MAKAMU WA RAIS DKT .PHILIP MPANGO KUZINDUA MBIO ZA MWENGE WA UHURU APRIL 2,KIBAHA PWANI.

-

Na Gustaphu Haule, Pwani 

MAKAMU wa Rais wa Jamhuri ya Muungano wa Tanzania Dkt.Philip Mpango anatarajia kuwa mgeni rasmi katika uzinduzi wa mbio za Mwenge wa Uhuru Kitaifa utakaofanyika katika viwanja vya Shirika la Elimu Tumbi Kibaha Mkoani Pwani April 2, 2025.

Waziri wa Nchi, Ofisi ya Waziri Mkuu,Kazi ,Vijana, Ajira na Wenye Ulemavu  Ridhiwani Kikwete,ametoa taarifa hiyo Machi 26, 2025 wakati akizungumza na Waandishi wa habari Mjini Kibaha.

Kikwete,amesema kuwa katika uzinduzi huo Dkt.Mpango atawakabidhi vijana sita walioandaliwa kutoka Tanzania Bara na Tanzania Zanzibar kwa ajili ya kukimbiza Mwenge huo kote nchini.

Waziri wa Nchi, Ofisi ya Waziri Mkuu,Kazi,Vijana ,Ajira na Wenye Ulemavu Ridhiwani Kikwete akitoa taarifa ya maandalizi ya uzinduzi wa mbio za Mwenge wa Uhuru Kitaifa kwa Waandishi wa habari leo Machi 26,2025 Mjini Kibaha 

"Ninayofuraha kuwajulisha wananchi kuwa Makamu wa Rais Dkt.Philip Mpango atakuwa mgeni rasmi katika uzinduzi wa mbio za Mwenge wa Uhuru Kitaifa utakaofanyika April 2,2025 katika viwanja vya Shirika la Elimu Tumbi Kibaha Mkoani Pwani,"amesema Kikwete 

Amesema, jukumu la kuukimbiza Mwenge wa Uhuru utapita katika Mikoa 31 yenye jumla ya Halmashauri 195 za Jamhuri ya Muungano wa Tanzania kwa siku 195.

Kikwete, ameongeza kuwa katika kipindi chote Mwenge wa Uhuru utafanya kazi ya kuhamasisha amani,umoja, upendo na mshikamano wa Kitaifa na pia utawahimiza Wananchi kushiriki shughuli za maendeleo ya kijamii na kiuchumi katika maeneo yao ya Halmashauri.

Amesema kuwa Mwenge wa Uhuru mwaka huu umebeba kauli mbiu ambayo ni Jitokeze kushiriki Uchaguzi Mkuu wa Mwaka 2025 kwa amani na Utulivu ujumbe ambao unalenga kuwaelimisha na kuwakumbusha Wananchi wote wa Tanzania kushiriki kikamilifu katika uchaguzi Mkuu wa amani na Utulivu.

Kikao cha Waziri wa Nchi Ofisi ya Waziri Mkuu, Kazi, Vijana, Ajira na Wenye Ulemavu Ridhiwani Kikwete kuhusu taarifa ya maandalizi ya uzinduzi wa mbio za Mwenge wa Uhuru utakaofanyika April 2,2025 katika viwanja vya Shirika la Elimu Tumbi Kibaha Mkoani,kikao hicho kilifanyika Machi 26 Mjini Kibaha 

Kikwete, ameongeza kuwa sambamba na ujumbe mkuu wa mbio za Mwenge wa Uhuru pia Mwenge wa Uhuru utatumika kuelimisha Wananchi juu ya masuala ya kisekta na kisera katika muktadha wa Kitaifa na kimataifa ikiwa pamoja na kuendeleza juhudi za Kupambana na maradhi yanayotishia ustawi wa watu ikiwemo Ukimwi 

Mbali na Ukimwi lakini pia juu ya masuala ya Kupambana na matumizi ya Dawa za kulevya na vitendo vya rushwa  na katika Halmashauri zote utakapokuwa Mwenge wa Uhuru utaendelea kuwaelimisha Wananchi juu ya umuhimu wa Lishe Bora kwa afya njema.
Waziri wa Nchi, Ofisi ya Waziri Mkuu, Kazi, Vijana, Ajira na Wenye Ulemavu Ridhiwani Kikwete ( katikati) akitembelea viwanja vya Shirika la Elimu Tumbi Kibaha Mkoani Pwani ambavyo vimeandaliwa kwa ajili ya uzinduzi wa mbio za Mwenge wa Uhuru Kitaifa utakaofanyika April 2, 2025,Kulia kwake ni Mkuu wa Mkoa wa Pwani Abubakar Kunenge mwenye shati nyeupe na anayefuatia ni Katibu Tawala wa Mkoa wa Pwani Rashid Mchatta, Kikwete ametembelea katika viwanja hivyo.

Aidha, Kikwete ametoa wito kwa Wananchi wa Mkoa wa Pwani na mikoa jirani na watanzania kwa ujumla kujitokeza kwa wingi katika uwanja wa Shirika la Elimu Tumbi Kibaha Mkoani Pwani ili April 2,2025  waweze kuungana na Dkt.Mpango katika uzinduzi wa mbio za Mwenge wa Uhuru.

Aidha, Kikwete ameipongeza kamati ya maandalizi ya uzinduzi wa mbio za Mwenge wa Uhuru Kitaifa iliyochini ya Mkuu wa Mkoa wa Pwani kwa kazi nzuri iliyofanyika na kuitaka kamati hiyo kumalizia sehemu iliyobaki.

Mkuu wa Mkoa wa Pwani amemshukuru Waziri Kikwete kwa kutembelea katika uwanja huo na kwamba ameahidi katika siku zilizobaki kila kitu kitakuwa sawa.

Mkuu wa Mkoa wa Pwani Abubakar Kunenge (kushoto)akimueleza jambo  Waziri wa Nchi, Ofisi ya Waziri Mkuu, Kazi, Vijana, Ajira na Wenye Ulemavu Ridhiwani Kikwete aliyetembelea viwanja vya Shirika la Elimu Tumbi Kibaha Mkoani kwa ajili ya kujionea maandalizi ya uzinduzi wa mbio za Mwenge wa Uhuru Kitaifa utakaofanyika April 2 mwaka huu 

Awali Msimamizi wa ukarabati wa uwanja huo Mhandisi Charles Kabeho amemuambia Waziri Kikwete kuwa maandalizi yanaendelea vizuri na kwasasa upo katika hatua za mwisho kukamilika.


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more