JESHI LA POLISI MKOA WA PWANI LAMSHIKILIA ALIYETENGENEZA NA KUSAMBAZA PICHA CHAFU ZA UTUPU MITANDAONI.

-


Na Gustaphu Haule,Pwani

JESHI la Polisi Mkoa wa Pwani limefanikiwa kumkamata mtu mmoja ambaye anadaiwa kutengeneza na kusambaza katika mitandao ya kijamii picha chafu za utupu zisizo za maadili jambo ambalo ni kinyume na Sheria ya nchi.

Kamanda wa Jeshi la Polisi Mkoa wa Pwani ACP Salim Morcase, amewaambia Waandishi wa habari  Januari 20, 2025 kuwa kitendo kilichofanywa na mtuhumiwa huyo hakiwezi kuvumilika kwa nchi yenye maadili mema kama ya Tanzania kwakuwa jambo hilo ni kinyume na Sheria za nchi.

Kamanda wa Jeshi la Polisi Mkoa wa Pwani ACP Salim Morcase akizungumza na Waandishi wa habari kuhusu tukio la kukamatwa kwa mtuhumiwa aliyetengeneza na kusambaza picha za utupu katika mitandao ya kijamii.

Morcase, amesema kuwa picha hizo chafu na zisizo za kimaadili waliotengeneza waliunganisha na baadhi ya majengo ya Shule ya Baobab ili kuaminisha Umma kuwa vitendo hivyo vinafanyika Shuleni hapo.

Kamanda Morcase, amesema kuwa Jeshi la Polisi Mkoa wa Pwani Januari 3, 2025 lilipokea taarifa ya kutoka kwa uongozi wa Shule ya Baobab iliyopo Kata ya Mapinga Wilaya Bagamoyo juu ya kusambazwa kwa picha hizo mitandaoni.

Amesema, baada ya kupokea taarifa hizo Jeshi limefanya uchunguzi na hatimaye limefanikiwa kumkamata mtu mmoja ambaye uchunguzi wa kitaalamu ulisaidia kumfikia na kumkuta na picha hizo na kifaa cha kieletroniki ambacho alikuwa akitumia kusambaza picha hizo chafu.


Kamanda Morcase ameongeza kuwa pamoja na kumnasa mtu huyo lakini pia kwasasa bado Jeshi linaendelea kuwasaka watu wengine waliohusika katika kutengeneza na kusambaza picha hizo za mjongeo.

Morcase amesema, Jeshi la Polisi linatoa onyo kwa watu wenye tabia kama hizo za kutengeneza na kusambaza picha kama hizo kwa malengo ya kuchafua wengine au taasisi kwani mkono wa Sheria lazima utawafikia .

Kwa upande wake Mkurugenzi wa Shule ya Sekondari Baobab Shani Swai, amesema kuwa tukio la kusambazwa picha hizo limetokea Disemba 31, 2024 na ndipo wakatoa taarifa kwa Jeshi la Polisi.

Mkurugenzi wa Shule ya Sekondari Baobab iliyopo Kata ya Mapinga Wilaya ya Bagamoyo Mkoani Pwani Shani Swai, akizungumza na Waandishi wa habari shuleni hapo kukanusha picha feki za utupu zilizotengenezwa na kusambazwa katika mitandao ya kijamii zikihusishwa na Shule hiyo.

Swai, amesema kuwa picha hizo hazina mahusiano na wanafunzi wa  Shule hiyo kwani hata mtindo wa kusuka ni tofauti na hao walioonyeshwa mitandaoni.

Amesema, wanafunzi wa Shule hiyo wanasuka Nywele Tano mpaka Saba kwa stahili ya "Twende Kilioni" na vitanda vyao vya Chuma na sio vya mbao kama vinavyoonekana pichani.

"Kuna picha mbili zilizosambazwa mitandaoni  ambapo moja wamedukua picha za mahafali za wanafunzi wetu pamoja na majengo yetu lakini hizo nyingine zenye maudhui machafu na zilizokosa maadili sio za kwetu na hatuhusiki nazo ," amesema Swai

Aidha, Swai amelishukuru Jeshi la Polisi kwakazi kubwa iliyofanya mpaka kufikia hatua ya kumkamata mmoja wa watuhumiwa waliotengeneza na kusambaza picha hizo kinyume na maadili huku akiamini haki itatendeka dhidi ya wale wote waliohusika kuichafua Shule hiyo.

Hatahivyo, Swai ametoa wito kwa wazazi kuondoa taharuki na kuacha kukatishwa tamaa dhidi ya picha hizo kwakuwa Baobab ni taasisi kubwa inayosimamia maadili kupitia kamati ya maadili iliyopo shuleni hapo.

Mwenyekiti wa Bodi ya Shule Taaluma Mhandisi Fredy Ntevi, amesema kuwa Shule ya Baobab ni miongoni mwa Shule ambazo zimekuwa zikisimamia kikamilifu maadili ya wanafunzi pamoja na Wafanyakazi.

Uongozi wa Shule ya Sekondari Baobab iliyopo Bagamoyo Mkoani Pwani wakiwa katika picha ya pamoja mara baada ya kuzungumza na Waandishi wa habari juu ya kukanusha picha feki na chafu za mjongeo zilizotengenezwa na kusambazwa katika mitandao ya kijamii zikihusishwa na Shule hiyo.

Ntevi, amesema Shule ya Baobab hairuhusu mwanafunzi kuingia na Simu na endapo mwanafunzi anagundulika kuwa na Simu unyang'anywa kwa ajili ya kudhibiti utovu wa nidhamu sambamba na kulinda maadili ya wanafunzi na Wafanyakazi kiujumla.

Amesema kuwa, wanachokiona ni ushindani wa biashara japokuwa mpaka sasa hajui kuwa ni nani anayefanya ushindani dhidi yao.

Makamu Mkuu wa Shule Taaluma kutoka Baobab Alphonce Kamisa, amesema pamoja na njama zilizofanywa za kutaka kuichafua Shule hiyo lakini maendeleo ya Shule hiyo bado mazuri.

Makamu Mkuu wa Shule ya Sekondari  Baobab upande wa Taaluma Alphonce Kamisa,akifafanua jambo kwa Waandishi wa Habari Januari 20,2025 kuhusu kukanusha picha feki za utupu zilizotengenezwa na kusambazwa katika mitandao ya kijamii zikihusishwa Shule hiyo.

Kamisa, amesema kuwa Shule ya Baobab inajumla ya wanafunzi 1700 ambapo kati ya hao Wanaume ni 730 na wakike 970 ambapo hatahivyo mpaka sasa wanafunzi walioripoti shuleni ni 1600.

Amesema, hao wengine 100 hawajaripoti kutokana na changamoto za kifamilia ikiwemo  ugonjwa na kwamba kadri siku zinavyokwenda mbele wanafunzi hao wanazidi kuripoti.

Club News Editor - Charles Kusaga

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more