SERIKALI YAPUNGUZA UGUMU WA MAISHA KWA KUSHUSHA BEI YA MAFUTA

-


Na Gustaphu Haule, Tanzania 

KAZIINAONGEA

RAIS wa awamu ya Sita Dkt. Samia Suluhu Hassan, amefanya juhudi kubwa kwa  kushirikiana na wasaidizi wake katika kuleta unafuu wa maisha ya Mtanzania ikiwa ni kwa kuboresha huduma mbalimbali za kijamii ikiwemo upatikanaji wa Maji, Nishati ya Umeme, Miundombinu ya Barabara, huduma bora za afya, elimu pamoja na huduma nyingine muhimu.

Mbali na kuboresha huduma hizo lakini pia, Rais Samia aliona ni vyema akawapunguzia Watanzania ugumu wa maisha kwa kushusha bei ya mafuta ambayo ni miongoni mwa huduma muhimu katika uzalishaji na ukuaji wa Uchumi. Kupanda kwa gharama za mafuta kunachangia ongezeko la bei za vyakula pamoja na kupanda kwa gharama za usafiri na usafirishaji.

Katika kuliangalia hilo na umuhimu wake, Rais Samia amefanya jitihada katika upatikanaji wa mafuta ya Petroli, Dizeli, na Mafuta ya taa kwa bei nafuu, ili kupunguza mzigo wa gharama za maisha kwa wananchi na kuchochea ukuaji wa Uchumi. 

Katika kukabiliana na hilo, Serikali ilirekebisha na kuimarisha mfumo wa ununuzi wa mafuta kwa pamoja  "Bulk Procurement System" (BPS). Mfumo huu unawezesha ununuzi wa mafuta kwa wingi moja kwa moja kutoka kwa wazalishaji wakuu, hivyo kupunguza gharama za uagizaji na kuhakikisha bei zinazofikiwa zinakuwa nafuu kwa watumiaji.


Pia Serikali ilifanya juhudi za makusudi ambapo kuanzia Oktoba 5, 2021, Serikali ilipunguza tozo mbalimbali za Taasisi zake kwa kiwango cha Shilingi 29.38 kwa lita ya Petroli, Shilingi 30.05 kwa lita ya Dizeli na Shilingi 26.99 kwa lita ya Mafuta ya taa.



Mbali ya hilo pia Serikali imeimarisha miundombinu ya kuhifadhi mafuta (Strategic Reserves), hatua inayowezesha upatikanaji wa mafuta hata wakati wa upungufu wa Kimataifa au majanga ya dharura lakini pia imeimarisha na kuboresha Uwekezaji katika usambazaji wa mafuta.


Mafanikio haya ya Serikali ya Rais Samia, katika kipindi cha miaka mitatu yaliendelea kuonekana ambapo jitihada zaidi zilifanyika katika kushusha gharama za maisha ambapo Mamlaka ya Udhibiti wa Huduma za Nishati na Maji (EWURA), ilitangaza bei kikomo za bidhaa za mafuta ya Petroli hapa nchini ambapo katika Disemba 2022 bei ya mafuta ya rejareja ya Petroli kwa Dar es Salaam na Mtwara zilipungua kwa Shilingi 59/lita na 92/lita, mtawalia, ikilinganishwa na bei za Novemba 2022, wakati bei ya Tanga imeongezeka kwa Shilingi 9/lita.

Hata hivyo, ili kuendelea kupunguza athari za ongezeko la bei za mafuta nchini ambapo shughuli nyingi za kiuchumi zinategemea Dizeli, Serikali ilitoa ruzuku kwa bei za Disemba 2022 ambapo kutokana na ruzuku hiyo, bei ya mafuta ya Dizeli ilipungua kwa Shilingi 83/lita, Shilingi 247/lita na Shilingi 243/lita kwa Dar es Salaam, Tanga na Mtwara, mtawalia.



Kwa mwezi Disemba, 2023 bei za mafuta (FOB) kwenye Soko la Dunia zilipungua kwa wastani
wa asilimia 0.86 kwa mafuta ya Petroli na asilimia 9.11 kwa mafuta ya Dizeli na gharama za kuagiza mafuta (Premium) kwa Bandari ya DSM zilipungua kwa wastani wa asilimia 24 kwa mafuta ya Petroli na asilimia 30 kwa mafuta ya Dizeli.

Kwa Bandari ya Tanga gharama za kuagiza mafuta (Premium) zilipungua kwa asilimia 30 kwa mafuta ya Petroli na asilimia 17 kwa mafuta ya Dizeli.

Bandari ya Mtwara haikupokea shehena ya mafuta ambapo mabadiliko ya bei za mafuta kwa mwezi Disemba 2023 yanatokana na kupungua kwa bei za mafuta ghafi katika Soko la Dunia kwa wastani wa asilimia 8.72 na gharama za uagizaji wa mafuta kwa wastani wa asilimia 27 kwa Petroli na asilimia 

Bidhaa za mafuta zinazoagizwa na kupokelewa hapa nchini zinazingatia bei za mafuta yaliyosafishwa (FOB) kutoka soko la Uarabuni ambapo mwezi Disemba 2024, bei kikomo za mafuta zimekokotolewa kwa kuzingatia bei za soko la Uarabuni za mwezi Novemba 2024, ikilinganishwa na Mwezi Oktoba 2024, bei za mwezi Novemba zimepungua kwa asilimia 0.29 kwa mafuta ya Petroli, kuongezeka kwa asilimia 2.11 kwa mafuta ya Dizeli na asilimia 2.28 kwa mafuta ya taa.

Gharama za uagizaji mafuta (Premiums) zimeongezeka kwa wastani wa asilimia 7.26 kwa Petroli na kupungua kwa asilimia 12.80 kwa dizeli na wastani wa asilimia 7.10 kwa mafuta ya taa katika Bandari ya Dar es Salaam hakuna mabadiliko katika Bandari ya Tanga na zimeongezeka kwa wastani wa asilimia 15.67 kwa mafuta ya Petroli na hakuna mabadiliko kwa mafuta ya Dizeli katika Bandari ya Mtwara.

MWENENDO WA GHARAMA ZA UAGIZAJI

Gharama za uagizaji mafuta (Premiums) zimeongezeka kwa wastani wa asilimia 7.26 kwa Petroli na kupungua kwa asilimia 12.80 kwa Dizeli na wastani wa asilimia 7.10 kwa mafuta ya taa katika Bandari ya Dar es Salaam, hakuna mabadiliko .

Katika Bandari ya Tanga gharama zimeongezeka kwa wastani wa asilimia 15.67 kwa mafuta ya petroli na hakuna mabadiliko kwa mafuta ya dizeli katika Bandari ya Mtwara.

Jitihada hizi zilizofanywa na Serikali zimesaidia kwa kiasi kikubwa kupungua kwa gharama za mafuta na hivyo kurahisisha maisha ya Watanzania.

*#KAZIINAONGEA*



Club News Editor - Charles Kusaga

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more