

Ally, amewaambia Waandishi wa habari kuwa wao ni Wawekezaji ambao wamekuja katika eneo la Zegereni kujenga kiwanda tangu miezi mitatu iliyopita lakini adha waliyokutananayo ni kuwepo kwa barabara mbovu ambayo inawapelekea kukwama mara kwa mara.

Amesema ,hali hiyo inakatisha tamaa kwakuwa mpaka sasa wanashindwa kupitisha malori ya vifaa vya ujenzi huku akisema ujenzi wa kiwanda katika eneo hilo uenda ukasimama.

Ally, ameiomba Serikali ya awamu Sita kuhakikisha inaimarisha miundombinu ya barabara katika eneo hilo ili kusudi waweze kujenga viwanda ambavyo vitasaidia kuliingiza Taifa mapato lakini pia hata kuzalisha ajira kwa Watanzania.

"Sisi ni Wawekezaji katika eneo hili la Zegereni lakini barabara tunayoitumia ni hii ya Kinglion ambayo ni mbovu na haipitiki,tuna miezi mitatu sasa tangu tuanze kuja huku kujenga kiwanda lakini barabara mbovu na tunakwama kila siku kama ambavyo mnaona hapa,"amesema Ally 

Dereva wa Malori ya mizigo anayetumia barabara hiyo Issa Mohamed,amesema kuwa kwasasa amesimama kufanyakazi kwakuwa barabara hiyo haipitiki na kwamba mara ya mwisho alikuwa anasafirisha saruji kwa ajili ya kwenda katika eneo hilo katika shughuli za viwanda lakini alikwama siku tatu katika barabara hiyo.

Lori la mizigo likiwa limenasa katika barabara ya Kinglion iliyopo eneo la viwanda la Zegereni Kibaha Mjini Mkoani Pwani 

Kwa upande wake Patrick Mapori, dereva wa gari la mizigo amesema kuwa barabara ya Kinglion imekuwa ikikwamisha shughuli za uwekezaji kwakuwa wapo madereva wanaoitumia kuleta malighafi na wengine kuchukua bidhaa viwandani na kupeleka sokoni lakini kipindi cha mvua barabara hiyo haipitiki.

"Bila kuwa na miundombinu mizuri ya barabara ni wazi kuwa hakuna uwekezaji imara,tunaomba Serikali hii ya Mama Samia ijenge barabara hii kwa kiwango cha lami ili kuendelea kuwavutia Wawekezaji ambao watatoa ajira kwa vijana na hata kuchangia pato la Taifa,"amesema Mapori.

Hatahivyo,Machi mwaka huu Waziri wa Nchi, Ofisi ya Rais, Mipango, na Uwekezaji Profesa Kitila Mkumbo alifanya ziara ya kutembelea kiwanda  cha Kinglion ambapo moja ya changmoto aliyoipokea kiwandani hapo ni ubovu wa barabara hiyo.


Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more