BARAZA LA WAFANYAKAZI OFISI YA MWANASHERIA MKUU LAKUTANA KUFANYA TATHMINI YA UTENDAJI KAZI MWAKA 2024/2025.

-

Na Gustaphu Haule,Pwani

BARAZA  la wafanyakazi la ofisi ya Mwanasheria Mkuu wa Serikali limekutana katika kikao chake cha kwanza kwa ajili ya kujadili masuala  mbalimbali yatakayosaidia kurahisisha utendaji kazi na kutoa huduma za kisheria kwa wananchi.

Kikao hicho kimeanza kufanyika  juzi katika Chuo Cha uongozi cha Mwalimu Nyerere kilichopo Kibaha kwa Mfipa Mkoa wa Pwani kwa kuwashirikisha wajumbe mbalimbali wakiwemo wakuu wa vitengo,wakurugenzi wasaidizi ,wakuu wa divisheni,mawakili wa Serikali na wajumbe wa Tughe.

Mkutano wa Baraza la Wafanyakazi ofisi ya Mwanasheria Mkuu wa Serikali uliofanyika leo Januari 24,2025 katika Chuo cha uongozi cha Mwalimu Nyerere kilichopo Kibaha Mkoani Pwani.
Mwanasheria Mkuu wa Serikali (AG) Hamza Johari, amesema kuwa lengo la kukutana katika kikao hicho ni kufanya tathmini ya namna ambavyo utendaji kazi wao ulivyokuwa katika kipindi cha mwaka uliopita na namna wakatavyoendelea mwaka 2025.

Johari, amesema kuwa ni wazi kuwa mwaka uliopita wamefanya vizuri katika eneo la Sheria ikiwemo kuweka kliniki za Sheria ambazo zimetolewa bure kwa wananchi ambapo lengo lake ni kusogeza huduma za kisheria karibu na Wananchi.

Amesema kuwa, kwasasa huduma hiyo inaendelea kufanyika katika Mkoa wa Kilimanjaro na kwamba kazi hiyo ni  mpango wa ofisi ya AG ambayo itaendelea kuwekewa mkazo juu ya huduma ya Sheria kwa wananchi pamoja na huduma nyingine za masuala ya kisheria.

"Mbali na kliniki za kisheria lakini ofisi ya AG inafanya kazi ya kupitia mikataba  inayoletwa na taasisi mbalimbali kwa ajili ya kuhakikisha na kutoa ushauri wa kisheria kazi ambayo imefanyika kuanzia Julai hadi Disemba mwaka 2024." amesema Johari.

Johari ameongeza kuwa takwimu zinaonyesha kuwa kazi hiyo imekuwa ikifanyika vizuri na pale ambapo panahitajika  kutoa maoni yao wamekuwa wakifanya hivyo kwa maslahi ya Taifa.

Aidha , Johari amesema ofisi ya AG pia imekuwa ikifanya kazi ya kuhakikisha mawakili na wanasheria wao wanaendelea kuwa vizuri na uwezo wa kutoa huduma za kisheria hapa Nchini.

Kutokana na hali hiyo kikao hicho kimeangalia namna ya kuwawezesha mawakili na wanasheria hao kwa kuwapa mafunzo mbalimbali licha ya kuwa zipo baadhi ya changamoto zinazowakabili ikiwemo uhaba wa fedha.

Mwanasheria Mkuu wa Serikali Hamza Johari (AG) akizungumza na Waandishi wa habari katika Chuo cha uongozi cha Mwalimu Nyerere kilichopo Kibaha Pwani kuhusu mkutano wa Baraza Kuu la wafanyakazi wa ofisi yake uliofanyika Januari 24,2025 chuoni hapo.

"Lengo la mkutano huu pia ni kuangalia changamoto zao na kuzipatia majibu hasa katika suala la mafunzo stahiki ambayo yanahitaji fedha na sisi tutaangalia na kuweka Mkakati wa namna gani ili tuweze kutoa mafunzo Kwa wanasheria na mawakili," amesema Johari 

Amesema, pamoja na mambo mengine lakini kikao hicho kimeangalia namna ya kutumia mfumo wa Teknolojia ya Habari ( TEHAMA)katika kuboresha hutoaji huduma za kisheria ili kuweza kuendana na wakati pamoja na kuleta urahisi katika kuwafikia Watanzania.

Katibu Mkuu wa Wizara ya Katiba na Sheria Eliakim Maswi, ameipongeza ofisi ya Mwanasheria Mkuu wa Serikali kwa namna ambavyo wamekuwa wakifanya kazi zao vizuri sambamba na kuona umuhimu wa kuitisha Baraza hilo.
Katibu Mkuu wa Wizara ya Katiba na Sheria Eliakim Maswi akizungumza katika mkutano wa Baraza la wafanyakazi wa ofisi ya Mwanasheria Mkuu wa Serikali uliofanyika Januari 24,2025 katika Chuo cha uongozi cha Mwalimu Nyerere kilichopo Kibaha Mkoani Pwani 

Maswi, amesema kuwa ofisi ya Mwanasheria Mkuu wa Serikali ni kiungo muhimu kwa maendeleo ya nchi na Serikali imekuwa na imani kubwa na ofisi hiyo na kwamba Wizara itaendelea kutoa ushirikiano kwa ofisi na watumishi wote wa ofisi ya Mwanasheria Mkuu.

Amesema, anatambua ofisi ya AG imekuwa na majukumu mazito sambamba na changamoto ya uchache wa raslimali lakini Wizara ya Katiba na Sheria itaona namna ya kusaidia katika utatuzi wa baadhi ya changamoto ikiwemo kuajiri Wafanyakazi na vitendeakazi.

Maswi, ameiomba ofisi hiyo kuendelea kuishughulikia mikataba mbalimbali yenye maslahi kwa nchi yetu na lazima mikataba hiyo ijulikane ambapo kutokana na umuhimu wa mikataba hiyo lazima kufanyakazi kwa bidii.

Mbali na hayo, lakini pia Maswi amemuomba Mwanasheria Mkuu wa Serikali kushirikiana na ofisi yake kuhakikisha wanafuatilia na kuboresha mikataba ya Serikali kwa maslahi mapana na Taifa.

Kikao cha Mkutano wa Baraza la Wafanyakazi wa Ofisi ya Mwanasheria Mkuu wa Serikali kilichofanyika Januari 24,2025 katika Chuo cha uongozi cha Mwalimu Nyerere kilichopo Kibaha Mkoani Pwani,anayeonekana Kulia ni Katibu Mkuu Wizara ya Katiba na Sheria Eliakim Maswi na Kulia kwake ni Mwanasheria Mkuu wa Serikali Hamza Johari na aliyesimama kushoto ni Naibu Mwanasheria Mkuu wa Serikali Samwel Maneno.

"Mikataba hii ya Serikali ni muhimu sana, kwahiyo niiombe ofisi ya Mwanasheria Mkuu kuanza kutoa mafunzo kwa watumishi juu ya upekuzi wa mikataba ya Serikali ili kusudi tuweze kulinda maslahi ya Taifa na hata katika kutoa huduma za kisheria kwa wananchi," amesema Maswi.

Awali, Naibu Mwanasheria Mkuu wa Serikali Samwel Maneno, amesema katika kipindi cha mwaka 2024/2025 Jumla ya mikataba 1799 ilifanyiwa upekuzi ambapo kati ya hiyo mikataba 1,639 ya manunuzi,120 imehusu fedha, mkataba (1) kuhusu Maliasili na 39 ni ya ushirikiano wa kimataifa.

Mwisho 
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more