SERIKALI YA RAIS SAMIA YANADI FURSA ZA UWEKEZAJI FALME ZA KIARABU.

-

Na Gustaphu Haule, Tanzania 

#KAZIINAONGEA

Serikali ya awamu ya Sita inayoongozwa na Rais Dkt. Samia Suluhu Hassan, inaendelea na mkakati wake wa kufungua fursa za Uwekezaji ambapo imeikaribisha Saudi Arabia kuwekeza nchini katika fursa mbalimbali zikiwemo Utalii, Kilimo, Madini, Uendelezaji wa miundombinu pamoja na Uchumi wa Buluu.

Waziri wa Fedha Dkt. Mwigulu  Nchemba, ametoa mwaliko huo alipokutana na kufanya mazungumzo na Naibu Waziri wa Wizara ya Uchumi na Mipango wa Saudi Arabia mhandisi Ammar Naqadi, 


Nchemba amekutana na Mhandisi Naqadi katika mkutano wa Jukwaa la Biashara na Uwekezaji lililoandaliwa na Ubalozi wa Tanzania kwa kushirikiana na Kituo cha Uwekezaji Tanzania (TIC) na Shirika la Kuendeleza Uwekezaji Zanzibar (ZIPA), lililofanyika hivi karibuni Mjini Riyadh nchini Saudi Arabia.

Dkt. Nchemba amebainisha kuwa, Tanzania inaendelea na mradi wa ujenzi wa Reli ya kisasa (SGR) ambapo imeshakamilika kipande kutoka Dar es Salaam hadi Dodoma na ujenzi unaendelea kwa vipande vinavyoelekea Mwanza na DRC kupitia Burundi.

Ujenzi wa reli hiyo ni fursa kwa Saudi Arabia kuwekeza katika miundombinu hiyo itakayochochea ukuaji wa biashara kati ya Saudi Arabia, Tanzania na nchi za Afrika Mashariki.

‘‘Bado tunakusanya rasilimali tunatamani wewe na Taasisi yako kuona namna ambavyo tunaweza kushirikiana katika ujenzi na uendeshaji wa mradi huu wa reli ya kisasa ambao utahusisha na Sekta binafsi, ikiwemo katika usafirishaji wa mizigo na safari za kila siku’’, ameeleza Dkt. Nchemba.


Ameeleza kuwa, Tanzania ina fursa katika Sekta ya kilimo na ina ardhi ya kutosha na yenye rutuba kuweza kuzalisha mazao ya aina mbalimbali kwa wingi hivyo ni vema Saudi Arabia ikatazama fursa katika sekta hiyo muhimu.

‘’Tunaweza kushirikiana katika kilimo ikiwemo uzalishaji wa ngano, mafuta ya kupikia pia tuna ranchi ambazo zinaweza kutumika kuzalisha nyama za kutosha na hivyo kupata mazao na bidhaa za kusafirisha nje ya nchi jambo litakalotunufaisha sisi pamoja na ninyi pia’’, amefafanua Dkt. Nchemba.

Nchemba amesema,Tanzania ina aina ya madini ambayo yanapatikana Tanzania tu, hivyo hiyo ni fursa muhimu kwa Saudi Arabia kuweza kushirikiana na Tanzania kuwekeza katika sekta hiyo kwa kujenga viwanda vya kuchakata madini ili kuyaongezea thamani.

Uwekezaji huo utawezesha kubadilishana uzoefu na Saudi Arabia wa rasilimali watu pamoja na teknolojia itakayoisaidia Tanzania katika kupiga hatua ya maendeleo ya kiuchumi haraka zaidi.

Kwa upande wake Naibu Waziri wa Uchumi na Mipango wa Saudi Arabia  Ammar Naqadi, amesema Saudi Arabia iko tayari kushirikiana na Tanzania katika uendelezaji wa miundombinu ya reli ili kurahisisha usafirishaji wa watu, mazao na mizigo ili kuchochea ukuaji wa biashara ambapo ushiriki wa sekta binafsi ni muhimu katika kufanikisha biashara kati ya nchi hizo mbili.

Amesema, nchi hiyo iko tayari kushirikiana na Tanzania katika fursa za kuendeleza sekta ya madini, kilimo, mafuta na gesi, utalii, uchakataji wa mazao ya bahari, miundombinu pamoja na utalii ambapo wataandaa timu ya Wataalamu kwa kushirikiana na Sekta binafsi kutembelea Tanzania kujionea fursa za uwekezaji katika sekta hizo ili kujiridhisha na mazingira ya fursa za Tanzania ili kuweza kuwekeza.

Amesisitiza kuwa, katika kufanikisha ukuaji wa biashara baina ya Tanzania na Saudi Arabia suala la utozaji kodi mara mbili ni muhimu kufanyiwa kazi ili kuwawezesha wafanyabiashara kutopata changamoto wafanyapo biashara kati ya pande hizo.

*#KAZIINAONGEA*

Club News Editor - Charles Kusaga


Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more