MANARA AZINDUA MASHINDANO YA SAMIA CUP KIBAHA VIJIJINI, ACHANGIA SH.MILIONI 1

-

Na Gustaphu Haule,Pwani

MDAU wa mpira wa miguu Nchini Haji Manara, ameahidi kutoa kiasi cha Sh. milioni 1 kwa ajili ya kuchangia  mashindano ya kombe la Samia "Samia Cup" yanayofanyika katika Halmashauri ya Kibaha Vijijini chini ya uratibu wa Umoja wa Vijana wa Chama Cha Mapinduzi (UVCCM) Wilayani humo.

 Manara ametoa  ahadi hiyo kwenye uwanja wa Shule ya Msingi Mtongani uliopo  Mlandizi Kibaha wakati akizindua michuano hiyo Januari 11,2025 ambayo inashirikisha timu 104 kutoka katika Kata zote za Halmashauri ya Wilaya hiyo.

Mdau wa michezo Haji Manara akizungumza katika ufunguzi wa Mashindano ya Samia Cup yaliyofanyika Januari 11 ,2025 katika viwanja vya Mtongani Mlandizi Kibaha Vijijini,Kulia ni Mjumbe wa Halmashauri Kuu ya CCM Taifa (MNEC) Hamoud Jumaa na kushoto ni mwenyekiti wa CCM Kibaha Vijijini Mkali Kanusu pamoja na mwenyekiti wa Chama Cha Mpira wa Miguu ( COREFA) Robert Munisi.


Kwa mujibu wa Manara amesema kuwa  lengo la mashindano hayo ni kuhamasisha wananchi wakiwemo vijana kujiandikisha katika daftari la kudumu la wapiga kura na kushiriki kwenye uchaguzi Mkuu unaotarajiwa kufanyika mwaka huu.

 Amesema  kuwa ,amevutiwa na vijana kuandaa mashindano kama hayo ambayo yanaunga mkono jitihada za Rais Dk Samia Suluhu Hassan kuchangia kwenye michezo kwani ni sehemu ya kuleta maendeleo nchini.

 "Nimefurahi sana kuona Vijana wameanzisha mashindano ambayo kwa kiasi kikubwa yanaunga mkono juhudi za Rais Dkt.Samia Suluhu Hassan,hivyo kutokana na umuhimu huo nami nitawapatia kiasi cha Sh.milioni 1 ili mfanikishe mashindano haya,"amesema Manara.

Katibu wa hamasa wa UVCCM Kibaha Vijijini Godfrey Mwafulilwa, amesema kuwa lengo la mashindano hayo ni kuhamasisha watu kujiandikisha kwenye daftari la kudumu la mpiga kura na kushiriki uchaguzi mkuu unaotarajia kufanyika mwaka huu.


Mdau wa michezo Nchini Haji Manara akiwa pamoja na timu Moja ya timu inayoshiriki mashindano ya Samia Cup mara baada ya kuzindua mashindano hayo Januari 11 ,2025, na Kulia ni mwenyekiti wa COREFA Robert Munisi na watatu kutoka kushoto ni Mjumbe wa Halmashauri Kuu ya CCM  Taifa ( MNEC) Hamoud Jumaa

 Mwafuliwa, amesema kuwa  kila kata watacheza katika hatua ya awali kwa ajili ya kupata timu moja itakayoingia 16 bora ngazi Wilaya  ambapo mshindi wa kwanza katika mashindano hayo atapata zawadi ya guta la matairi matatu, mshindi wa pili atajinyakulia pikipiki na mshindi wa tatu atapata kiasi cha shilingi milioni 1.  


Mwafulilwa,ameongeza  kuwa kwenye mashindano hayo hakutakuwa na kiingilio na kila timu itapatiwa jezi na mipira miwili huku zawadi nyingine ni mchezaji bora, kipa bora na mfungaji bora kila mmoja atapata ngao na Sh. 50,000 na timu yenye nidhamu itapata Sh. 100,000.

Mwafulilwa ,amewashukuru wadau mbalimbali waliojitokeza kwa namna Moja au nyingine kuchangia mashindano hayo huku akiwaomba wadau hao kuendelea kusaidia michezo hiyo kwa ajili ya kuibua vipaji kwa vijana .

Kwa upande wake wenyekiti wa Chama cha Mpira wa Miguu Mkoa  wa Pwani COREFA Robert Munisi amesema kuwa malengo yao ni kuhakikisha mpira Pwani unachezwa kwa kuzingatia taratibu.

Munisi,amesema kuwa COREFA itashirikiana na wadau  wanaoandaa mashindano mbalimbali lengo likiwa ni kuhakikisha vijana wanakuza vipaji vyao kwakuwa mpira wa miguu ni ajira,


Munisi,amewapongeza wadau hao kwa kuandaa mashindano hayo ambayo ni makubwa kwenye mkoa huo ambapo mashindano mengine  makubwa   yaliandaliwa na Naibu Waziri wa Elimu Sayansi na Teknolojia Omary Kipanga ambaye pia Mbunge wa Mafia.

Hatahivyo,katika ufunguzi wa mashindano hayo ya Samia Cup yalizikutanisha timu mbili ikiwemo  timu za Kujiandikisha na timu boresha taarifa ambapo mpaka kumalizika kwa mchezo zilikuwa zimetoka  sare ya bao 1-1.

 Mwisho.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more