SERIKALI KUTENGENEZA SERA YA UINGIZAJI MAGARI NCHINI, MAGARI MABOVU HAYATARUHUSIWA TENA.

-


Na Gustaphu Haule, Pwani 

SERIKALI ya Jamhuri ya Muungano wa Tanzania inayoongozwa na Rais Dkt.Samia Suluhu Hassan ipo mbioni kutengeneza sera ya magari ambayo itazuia uingizaji wa magari chakavu hapa nchini.

Waziri wa Nchi, Ofisi ya Rais ,Mipango na Uwekezaji Profesa Kitila Mkumbo ametoa kauli hiyo Machi 26, 2025 mbele ya Waandishi wa habari mara baada ya kutembelea kiwanda cha kuunganisha magari cha GF Vehicle Assemblers Limited kilichopo Kibaha Mkoani Pwani.


Waziri wa Nchi, Ofisi ya Rais, Mipango na Uwekezaji Profesa Kitila Mkumbo wa pili kutoka kulia akitembelea kiwanda cha GF Vehicle Assemblers Limited kilichopo Kibaha eneo la  Tamco alipotembelea Machi 26,2025 kujionea maendeleo ya kiwanda hicho.

Kiwanda hicho kilichopo eneo la Tamco- Kibaha Mjini kinaunganisha magari makubwa ya mizigo aina ya FAW yenye uwezo wa kubeba mzigo tani 30.

Akiwa katika kiwanda hicho Profesa Mkumbo, amesema kuwa sasa hivi Tanzania mtu anaruhusiwa kuingiza magari hata kama lina miaka 50.

Amesema, magari hayo yanayoingizwa nchini mengi yanakuwa mabovu na kwamba ili viwanda vya magari vilivyopo nchini viweze kwenda mbali lazima kuja na sera ambayo itazuia uingizaji wa magari chakavu.

Kuwepo kwa sera hiyo pia itasaidia watu wote waliokuwa wanaingiza magari mabovu kutoka nje wanunue magari hayo kutoka Tanzania ambayo yatakuwa mazuri,mapya na ubora unaotakiwa.

"Changamoto ya kuingizwa magari mabovu tumeichukua na Serikali kupitia kituo cha Uwekezaji nchini ,(TIC) tutahakikisha changamoto hiyo inasimamiwa na kupatiwa ufumbuzi,", amesema Mkumbo.

Aidha, Mkumbo amekipongeza kiwanda hicho kwakuwa na maendeleo mazuri kwani mwaka 2020 walianza na magari 100 na sasa wamepiga hatua kubwa mpaka kufikia magari 3004 katika kipindi kifupi.
Kikao cha Waziri wa Nchi, Ofisi ya Rais, Mipango na Uwekezaji Profesa Kitila Mkumbo na uongozi wa kiwanda cha GF Vehicle Assemblers Limited kilichopo Kibaha Mkoani Pwani.

Amesema, Uwekezaji wa kiwanda hicho kwa hatua ya awali ilikuwa na mtaji wa bilioni 10 na sasa mtaji huo umekuwa zaidi kiasi ambacho kimepelekea kuzalisha magari mengi huku kikisaidia kutoa ajira kwa Watanzania 220.

Amesema, kazi ya Serikali ni kuendelea kusaidia kupitia kituo cha Uwekezaji (TIC) katika eneo la Viwanda na  biashara ambapo lengo la Serikali ni kuhakikisha Viwanda vinakuwa vingi zaidi hapa nchini.

"Nimefika kukagua kiwanda hiki na kuona maendeleo yake lakini niseme tu,nimefurahi kuona kuna mipango na hatua ya tatu ya kuboresha magari kwa kuleta vifaa halafu gari nzima likiwa linatengenezwa kiwandani hapa,",amesema Mkumbo.


Waziri wa Nchi, Ofisi ya Rais, Mipango na Uwekezaji Profesa Kitila Mkumbo akikagua magari yanayounganishwa katika kiwanda cha GF Vehicle Assemblers Limited cha Kibaha Mkoani Pwani Machi 26,2025.

Mkumbo, amesema kuwa kwa niaba ya Watanzania kupitia Serikali ya Chama Cha Mapinduzi (CCM) chini ya Rais Dkt.Samia Suluhu Hassan ina mipango mikubwa ya kuendelea kuhakikisha kwamba Tanzania inakuwa na Viwanda vyakudumu.

Kwa upande wake Meneja Mkuu wa kiwanda hicho Ezra Mereng, amemshukuru Waziri Mkumbo pamoja na timu yake kutoka kituo cha Uwekezaji nchini Tanzania (TIC) kwa namna ambavyo wamesaidia kiwanda hicho kufikia mafanikio yaliyopo hivi sasa.

Mereng, amesema kuwa kupitia kiwanda hicho, vijana wakitanzania wanaweza kuunganisha magari kwa viwango vya kimataifa huku ndoto za kiwanda hicho ni kuunganisha magari makubwa na madogo.

Hatahivyo, Mereng ameishukuru Serikali chini ya Rais Dkt.Samia kupitia kituo cha Uwekezaji (TIC) kwakuwa imekuwa pamoja tangu mwanzo wa kuanza uzalishaji mpaka kufikia uwezo wa kuunganisha magari 3000 na kwamba malengo ni kuhakikisha Watanzania wote wananunua magari kiwandani hapo.


Club News Editor - Charles Kusaga

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more