COREFA YAUNDA KAMATI ,YATEUA WALEZI KUENDELEZA SOKA ,YAJINASIBU "PWANI LAZIMA MPIRA UCHEZWE"

-

Na Gustaphu Haule,Pwani

CHAMA cha Mpira wa Miguu Mkoa wa Pwani (COREFA) kimeunda kamati  mbalimbali sambamba na kuteua walezi mahususi kwa ajili ya kusimamia na kuendeleza michezo katika maeneo yote ndani ya  Mkoa.

Kamati hizo zimeundwa Januari 25 kufuatia kikao cha Kamati ya utendaji kilichoketi katika ukumbi wa Seven Seven uliopo The Art Hotel Kibaha MiembeSaba.

Mwenyekiti wa Chama Cha Mpira wa Miguu Mkoa wa Pwani (COREFA) Robert Munisi, ametangaza kamati hizo mbele ya viongozi wa FA kutoka Wilaya  zote  katika mkutano maalum na kwanza wa COREFA ulioitishwa kwa ajili ya kupeana miongozo ya  namna ya kuendeleza Soka la Pwani.

Mwenyekiti wa Chama Cha Mpira wa Miguu Mkoa wa Pwani (COREFA) Robert Munisi akizungumza na viongozi wa FA katika mkutano maalum uliofanyika The Art Hotel (Seven Seven) Januari 25 mwaka huu.

Katika mkutano huo Munisi, amesema COREFA tayari mpaka sasa imeunda kamati Sita ikiwemo kamati ya fedha na mipango iliyo chini ya mwenyekiti wake Mohamed Lacha,Kamati ya Vijana, Wanawake na Soka la Ufukweni(Beach Soccer) iliyochini ya mwenyekiti wake Asha Mbatta.

Munisi, ametaja kamati nyingine kuwa ni kamati ya Miundombinu chini ya mwenyekiti wake Rugemalira Rutatina,Kamati ya mashindano chini ya Nassoro Mbilinyi,kamati ya tuzo na zawadi chini ya mwenyekiti Elnuru Mmary pamoja na kamati ya uendeshaji ligi iliyochini ya Abdallah Simba.

Katika hatua nyingine COREFA imefanya uteuzi wa walezi mbalimbali kwa ajili ya kusimamia FA za Wilaya zilizopo ndani ya Mkoa ambapo miongoni mwa walezi hao ni Elnuru Mmary aliyepewa Wilaya ya Bagamoyo.

Mkutano wa Chama Cha Mpira wa Miguu Mkoa wa Pwani(COREFA) uliofanyika Januari 25 ,2025 katika ukumbi wa Seven Seven uliopo The Art Hotel Kibaha MiembeSaba ukiwa na lengo la kupeana miongozo ya uendeshaji wa Soka la Pwani.

Munisi , amesema walezi wengine ni Nassoro Mbilinyi aliyepewa FA ya Wilaya ya Mkuranga, Mohamed Lacha (Mafia), Rugemalira Rutatina (Kisarawe), Asha Mbatta(Kibaha), Abdallah Simba (Kibiti) na Mohamed Masenga akipewa ulezi wa FA ya Wilaya ya Rufiji.

Aidha, Munisi amesema kuwa lengo la kuunda kamati na kuteua walezi hao ni kutaka kuhakikisha wanasimamia kikamilifu kauli Mbiu ya COREFA inayosema "Pwani lazima Mpira Uchezwe" ambapo kupitia kamati na walezi hao kila FA itakuwa inawajibika na kuwasiliana na walezi hao katika kutatua changamoto zote za michezo katika maeneo yao.

Hatahivyo, Munisi amewataka viongozi wa FA kushirikiana vyema na walezi hao na ikiwezekana kila mmoja awajibike katika nafasi yake ili kusudi Mpira wa Pwani ufike mbali ikiwa pamoja na kuibua vipaji vya michezo kwa vijana.

Mwisho 
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more