SERIKALI YAMBANANISHA MKANDARASI BARABARA YA TUNGAMA- MKANGE

-

Na Gustaphu Haule, Tanzania 

*●Aomba radhi ajipange upya* 

SERIKALI  inayoongozwa na Rais Dkt. Samia Suluhu Hassan kupitia Waziri wa Ujenzi Abdallah Ulega imemtaka Mtendaji Mkuu wa Wakala wa Barabara Tanzania (TANROADS), Mhandisi Mohamed Besta kumpa taarifa ya kitaalamu kuhusu Mkandarasi M/s China Railway 15 Bureau Group Corporation anayejenga barabara ya Tungamaa-Mkwaja-Mkange yenye kilomita 95.2 ambayo ni sehemu ya barabara ya Tanga-Pangani-Bagamoyo ili achukue hatua stahiki.

Mapema Januari 02, 2025 akizungumza mjini Pangani Waziri Ulega amesema haridhishwi na kasi ya mkandarasi huyo anayejenga sehemu ya tatu ya barabara hiyo kwa kuwa asilimia 40 badala ya 90 huku muda wa kukamilisha kazi ukiwa umebaki miezi mitatu.

Waziri wa Ujenzi Abdallah Ulega akizungumza na mkandarasi anayejenga barabara ya Pangani- Mkange- Bagamoyo katika ziara yake aliyoifanya jana.

"Haikubaliki na haivumiliki kutoa visingizio vya mvua wakati wakandarasi wengine wanafanya vizuri katika maeneo hayo hayo", amesema Ulega.

Aidha, Waziri Ulega amempongeza Mkandarasi Shandong anayejenga daraja la Pangani lenye urefu wa mita 525 kwa kazi nzuri na kumtaka kufanya kazi usiku na mchana ili kukamilisha daraja hilo kwa wakati.

"Asilimia ya daraja inaridhisha ongezeni bidii,wataalam na muda wa kufanya kazi ili muwe mbele ya muda na barabara unganishi kilomita14.3 nazo zikamilike" amesisitiza Ulega.

Pichani muonekano wa daraja la mto Pangani katika ujenzi kama inavyoonekana 

Kuhusu mkandarasi CHICO anayejenga sehemu ya kwanza ya Tanga-Pangani Kilomita 50, Waziri Ulega amesema kwamba tayari Serikali 
imeshamlipa Mkandarasi  huyo Shilingi Bilioni 4.7 ili kuharakisha ujenzi wa barabara hiyo. 
  
Naye Mbunge wa jimbo la Pangani Jumaa Aweso amemshukuru Rais wa Jamhuri ya Muungano wa Tanzania Dkt.Samia Suluhu Hassan  kwa ujenzi wa daraja hilo na kusisitiza ujenzi huo utaongeza shughuli za kiuchumi mkoani Tanga, Pwani na ushoroba wa Bahari ya Hindi kwa ujumla.

Pia Mkuu wa Mkoa wa Tanga Balozi, Batilda Buriani ameipongeza Serikali ya awamu ya sita kwa ujenzi wa Barabara ya kimkakati ambapo inaunganisha nchi jirani ya Kenya na mikoa ya Tanga,Pwani na Dar es salaam na kusisitiza wananchi kutumia fursa za miradi hiyo kukuza biashara na kuibua fursa za ajira.

Barabara ya Tanga-Pangani-Bagamoyo ni sehemu ya barabara kuu ya ushoroba wa pwani ya Afrika Mashariki unaoanzia Malindi-Mombasa hadi Lungalunga nchini Kenya na Horohoro-Tanga-Pangani-Bagamoyo hadi Dar es salaam nchini Tanzania ambapo kwake kutakuza Uchumi, Utalii na Biashara.

*#KAZIINAONGEA*
Club News Editor 

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more