TANZANIA KUSHIRIKIANA NA ITALIA KUENDELEZA SEKTA YA MADINI

-
Na Gustaphu Haule, Tanzania 

#KAZIINAONGEA

SERIKALI ya awamu ya Sita inayoongozwa na Rais Dkt. Samia Suluhu Hassan, itaendelea kuimarisha uhusiano wa kidiplomasia na nchi ya  Italia katika kuendeleza Sekta ya Madini nchini hususani katika Teknolojia na mitambo.

Waziri wa Madini  Anthony Mavunde,  amesena hayo Januari 06, 2025 alipokutana na kufanya mazungumzo na Balozi wa Italia nchini, Giuseppe Coppola, katika ofisi ndogo za Wizara ya Madini Jijini Dar es Salaam.

Balozi wa Italia Nchini Tanzania Giuseppe Coppola (kushoto) akizungumza na Waziri wa Madini Anthony Mavunde(Kulia) Januari 6, katika ofisi za Waziri huyo zilizopo Jijini Dar es Salaam 

"Rais wetu Dkt. Samia Suluhu Hassan ameifungua nchi yetu kwa kuimarisha mahusiano Kimataifa kupitia falsafa yake ya 4R, sisi wasaidizi wake tutaendelea kuhakikisha tunasimamia maono hayo na kujenga mahusiano zaidi na washirika wetu kwa manufaa ya uchumi na wananchi wa pande zote", amesema Mavunde 

Waziri wa Madini Anthony Mavunde akiwa katika ofisi ndogo za Wizara hiyo zilizopo Jijini Dar es Salaam katika mazungumzo na Balozi wa Italia Nchini Tanzania yaliyofanyika Januari 6,2025.

Mavunde, amesema kuwa zipo fursa nyingi kwenye Sekta ya Madini nchini kuanzia kwenye utafiti mpaka uongezaji thamani madini, mazingira ya uwekezaji ni mazuri hivyo anawakaribisha sana wawekezaji kutoka nchini Italia kuja kuwekeza Tanzania.


Kwa upande wake Balozi Coppola, ameishukuru Serikali ya Tanzania kwa ushirikiano inayompa tangu awasili nchini na kusisitiza kwamba Italia inayo kampuni nyingi ambazo zimejikita katika Teknolojia hususani utengenezaji wa mitambo inayotumika kwenye sekta ya madini.

Balozi wa Italia Nchini Tanzania Giuseppe Coppola akiwa katika ofisi ndogo ya Wizara ya Madini iliyopo Jijini Dar es salaam kwa ajili ya kufanya mazungumzo na Waziri wa Madini Anthony Mavunde yaliyofanyika Januari 6,2025.
"Mwezi Februari, 2025 tunataraji kuwa na mkutano wa wafanyabiashara baina ya Tanzania na Italia ambapo tunatarajia kampuni na wawekezaji katika sekta zote hususan madini kuja kushiriki mkutano huo", amesema Coppola

Amesema kuwa,katika mkutano huo Kampuni za utengenezaji vifaa vya Madini kutoka Italia  yatashiriki na Wachimbaji watanufaika na Teknolojia na mitambo rafiki kwa mazingira.

“Ninaamini kwa kutumia mkutano huo utakuwa ni mwanzo mzuri wa wawekezaji kutoka Italia kuona fursa zilizopo nchini Tanzania na kuanza kuzichangamkia" amesisitiza Balozi Coppola.

Waziri Mavunde ameonesha kufurahishwa na mpango wa mkutano wa wafanyabiashara wa Italia na Tanzania, na kusema kwamba ni vizuri taarifa za kina kuhusu mkutano huo zikaifikia Wizara mapema, kwa ajili ya uratibu ili wachimbaji wakubwa na wadogo waweze kushiriki kikamilifu na kuleta tija.

*#KAZIINAONGEA*

Club News Editor - Charles Kusaga

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more