WANANCHI 14,428 WAFIKIWA KAMPENI YA KISHERIA YA MAMA SAMIA KIBAHA VIJIJINI.

-


Na Gustaphu Haule,Pwani
KAMPENI ya msaada wa Kisheria ya Mama Samia (Mama Samia Legal Aid Campaign) katika Halmashauri ya Wilaya ya Kibaha Mkoani Pwani imefanikiwa kuwafikia zaidi ya Wananchi 14,428.

Wakili wa Halmashauri ya Wilaya ya Kibaha Yasmin Makanya, ametoa taarifa hiyo Machi 6,2025 wakati akiwa katika kikao maalum na Katibu Tawala wa Wilaya ya Kibaha Moses Magogwa ikiwa sehemu ya kukabidhi ripoti ya kampeni hiyo.

Wakili wa Serikali katika Halmashauri ya Wilaya Kibaha Yasmin Makanya katika kikao cha kukabidhi ripoti ya kampeni ya Mama Samia (Mama Samia Legal Aid Campaign)

Aidha, Makanya katika kikao hicho ameongozana na baadhi ya  timu iliyofanyakazi katika Halmashauri hiyo akiwemo afisa ardhi wa Halmashauri hiyo Neema Adrian,afisa maendeleo ya Jamii ambaye pia Msaidizi wa dawati la kisheria Diana Brandus na Mkuu wa dawati la Jinsia kutoka Wilaya ya Kipolisi Mlandizi Inspekta Tumaini Ulimboka.

Afisa Maendeleo ya Jamii na Msajili Msaidizi wa dawati la kisheria katika Halmashauri ya Wilaya Kibaha Diana Brandus (Kushoto)akimkabidhi ripoti ya Kampeni ya msaada wa kisheria Katibu Tawala Wilaya ya Kibaha Moses Magogwa hafla iliyofanyika Machi 6,2025 ofisini kwake.

Katika kikao hicho Makanya, amesema kuwa kampeni hiyo imefanyika katika Vijiji na Vitongoji 30 na kuwafikia Wananchi 14,428 ambapo kati ya hao Wanaume ni 7,410  na Wanawake ni 7,018.

Wataalam wa Kampeni ya msaada wa kisheria ya Mama Samia ( Mama Samia Legal Aid Campaign) wakiwa katika ofisi ya Katibu Tawala Wilaya ya Kibaha kwa ajili ya kukabidhi ripoti mara baada ya kumaliza kazi hiyo Machi 5, mwaka huu.

Makanya , amesema pia katika kampeni hiyo wamefanikiwa kupokea migogoro 51 ambapo kati ya hiyo migogoro 18 imetatuliwa papo hapo huku migogoro 33 imekabidhiwa utawala kwa ajili ya kufanyiwa kazi.

Katika ripoti hiyo, Makanya amesema timu hiyo imebaini kuwa migogoro mingi inahusisha ardhi ikiwemo kugombea mipaka baina ya Kijiji cha Halmashauri Moja na Kijiji cha Halmashauri nyingine,wakulima na wafugaji,Wananchi na Wawekezaji na hata mwananchi kwa mwananchi.

Makanya, amesema kuwa pamoja na mafanikio hayo lakini timu hiyo imebaini kuwepo kwa changamoto ya miundombinu hususani ya barabara hali inayosababisha Wananchi kushindwa kufuatilia haki zao kwakuwa Vyombo vya Sheria vipo mbali nao.

Amesema, timu imeshauri kuona na namna ya kuendeleza kampeni hiyo ili kuongea elimu zaidi kwa Wananchi kwakuwa siku zilizowekwa ni chache lakini mahitaji yake ni makubwa .

"Utakuwa mtu mwingine ana makaratasi mengi (documents) lakini hajui wapi pa kuanzia katika kupata haki yake hivyo kuna kila sababu ya kampeni hii kupewaa kipaumbele na ikiwezekana iendelee kufanyika kwa maslahi ya Taifa na Wananchi wake,"amesema Makanya

Makanya ,amesema mbali na hilo lakini wameshauri kama inawezekana kusogeza Vyombo vya haki kwa Wananchi kwakuwa wengi wao wanashindwa kumudu gharama za za usafiri kwa ajili ya kufuata huduma za kisheria zilizopo Mijini.

Kwa upande wake Katibu Tawala Wilaya ya Kibaha Moses Magogwa, amemshukuru Rais wa Jamhuri ya Muungano wa Tanzania Dkt.Samia Suluhu Hassan kwa kuona umuhimu wa kufanya kampeni hiyo muhimu.

Katibu Tawala Wilaya ya Kibaha Moses Magogwa akizungumza na timu ya wataalam wa Kampeni ya msaada wa kisheria ya Mama Samia mara baada ya kupokea ripoti hiyo Machi 6,2025 kutoka katika timu hiyo.

Magogwa, amesema kampeni hiyo ni muhimu kwani imeonyesha Serikali ifanye nini kwa Wananchi wake lakini pia imekuwa sehemu ya msaada kwa Wananchi kwakuwa wengi wao shida zao zimetatuliwa.

Magogwa, amewapongeza wataalam wote wa kisheria pamoja na timu nzima iliyofanyakazi Wilaya ya Kibaha kwakuwa wameonyesha uzalendo wa kuwatumia Wananchi kwa moyo.

Amesema kuwa, kwa mujibu wa ripoti hiyo kazi nyingi zimefanyika na zingine zipo katika ufuatiliaji hususani jambo la mikapa na anafahamu kuna mambo yanatakiwa kufanyika ikiwemo suala la GN.

Amesema kuwa, kipaumbele cha Wilaya ni kuhakikisha Kibaha inapimwa na kupangwa lakini kwasasa zipo kliniki zinaendelea na kwamba kazi kuwa ni kutoa elimu na kusuluhisha masuala ya ardhi.

Magogwa, ametoa wito kwa Wananchi wanaotaka kununua ardhi wahakikishe wanakwenda katika ofisi za mkurugenzi wa Halmashauri hiyo ili kuondoa usumbufu wa kununua maeneo ambayo sio rasmi.

Hatahivyo, Magogwa amesema kuwa katika ofsi yake Kuna timu ya utatuzi wa migogoro ya ardhi ambayo hufanyika kila siku ya Jumatano .



Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more