CPA AMOS MAKALLA : VIONGOZI ACHENI KUWABEBA WAGOMBEA MIFUKONI MKEKA UTACHANIKA

-


Na Gustaphu Haule,Pwani

KATIBU wa Itikadi, Uenezi na Mafunzo wa Chama cha Mapinduzi ( CCM),CPA Amos Makalla amewapiga marufuku viongozi wa chama wanaowahakikishia ushindi watia nia wa ubunge na udiwani kuacha maramoja tabia hiyo kwakuwa wao sio waamuzi wa mwisho.

Aidha, Makalla amezitaka kamati za Siasa za Wilaya na Mkoa kuacha kubeba wagombea wao mfukoni kwakuwa kufanya hivyo kunachangia kuwanyima haki wanachama wengine wenye nia ya kugombea katika nafasi hizo.

Makalla ametoa kauli hiyo wakati akifungua mkutano mkuu maalum wa Jimbo la Kibaha Mjini uliofanyika April 23, 2025 juu ya uwasilishaji wa taarifa ya utekelezaji wa ilani katika kipindi cha mwaka 2020 / 2025 chini ya mbunge wa Jimbo  la Kibaha Mjini Silvestry Koka. 

CPA Amos Makalla Katibu wa Itikadi, Uenezi na Mafunzo wa Chama cha Mapinduzi ( CCM) akisalimia wajumbe wa Mkutano

Amesema kuwa, wapo viongozi wanatembea na orodha ya wagombea wa ubunge na udiwani huku wakiwahakikishia kuingia katika tatu bora ambapo amesema waache kufanya hivyo kwakuwa hawana maamuzi ya mwisho.

Ameongeza kuwa kufanya hivyo ni sawa na mchezo wa kubahatisha (Betting) ambao siku ya mwisho mkeka unaweza kuchanika na ukakosa la kumwambia mgombea na hivyo kutafuta sehemu ya kujificha.

Amesema, CCM ni chama imara na kipo makini na kwamba mwaka huu chama kitateua wagombea wazuri na makini wenye kukubalika na Wananchi huku akisisitiza baada ya kura za maoni ni vyema wanachama wakashikama ili CCM iendelee kuwa imara.


"Mwaka huu chama kimekuja na uratibu mzuri utakaohakikisha wagombea watakaoteuliwa wanakubalika,sasa wewe ukiendelea kuwaahidi kwamba nafasi ya ubunge una uhakika nayo halafu  mwisho wa siku mgombea wako akakosa utatafuta mahali pakujificha,"ameongeza Makalla.

Makalla katika hatua nyingine amempongeza Mbunge wa Jimbo la Kibaha Mjini Silvestry Koka kwa kazi nzuri aliyoifanya ya kuiletea maendeleo Kibaha Mjini.

Amemtaka Mbunge huyo kuendelea kufanyakazi ya kuwatumikia wananchi kwakuwa bado muda upo wa kufanya hivyo na kwamba kama kuna watu wanajipitisha bila utaratibu ni wazi kuwa wanapoteza muda wao bure.

"Nimeona katika taarifa yako ya utekelezaji wa ilani ya CCM umeitendea haki kwa kugusa kila sekta lakini pia hata Wananchi wako nimewasikia wakizungumza vizuri basi niseme inshallah Mungu akusaidie,"amesema Makalla

Katibu wa NEC Itikadi, Uenezi, Siasa, na Mafunzo wa Chama Cha Mapinduzi (CCM) CPA Amos Makalla (Kushoto )na Mbunge wa Jimbo la Kibaha Mjini Silvestry Koka (Kulia) katika mkutano Mkuu maalum wa uwasilishaji wa taarifa ya utekelezaji wa ilani ya CCM Jimbo la Kibaha Mjini katika kipindi cha mwaka 2020/2025 uliofanyika leo April 23,2025 Makalla alikuwa mgeni rasmi katika ufunguzi wa mkutano huo

Kwa upande wake Mbunge wa jimbo hilo Silvestry Koka amesema kuwa Kibaha Mjini ipo salama na kwamba katika kipindi cha miaka mitano mambo mengi na makubwa ya kimaendeleo yamefanyika Kibaha Mjini licha ya kuwa mengi hayakuoneshwa katika dokumentari.

" Kibaha Mjini imetoka mbali tangu ikiwa Mamlaka ya Mjini Mdogo na sasa tumepata Manispaa hivyo ni jambo la kujivunia lakini pia zipo huduma nyingi zimeimarika na zitazidi kuimarika kwakuwa Serikali ni sikivu na inafanyakazi kubwa ya maendeleo.

Koka, amesema yapo maeneo ambayo hayakuwa na zahanati lakini kwasasa Zahanati zimejengwa ikiwemo ya Mtaa wa Saeni Kata ya Misugusugu,ujenzi wa Shule mbalimbali za Msingi na Sekondari,umeme umefika kila sehemu,Maji na barabara .

Amesema kuwa,kwa upande wa barabara kwasasa Kibaha Mjini imepata bahati ya kuwa na mradi wa Tact ambao utakwenda kujenga barabara za Mitaa Kwa kiwango cha lami mpango ambao unatarajia kuanza mwaka huu.

Mbunge wa Jimbo la Kibaha Mjini Silvestry Koka akiwa katika mkutano wa kuwasilisha taarifa ya utekelezaji wa ilani ya CCM katika kipindi cha mwaka 2020/2025 kwa wajumbe wa mkutano mkuu leo April 23 ,2025.

Hatahivyo,Koka ameahidi kuendelea kushirikiana na wanachama pamoja na Wananchi wote wa Kibaha Mjini ili kuhakikisha Kibaha inazidi kusongambele katika suala la maendeleo.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more