WAANDISHI WA HABARI PWANI WAJENGEWA UWEZO KUANDIKA HABARI ZA MALEZI, MAKUZI NA MAENDELEO YA AWALI YA MTOTO

-


Na Gustaphu Haule, Pwani

BAADHI ya Waandishi wa Habari wa Mkoa wa Pwani wamepewa mafunzo ya kujengewa uwezo kuhusu kuandika habari za Malezi,Makuzi na Maendeleo ya awali ya mtoto.

Mafunzo hayo yametolewa na Shirika lisilokuwa la Kiserikali la Anjita (ANJITA CHILD DEVELOPMENT FOUNDATION) kwa kushirikiana na Klabu ya Waandishi wa Habari Mkoa Pwani (CRPC) chini ya ufadhili wa Taasisi ya TECDEN (TANZANIA EARLY CHILDHOOD DEVELOPMENT NETWORK) yaliyofanyika Februari 12 Mjini Kibaha.


Akizungumza wakati akifungua mafunzo hayo Mkuu wa Kitengo cha mawasiliano Serikalini kutoka ofisi ya Mkuu wa Mkoa wa Pwani Zablon Bugingo ameishukuru taasisi ya Anjita kwa kuona umuhimu wa kutoa mafunzo hayo kwa Wanahabari.

Bugingo, amesema mradi wa Malezi, Makuzi na Maendeleo ya awali ya mtoto ni mradi unaotekelezwa na Serikali kupitia Wizara ya Afya pamoja na Wizara ya Maendeleo ya Jamii lakini unashirikisha Umoja wa Klabu za Waandishi wa Habari Tanzania(UTPC).

Bugingo, amewaomba Waandishi wa habari kujikita zaidi katika kuelimisha jamii ya Malezi, Makuzi na Maendeleo ya awali ya mtoto ili kusudi nchi ipate kuwa na vizazi bora vyenye kuleta faida kwa Taifa .

"Niwaombe Waandishi wa habari tutumie Kalamu zetu kuelemisha jamii juu ya suala la Malezi na Makuzi ya watoto kwani naamini tukifanya hivyo tutakuwa tumeokoa vizazi vingi vya Tanzania na hapo ndipo tutakapotoa viongozi bora wa kuongoza Taifa letu hapo baadae"amesema Bugingo 

Aidha, Bugingo amesema ofisi yake itaendelea kutoa ushirikiano kwa Waandishi wa habari wa Mkoa wa Pwani ili kuhakikisha kazi zao zinafanyika kwa urahisi zaidi ili kuhakikisha programu hiyo inafikia malengo yake.

Kwa upande wake afisa  Programu na Mafunzo kutoka UTPC Victor Maleko, ambaye alikuwa mkufunzi wa mafunzo hayo amesema kuwa Waandishi wa habari ni watu muhimu katika kuleta mabadiliko chanya katika suala la Malezi na Makuzi ya watoto.
Afisa Programu na Mafunzo kutoka Umoja wa Klabu za Waandishi wa Habari Tanzania (UTPC) Victor Maleko akizungumza katika mafunzo ya kuwajengea uwezo Waandishi wa habari wa Mkoa wa Pwani kuhusu kuandika habari za Malezi, Makuzi,na Maendeleo ya awali ya mtoto (MMMAM) mafunzo hayo yamefanyika Februari 12,2025 Mjini Kibaha

Maleko, amesema kuwa nia ya mafunzo hayo ni kuongeza uelewa kwenye masuala ya uandishi wa habari wa Malezi, Makuzi na Maendeleo ya awali ya mtoto (MMMAM) ambayo ni Programu mama ya Kitaifa inayotekelezwa na Serikali kupitia Wizara ya Maendeleo ya Jamii na taasisi nyingine ikiwemo UTPC.

Aidha, amesema kuwa awali mpango huo ulianza kwa Wanahabari wachache ambao wamekuwa vinara lakini wameona ni vyema kuendelea kuwajengea uwezo Waandishi wengi zaidi ili kutoa fursa kwa Waandishi juu ya kuelimisha jamii .

Maleko, amesema katika programu hiyo Waandishi wanamaeneo matano ya kuyafanyiakazi (Afua) ambayo  ni Afya Bora, Lishe, Ujifunzaji wa awali,Malezi na Muhitikio, pamoja na suala la Ulinzi na Usalama ambapo amewaomba Waandishi wa habari kuongeza nguvu katika kuandika habari hizo kwa maslahi mapana ya Taifa.

Akifunga mafunzo hayo afisa Ustawi wa Jamii kutoka Halmashauri ya Mji Kibaha Elia Kabora, amesema kuwa  Vyombo vya habari vitumike kuandika habari za kumsemea na kumlinda mtoto.

Mwisho.
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more