TRA PWANI YAFURAHIA MAONESHO YA VIWANDA YASEMA YAMEKUWA NA MAFANIKIO,YAWAOMBA WALIPAKODI KUDAI NA KUTOA RISITI PINDI WANAPOUZA NA KUNUNUA BIDHAA

-
 

Na Gustaphu Haule,Pwani

MENEJA wa Mamlaka ya Mapato Tanzania (TRA)  Mkoa wa Pwani Masawa Masatu amesema maonesho  ya Viwanda,Biashara na Uwekezaji yaliyofanyika Mjini Kibaha yamekuwa na mafanikio makubwa pamoja na kutoa fursa kwa walipa kodi wengi kupata elimu.


Masatu ameyasema hayo Desemba 20 mwaka huu wakati akizungumza na Waandishi wa Habari waliotembelea katika banda  la TRA kwa ajili ya kujionea shughuli zilizokuwa zikifanywa na TRA katika maonesho hayo .

Masatu ,amesema kuwa TRA ambao ni moja ya wadhamini wa maonesho hayo waliona kushiriki maonesho hayo ni fursa kwa walipakodi kupata huduma sambamba na elimu ambayo itawasaidia katika kusimamia biashara zao.

Amesema kuwa, huduma zilizokuwa zikitolewa katika maonesho hayo ni zile zile ambazo zilikuwa zinapatikana ofisini ambapo miongoni mwa huduma hizo ni kusajili TN namba, kutoa huduma ya namba za kulipia (Control Number), kurekebisha taarifa mbalimbali za walipakodi pamoja na kutoa elimu ya Kodi.

"Huduma zote tunazozitoa ofisini ndizo tulizokuwa tunazitoa katika maonesho haya na tunashukuru Wananchi wengi wameitikia na kuelimika na huduma zetu,", amesema Masatu


Masatu amesema maonesho hayo ni moja ya sehemu ya kutangaza Mkoa lakini pia yanatoa fursa kwa wananchi kupata elimu na kuzifahamu bidhaa zinazozalishwa kwenye viwanda vilivyopo Mkoani humo.

"Mwitikio wa wananchi umekuwa ni mkubwa lakini kwa hapa kwenye banda letu tumepata nafasi ya kutoa elimu kwa wananchi waliotutembelea na nina imani sasa mabadiliko yatakuwa makubwa kupitia maonesho haya," amesema.

Meneja huyo amesema maonesho ya mwaka huu yamekuwa na mafanikio makubwa lakini amefurahi zaidi kuona maonesho ya mwaka 2025 yanakuwa ya Kitaifa na yatafanyika tena Mkoa wa Pwani.

Masatu amewakumbusha wananchi kuelekea mwisho wa mwaka kuzingatia kanuni za Kodi ikiwa pamoja na kuhakikisha kuomba risiti pindi wanaponunua bidhaa kwani kwa kufanya hivyo inachangia ongezeko la makusanyo ya Kodi ambayo yanakwenda kutekeleza miradi ya maendeleo.

TRA Mkoa wa Pwani imetunukiwa tuzo ya kuwa miongoni mwa taasisi za serikali zilizofanya vizuri katika maonesho hayo ambapo tuzo hiyo imetolewa na ofisi ya mkuu wa mkoa wa Pwani.



MWISHO.
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more