WAZIRI JAFO ALIPONGEZA JESHI LA ZIMAMOTO NA UOKOAJI MKOA WA PWANI, AWASHAURI KUTOA ELIMU ZAIDI KWA WANANCHI.

-

Na Gustaphu Haule,Pwani

WAZIRI wa Viwanda na  Biashara Selemani Jafo, amelipongeza Jeshi la Zimamoto na Uokoaji Mkoa wa Pwani kwa kazi nzuri wanayofanya katika kukabiliana na  majanga mbalimbali yanayotokea katika jamii ikiwemo ya moto.

Jafo, ametoa pongezi hizo Disemba 17,2024 wakati alipotembelea banda la Zimamoto lililopo katika maonesho ya Biashara na Uwekezaji yanayofanyika katika viwanja vya stendi ya zamani vilivyopo Mailimoja Kibaha Mkoani Pwani.



Jafo, akiwa katika maonesho hayo pamoja na mambo mengine alitembelea Banda la Zimamoto kwa ajili ya kujionea kazi wanazofanya na hivyo kueleza kuridhishwa na kazi ya Zimamoto inayofanywa hapa nchini.

Akizungumza mara baada ya kupokea maelezo mafupi kutoka kwa Afisa habari na Mafunzo wa Zimamoto kutoka Kibaha Mjini Joyce Kapinga, Jafo amesema kuwa Kikosi cha Zimamoto kinafanyakazi  kubwa ya kuokoa majanga kwa jamii hapa nchini hivyo lazima wapongezwe na kuheshimiwa.

Aidha,Jafo amekishauri Kikosi hicho kuendelea na juhudi za kusaidia Uokoaji wa Majanga katika jamii huku akisema Serikali ya awamu ya Sita chini ya Rais Dkt.Samia Suluhu Hassan ipo pamoja na Kikosi hicho.

Jafo,amemshauri Kamanda wa Zimamoto na Uokoaji Mrakibu Mwandamizi wa Zimamoto (SSP) Jenifa Shirima kuhakikisha wanajipanga na wanakuwa tayari muda wowote ili kukabiliana na majanga yanayotokea ikiwa pamoja na kuhakikisha magari yao yanakuwa na maji.


"Mnafanyakazi nzuri sana lakini naomba mjipange zaidi kuhakikisha mnaendana na teknolojia kwakuwa na vifaa ya kutosha na vyakisasa sambamba na magari ambayo muda wote yanakuwa na maji ya kutosha pale majanga yanayotokea,"amesema Jafo.

Pamoja na hilo lakini pia Waziri huyo amewashauri Zimamoto kujipanga kwa ajili ya kurudi katika jamii kwa ajili ya kuwashauri wanapojenga nyumba zao waache nafasi kwa ajili ya kupitisha gari la Zimamoto pale ambapo Majanga ya moto yanayotokea,"amesema Jafo.

Kwa upande wake Kamanda wa Jeshi la Zimamoto na Uokoaji Mkoa wa Pwani Jenifa Shirima ,amemshukuru Waziri Jafo kwa kutembelea Banda hilo na kwamba ushauri wake utafanyiwa kazi haraka iwezekanavyo.

"Zimamoto Mkoa wa Pwani mara nyingi tumekuwa tukitoa elimu kwa jamii kuhusu namna ya kukabiliana na majanga yanayotokea hususani ya moto lakini mafanikio yake yamekuwa makubwa sana na sasa tunakwenda kuyafanyiakazi maelekezo na ushauri uliotoa,"amesema Shirima.


Awali afisa Habari na Mafunzo wa Zimamoto Kibaha Joyce Kapinga, amesema kwasasa wamejipanga kikamilifu kuhakikisha wanashirikiana zaidi na jamii ili kupata taarifa mapema kuhusu majanga yanayotokea na hivyo kuweza kuyadhibiti kwa haraka kabla hayajaleta madhara.

Mwisho.
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more