PROFESA KITILA MKUMBO ASEMA BIDHAA ZA KINGLION ZINAITANGAZA NCHI KIMATAIFA,AAHIDI KUTOA USHIRIKIANO KWA WAWEKEZAJI.

-



Na Gustaphu Haule,Pwani

WAZIRI wa Nchi, Ofisi ya Rais, Mipango na Uwekezaji Profesa Kitila Mkumbo amesema vifaa vya ujenzi vinavyozalishwa hapa nchini vinajitosheleza na kwamba hakuna sababu ya  watanzania kuendelea kununua vifaa hivyo kutoka nje ya nchi.

Aidha, Mkumbo  amesema kuwa Serikali ya awamu ya Sita inayoongozwa na Rais Dkt.Samia Suluhu Hassan inaendelea kusimamia kwenye uwekezaji wa viwanda ili viweze kulipa wafanyakazi kwa kuzingatia viwango vinavyotakiwa.

Mkumbo ameyasema hayo Mjini Kibaha alipofanya ziara ya siku moja ya  kukagua uzalishaji unaofanyika katika kiwanda cha Kinglion kinachounganisha pikipiki, kutengeneza mabati na vifaa vingine vya ujenzi.

Waziri wa Nchi, Ofisi ya Rais, Mipango na Uwekezaji Profesa Kitila Mkumbo wa pili kutoka kushoto akiangalia namna bati zinavyozalishwa katika kiwanda cha Kinglion kilichopo Kibaha Mkoani Pwani alipofanya ziara ya kutembelea kiwanda hicho Machi 26, 2025.

Mkumbo,amesema kuwa  kwasasa Tanzania imepiga hatua kubwa katika sekta ya viwanda na uwekezaji kiujumla na kwamba bidhaa nyingi zinazalishwa hapa nchini na zina ubora mzuri zaidi ya zile zinazotengenezwa nje .

Profesa Mkumbo ameongeza kuwa Serikali  imeboresha mazingira ya Uwekezaji na kwamba inaendelea kutenga bajeti kwa ajili ya kutatua changamoto za miundombinu ya barabara katika maeneo ya uchumi hususani viwandani.

Amesema, kiwanda cha Kinglion ni kati ya viwanda vikubwa Afrika na  kimekuwa kikiuza bidhaa zake ndani na nje ya nchi  na kwamba kutokana na vifaa vyake kuwa bora wamesaidia kuiongezea nchi uwezo wa kushindana kwenye masoko ya kimataifa.

Muonekano wa ndani wa Kiwanda cha Kinglion kilichopo Kibaha Mkoani Pwani kinachozalisha Bati na kuunganisha pikpiki za magurudumu matatu na mwili.

"Kiwanda hiki kina maabara zake na huwa wanapima viwango vya ubora wa bidhaa  kabla ya Shirika la Viwango Tanzania ( TBS) kuja kuzikagua jambo ambalo limekuwa likitutangaza dunianu kote kupitia bidhaa za kiwanda hiki,"amesema Mkumbo

Profesa Mkumbo ameahidi kutoa ushirikiano katika kiwanda hicho ikiwa pamoja na kusaidia kutatua changamoto zinazowakabili ili kuondoa mkwamo katika uzalishaji wake.

Amepongeza Uwekezaji wa kiwanda cha Kinglion ambacho tayari kwasasa kimeshatumia dola milioni  42 kati ya dola Milion 62 wanazotarajia kutumia katika Uwekezaji wao huku wakitoa ajira 2000 kati ya hizo 800 za moja kwa moja na 1200 za muda.

Afisa masoko wa kiwanda cha Kinglion kilichopo Kibaha Mkoani Pwani John Maduka (Kulia), akimueleza jambo wa Waziri wa Nchi,Ofisi ya Rais, Mipango na Uwekezaji Profesa Kitila Mkumbo watatu kutoka kushoto aliyetembelea kiwandani hapo Machi 26, 2025

Meneja wa kiwanda hicho Anold Lyimo ameishukuru Serikali kwa ushirikiano wanaowapatia katika shughuli zao za Uwekezaji huku akisema vikwazo wanavyokabiliana navyo tayari wameviwasilisha kuomba vitatuliwe.

",Tunaishukuru Serikali chini ya Rais Dkt.Samia Suluhu Hassan kwa kazi nzuri ya kuhakikisha wawekezaji wanakuwa katika mazingira mazuri na sisi Kinglion tunafaidika na jitihada za Rais na tunaona changamoto zetu zinafanyiwakazi ,"amesema Lyimo.

Hatahivyo,Lyimo amebainisha mambo ambayo yanahitaji kufanyiwa kazi na Serikali kuwa ni pamoja na kuunganishiwa nishati ya gesi na kuboreshewa barabara inayoingia kiwandani pamoja na umeme.


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more