TAKUKURU PWANI YAONGEZA NGUVU UCHAGUZI MKUU 2025, YATOA ONYO KWA WATOA RUSHWA

-

Na Gustaphu Haule,Pwani

TAASISI ya Kuzuia na Kupambana na Rushwa (TAKUKURU) Mkoa wa Pwani imesema kuwa katika kuelekea kwenye uchaguzi mkuu wa mwaka 2025 imejipanga kikamilifu katika kudhibiti vitendo vya rushwa vinavyofanywa na baadhi ya wagombea.

Mkuu wa Takukuru Mkoa wa Pwani Alli Sadiki, ametoa kauli hiyo wakati akizungumza na Waandishi wa habari ofisini kwake kuhusu vitendo vya rushwa katika uchaguzi na namna ya kukabiliana navyo.


Sadiki, ambaye pia alikuwa akieleza utekelezaji wa shughuli zake katika kipindi cha Oktoba na Desemba 2024 amesema kuwa suala la uchaguzi mwaka huu ndio jukumu ambalo wanakwenda kulifanya kwa ueledi mkubwa kwakuwa wanataka kuona viongozi wanapatikana kwa njia halali na haki.

Sadiki,  amesema kuwa kwasasa wataendelea kutoa elimu kwa Wananchi kuhusu madhara ya rushwa katika uchaguzi sambamba na kuwafikia wadau wote wanaohusika na uchaguzi ambao ni vyama vya Siasa,Wasimamizi wa Uchaguzi,Wanahabari, Wananchi na Jamii nzima kiujumla.


"Takukuru inatambua mwaka huu ni mwaka wa uchaguzi,hivyo tumejipanga kutoa elimu kuhusu rushwa kupitia semina,mikutano ya hadhara,na vipindi vya Redio ili kuwafikia wadau wote wa Uchaguzi,"amesema Sadiki

Sadiki, amesema lengo ni kutaka kuona watu wanashiriki uchaguzi usiokuwa na vitendo vya rushwa lakini ni sehemu ya kutoa tahadhari kwa wale wote wenye tabia hizo ilikusudi anapokamatwa ajue wazi kubwa ametenda kosa.

Mbali na hilo lakini pia Mkuu huyo wa Takukuru amesema wataendelea kufanya udhibiti wa mapato ya Serikali na usimamizi wa rasilimali za Umma ikiwa ni pamoja na ufuatiliaji wa fedha zinazotolewa na Serikali kwa ajili ya kutekeleza miradi ya maendeleo.

"Takukuru ipo na inafanyakazi usiku na mchana, kwahiyo pamoja na masuala ya uchaguzi lakini tutaendelea kufuatilia fedha za miradi ya maendeleo na tupo tayari kupokea taarifa za vitendo vya rushwa na sisi tutazifanyia uchunguzi na kisha kuchukua hatua kwa mujibu wa Sheria,"amesema Sadiki

Sadiki,ameongeza kuwa mwaka huu katika utendaji wa kazi zake itawashirikisha zaidi Wananchi kwa kufanya vikao vya mara kwa mara kupitia mpango maalum wa "Takukuru Rafiki"ambao kazi yake ni kupokea kero na mrejesho kwa nia ya kusaidia wananchi kutatua kero zao.

Aidha, Takukuru Mkoa wa Pwani imetoa wito kwa Wananchi kuendelea kuunga mkono jitihada za mapambano dhidi ya rushwa kwa kuwafichua wale wote wanaoshiriki kufanya vitendo hivyo kwa kutoa taarifa sahihi zitakazowezesha kuwachukulia hatua wahusika.


Hatahivyo,Sadiki amewaasa Wananchi kufuata sheria,kanuni na taratibu zilizowekwa ili kuwa salama na kuepuka migogoro yenye kuleta viashiria vya rushwa huku akitaka watumie namba 113 kutoa taarifa za vitendo vya rushwa au kufika ofisini.

MWISHO.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more