WAZIRI JAFO ATAKA WAWEKEZAJI WAZALISHE BIDHAA ZENYE UBORA KUENDANA NA SOKO LA DUNIA

-


Na Gustaphu Haule,Pwani

WAZIRI wa Viwanda na Biashara Dkt. Selemani Jafo amewataka wawekezaji kuhakikisha wanazalisha bidhaa zenye viwango vya juu ili kuendana na Soko la dunia.

Jafo, ametoa wito huo wakati akifungua maonesho ya Nne ya Viwanda,Biashara na Uwekezaji yanayofanyika viwanja vya stendi ya zamani Kibaha Mailimoja Mkoani Pwani.


Amesema kuwa, Serikali ya awamu ya Sita inayoongozwa na Rais Dkt.Samia Suluhu Hassan imeweka mazingira mazuri na wezeshi kwa wawekezaji hivyo ni vyema sasa bidhaa zinazozalishwa ziwe za viwango.

"Nawaomba wawekezaji kuzalisha bidhaa zenye ubora ili ziweze kupata Soko la dunia lakini na sisi Watanzania tujitahidi kupenda vyakwetu kwakuwa uwezo wa kuzalisha bidhaa bora tunao,"amesema Jafo

Amesema Wizara inakuja na mpango mahususi wa miaka mitano wa kuwakwamua vijana kupitia Kilimo cha matunda utakaonza mwaka 2025 hadi 2030 ambapo utakuwa unasimamia vijana katika Uzalishaji wa matunda ya aina mbalimbali na tayari Soko lipo.

Waziri wa Viwanda na Biashara Dkt .Selemani Jafo akikagua mabanda katika maonesho ya Viwanda, Biashara na Uwekezaji yanayofanyika katika viwanja vya stendi ya zamani Mailimoja Kibaha Pwani, maonesho hayo yameanza Disemba 16 na kumalizika Disemba 20 mwaka huu,wa katikati ni Mkuu wa Mkoa wa Pwani Abubakar Kunenge.

Katika hatua nyingine Jafo amempongeza Mkuu wa Mkoa wa Pwani Abubakar Kunenge kwa kazi nzuri anayoifanya hasa katika kuhamasisha wawekezaji kuingia Mkoa wa Pwani kwa ajili ya kufanya uwekezaji wa Viwanda mbalimbali.

Amesema Mkoa wa Pwani ndio Mkoa kinara wa Viwanda na ni mfano wa mikoa mingine  na kwamba maonesho hayo lazima yawe endelevu huku akisema mwaka ujao yatakuwa maonesho ya Kitaifa.

Waziri wa Viwanda na Biashara Dkt .Selemani Jafo akiwa katika Banda la Jeshi la Zimamoto na Uokoaji kwa ajili ya kukagua Maonesho ya Viwanda, Biashara na Uwekezaji yanayofanyika katika viwanja vya stendi ya zamani Mailimoja Kibaha Pwani,anayeonekana kushoto ni kamanda wa Jeshi hilo Mkoa wa Pwani Jenifa Shirima na katikati ni Mkuu wa Mkoa wa Pwani Abubakar Kunenge.


"Maonesho haya yatafanyika tena mwakani lakini kwasasa yatakuwa yakitaifa na yataratibiwa na Wizara ya Viwanda na Biashara kwa kushirikiana na ofisi ya Mkuu wa Mkoa wa Pwani,"amesema Jafo.

Mkuu wa Mkoa wa Pwani Abubakar Kunenge,amesema kuwa katika kipindi kifupi cha uongozi wa Rais Samia Mkoa wa Pwani umefanikiwa kujenga Viwanda vikubwa 78.

Mkuu wa Mkoa wa Pwani Abubakar Kunenge akizungumza wakati wa ufunguzi wa maonesho ya Viwanda, Biashara na Uwekezaji yanayofanyika katika viwanja vya stendi ya zamani Mailimoja Kibaha Mkoani Pwani

Kunenge, amesema kuwa ongezeko hilo linatokana na Rais Samia kuendelea kuweka mazingira wezeshi kwa wawekezaji na hivyo kuvutia idadi ya wawekezaji kuongezeka Mkoani Pwani.

Maonesho ya Viwanda,Biashara na Uwekezaji Mkoa wa Pwani yameanza kufanyika Disemba 16 na yatamalizika Disemba 20 mwaka huu.


Mwisho
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more