CPA MAKALLA AWAOMBA WATANZANIA KUSIMAMA NA RAIS SAMIA

-

Na Gustaphu Haule, Pwani

KATIBU wa NEC, Itikadi, Uenezi, Siasa na Mafunzo wa Chama Cha Mapinduzi (CCM) CPA  Amos Makalla, amewaomba Watanzania kuhakikisha wanasimama na Rais Dkt.Samia Suluhu Hassan katika uchaguzi Mkuu wa mwaka 2025.

Makalla, ametoa kauli hiyo Aprili 23, 2025 wakati akifungua mkutano mkuu maalum wa Jimbo la Kibaha Mjini lililopo Mkoani Pwani uliokuwa unahusu uwasilishaji wa taarifa ya utekelezaji wa ilani ya CCM kwa kipindi cha mwaka 2020/2025 chini ya mbunge Silvestry Koka.

 

Makalla, amesema kuwa Rais Samia ni kiongozi mahiri na mpenda maendeleo ambaye toka aingie madarakani amekuwa Rais wa kwanza kuvunja rekodi ya kutoa fedha za miradi ya maendeleo kuliko awamu zote zilizopita.

"Nawaomba Watanzania wasimame na Dkt.Samia Suluhu Hassan maana amevunja rekodi ya kuwa Rais wa kwanza kutoa fedha nyingi za utekelezaji wa miradi ya maendeleo kuliko awamu zote zilizopita," amesema Makalla 

Makalla, amesema Rais Samia amefanyakazi kubwa ya kuiletea maendeleo Tanzania halafu anatokea mtu mmoja anasema Rais hakufanya kitu wakati wengi wao wanamheshimu Dkt.Samia ambapo amesema watu kama hao wapingwe kwa nguvu zote.


"Yaani Rais huyu amefanyakazi kubwa Kwa kipindi kifupi alichokaa madarakani na amegusa kila sekta na sote tumeona halafu anatokea tu mtu mmoja anasema Rais Samia hakufanya kitu,loooh!mtu wa namna hiyo lazima apingwe kwa nguvu zote ,"ameongeza Makalla 

Aidha, katika mkutano huo Makalla amesema kuwa mwaka huu CCM imekuja na utaratibu mpya wa kuongeza wigo wa wapiga kura katika uchaguzi wa kura za maoni na moja ya wajumbe ni mabalozi.

Amesema katika mchakato huo, Makalla amesema kuwa, wagombea wote watachukua fomu lakini watateuliwa watatu na kisha mkutano Mkuu wa Jimbo kupiga kura za maoni kwa ajili ya kumpata mgombea mmoja ambaye atapewa ridhaa ya chama.


Amesema kuwa, lengo la kufanya hivyo ni kupunguza makundi katika kipindi cha uchaguzi huku akiwasisitiza wagombea wanaotroti wawe na nidhamu kwakuwa wanaweza kutroti sana lakini wasiteuliwe.

Makalla, amesema kuwa baada ya kura za maoni wanachama washikamane ili CCM iendelee kuwa imara tofauti na vyama vingine huku akitolea mfano Chama Cha Demokrasia na Maendeleo (CHADEMA ) kinavyovurugana baada ya uchaguzi wao.

Ameongeza kuwa, miaka kadhaa mbele Chadema kitakuwa kama jukwaa la wanaharakati kwakuwa wao wenyewe ndio wanaokivuruga huku akisema hataki kuona hali hiyo inajitokeza CCM.

"Hapa namaanisha kampeni za CCM ziwe za kistaarabu hasa katika uchaguzi wa ndani wa kura za maoni ili kudhihirisha Umma CCM ni Chama kikubwa na kura za maoni zitakazofanyika sasa ziendelee kuimarisha chama na kukifanya kishike dola 2025," amesema Makalla 

Aidha, Makalla akiwa katika mkutano huo amempongeza Mbunge wa Jimbo la Kibaha Mjini Silvestry Koka kwa kazi nzuri aliyoifanya na namna ambavyo ameipambania Kibaha Mjini katika suala la maendeleo.

Makalla amewaomba wanaCCM pamoja na wananchi wa Kibaha Mjini kiujumla kuendelea kushirikiana na mbunge huyo ili kusudi Jimbo la Kibaha Mjini liweze kusonga mbele zaidi kimaendeleo.

Kwa upande Mbunge wa Jimbo la Kibaha Mjini Silvestry Koka amemshukuru Makalla kwa kujitoa kwake na kushiriki pamoja na wanachama wa Kibaha Mjini huku akisema yupo tayari kuendelea kushirikiana na WanaKibaha katika kusukuma gurudumu la maendeleo.


Koka, amesema kuwa Kibaha Mjini imekuwa na mafanikio makubwa ikiwemo kupata Manispaa na mafanikio hayo yametokana na nguvu kubwa za Rais Dkt.Samia Suluhu Hassan ambaye ndiye kinara wa utoaji fedha za miradi ya maendeleo.

"Binafsi nitumie nafasi hii kumshukuru Rais wetu Dkt.Samia Suluhu Hassan kwa kazi anayoifanya na hata sisi hapa Kibaha Mjini tumepata mafanikio kutokana na wepesi wake wa kutuletea fedha za miradi kwa wakati , kwahiyo lazima tumuunge mkono juhudi zake ,", amesema Koka 

Mwenyekiti wa CCM Kibaha Mjini Mwalimu Mwajuma Nyamka

Mwenyekiti wa CCM Kibaha Mjini Mwalimu Mwajuma Nyamka, amesema kuwa Ilani ya CCM Kibaha Mjini imetekelezeka Kwa asilimia 87 na kazi hiyo imefanywa na Rais Samia , Mbunge na Madiwani.


Hatahivyo , mikutano ya kuwasilisha utekelezaji wa ilani ya CCM Kibaha Mjini bado inaendelea kufanyika kwa kujumuisha Kata tatu kila siku na inatarajia kukamilika Aprili 27 mwaka huu .

Mwisho 


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more