KISHINDO CHA MBUNGE KOKA SEMINA YA WAENEZI KIBAHA MJINI, AMFAGILIA RAIS SAMIA

-

Na Gustaphu Haule, Pwani 

MBUNGE wa Jimbo la Kibaha Mjini Silvestry Koka, amewataka makatibu wa Siasa, Uenezi na Mafunzo wa ngazi Matawi na Kata kuhakikisha wanatumia vizuri nafasi zao kuhakikisha Rais Dkt.Samia Suluhu Hassan anakwenda kushinda Kwa kishindo katika uchaguzi mkuu utakaofanyika mwaka huu.

Aidha, Koka amesema ushindi wa Rais Samia ni wazi kuwa utaambatana na ushindi wa nafasi ya Ubunge katika Jimbo la Kibaha Mjini kwakuwa kazi nzuri za kimaendeleo zimefanyika kwa kiwango kikubwa. 

Koka, amesema hayo wakati akifunga semina ya makatibu  hao iliyofanyika katika ukumbi wa Kibaha Shopping Mall ambapo semina hiyo  iliandaliwa na Chama Cha Mapinduzi (CCM)  Kibaha Mjini kwa lengo la kuwajengea uwezo wa kutekeleza majukumu yao hususani katika kipindi hiki cha kuelekea kwenye uchaguzi mkuu.

Makatibu Uenezi Siasa na Mafunzo wakiwa katika Semina ya kujengewa uwezo iliyofanyika Februari 11 katika Ukumbi wa Kibaha Shopping Mall,semina hiyo iliandaliwa na CCM Kibaha Mjini 

Amesema kuwa, Serikali kupitia Dkt.Samia Suluhu Hassan imefanyakazi kubwa na kwamba kinachotakiwa ni kuona Katibu mwenezi na Kata wanakuwa mstari wa mbele katika kukitetea chama na Serikali kwakuwa ndio jukumu lao.

Amesema kuwa, kwasasa anashangaa kuona watu wengine wakiitumia mitandao kufanyakazi ambazo sio zao ili hali makatibu Uenezi wapo na ndio wenye jukumu la kuisemea Serikali na kusema lazima kwasasa wabadilike.

Koka, ameongeza kuwa,Waenezi ndio sauti ya Chama na kupitia semina hiyo lazima wajitambue kuwa wao ni akina nani huku akiahidi kuwatengenezea mfumo maalum ambao utawasaidia kumsemea Rais , Mbunge na Diwani kuanzia juu mpaka chini.

Amesema kuwa, yeye amekuwa Mbunge katika utawala wa Rais Jakaya Kikwete, kipindi cha Hayati John Magufuli na sasa Dkt. Samia Suluhu Hassan lakini awali Kibaha haikuwa kama hivi ilivyosasa.

Mbunge wa Jimbo la Kibaha Mjini Silvestry Koka akizungumza wakati akifunga semina ya Makatibu Uenezi, Siasa na Mafunzo wa Kata na Matawi wa Kibaha Mjini iliyofanyika Februari 11,2025 katika ukumbi wa Kibaha Shopping Mall uliopo karibu na stendi ya Mabasi ya Mikoani .

Akieleza mfano wa mambo machache ya kimaendeleo ambayo ameyafanya Koka ,amesema kuwa mwaka 2010 wakati ameingia kuwa Mbunge alikuta baadhi ya maeneo ya Kibaha Mjini hayana mtandao wa simu lakini kwasasa kila mahali mawasiliano yapo.

Amesema, katika mwaka huo pia Kibaha Mjini ilikuwa Mamlaka ya Mji mdogo lakini alipambana kupata kuwa Mji lakini bado haitoshi akafanya kila jitihada kupata Manispaa na sasa Manispaa imepatikana.

Akitolea mfano Kata ya Sofu, Koka amesema Kata hiyo aliweka nguvu kubwa kuhakikisha inapata Shule ya Sekondari na Zahanati ambapo katika eneo la Sekondari alilazimika kutoa eneo lake lililokuwa na thamani ya Sh.milioni 300 na kuamuru ijengwe Sekondari.

"Eneo la ujenzi wa Sekondari Kata ya Sofu ni mimi niliyefanya jitihada kwani eneo hilo awali lilitaka kutwaliwa na aliyekuwa Mkurugenzi wa Mji Kibaha Jenifa Omolo lakini mimi nilivyosikia hivyo ikabidi nirudi kutoka Dodoma nije kulikomboa lile eneo na baadae nikaamua kujenga Shule ya Kata, kwahiyo ile Shule kuitwa Koka Sekondari haikuwa bahati mbaya japo baadhi ya watu walikuwa na mtazamo tofauti,"amesema 

Amesema, upande wa Zahanati ya Kata ya Sofu ,Koka alitoa eneo lenye thamani ya Sh.milioni 250 bure  ili kusudi Zahanati hiyo ijengwe na sasa kazi imefanyika na Wananchi wanapata huduma .

Koka,ameon geza kuwa amepigania eneo la Mitamba lirudi kwa Wananchi na akafanikiwa kwa awamu ya kwanza na sasa amefanikiwa tena kwa awamu ya pili jambo ambalo limefanya Kibaha hiwe katika mpango mzuri na hatimaye kupata Manispaa.

Katibu wa Itikadi,Siasa, Uenezi na Mafunzo wa CCM Kibaha Mjini Clement Kagaruki, akizungumza katika Semina ya kuwajengea uwezo makatibu wa Uenezi ngazi ya matawi na Kata iliyofanyika Februari 11 katika Ukumbi wa Kibaha Shopping Mall.

Ameongeza kuwa, kupatikana kwa Manispaa hiyo ni wazi kuwa kila kitu kitabadilika ikiwemo barabara nyingi za Mitaa kujengwa kwa kiwango cha lami kazi ambayo itafanyika mwaka huu  kwa kila Kata.

"Wakati naingia kuwa Mbunge wa Jimbo la Kibaha Mjini nilikuta barabara ya lami moja tu,ikiwa kuanzia Tamco- Tumbi Hospitali hadi Picha ya Ndege, yaani hata barabara ya kutoka Mailimoja kwenda ofisi ya Mkuu wa Mkoa ilikuwa ya vumbi lakini sasa lami ipo kila mahali na sasa kila Kata inakwenda kupata barabara ya lami,"amesema Koka 

Amesema kuwa, maendeleo ya Kibaha Mjini hayakuja hivihivi lakini ipo kazi imefanyika na ndio maana anajivunia kuona maendeleo yaliyopatikana lakini  endapo makatibu hao wataendelea kushirikiana na mbunge upo uwezekano hapo baadae Kibaha kuwa Jiji.

Amesema kwasasa anapigania eneo la Shirika la Elimu Kibaha lililopo barabarani liwe sehemu ya maendeleo ya Kibaha na tayari amewasilisha hoja bungeni kwakuwa eneo hilo linafanya Mji kuwa pori na hivyo kuharibu sura ya kuwa Manispaa.

Hatahivyo, Koka ameahidi kuendelea kushirikiana na makatibu Uenezi pamoja viongozi wengine wa chama kwa kutoa mafunzo ya kuwajengea uwezo zaidi ili waweze kusimamia kikamilifu utekelezaji wa ilani .

Mwisho  


Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more