RC PWANI AZINDUA MPANGO WA UGAWAJI VITAMBULISHO VILIVYOBORESHWA KWA WAMACHINGA,ASEMA HATAKI KUONA WAMACHINGA WANASUMBULIWA

-

Na Gustaphu Haule,Pwani

MKUU wa Mkoa wa Pwani Abubakar Kunenge amezindua mpango wa ugawaji wa vitambulisho vilivyoboreshwa  kwa ajili ya  wafanyabiashara wadogo ( Machinga) waliopo katika maeneo tofauti ndani ya Mkoa huo.

Kunenge,amezindua mpango huo Disemba 4,2024 katika kikao cha Kamati ya Ushauri cha Mkoa wa Pwani (RCC) kilichofanyika katika ukumbi mkubwa wa ofisi ya Mkuu wa Mkoa iliyopo Mjini Kibaha.

Mkuu wa Mkoa wa Pwani Abubakar Kunenge (Kulia) akizindua mpango wa ugawaji wa vitambulisho vilivyoboreshwa kwa ajili ya Wamachinga hafla ambayo imefanyika Disemba 4,2024 katika ukumbi wa ofisi ya Mkoa wa Pwani.

Mkuu wa Mkoa wa Pwani Abubakar Kunenge (Kulia) akizindua mpango wa ugawaji wa vitambulisho vilivyoboreshwa kwa ajili ya Wamachinga hafla ambayo imefanyika Disemba 4,2024 katika ukumbi wa ofisi ya Mkoa wa Pwani.
Katika uzinduzi huo Kunenge alianza Kwa kuwakabidhi vitambulisho hivyo baadhi ya Wamachinga akiwemo Mwenyekiti wa Umoja wa Wamachinga Mkoa wa Pwani Philemoni Maliga na mmoja kutoka kundi la Mama lishe.

Mbali na kugawa kwa Wamachinga hao lakini pia vitambulisho vingine alivikabidhi kwa Wakuu wa Wilaya ili kusudi waweze kuvikabidhi kwa wafanyabiashara waliopo katika maeneo yao.

Mkuu wa Mkoa wa Pwani Abubakar Kunenge (Pichani katikati mwenye Shati rangi nyeupe) akimkabidhi kitambulisho mwenyekiti wa Umoja wa Wamachinga Mkoa wa Philemoni Maliga mara baada ya zoezi la uzinduzi wa vitambulisho hivyo lililofanyika katika ukumbi wa ofisi ya Mkoa wa Pwani Disemba 4,2024 na anayeshuhudia kushoto ni Mbunge wa Kibaha Mjini Silvestry Koka.

Aidha, Kunenge baada ya uzinduzi huo amesema kuwa mafanikio ya utoaji wa vitambulisho hivyo imetokana na juhudi za Rais Dkt.Samia Suluhu Hassan ambaye anataka kuona namna ambavyo Wamachinga wanapangwa na kuhudumiwa vizuri katika maeneo yao.

Mkuu wa Mkoa wa Pwani Abubakar Kunenge akizungumza katika kikao cha Kamati ya Ushauri cha Mkoa (RCC) kilichofanyika Disemba 4,2024 Mjini Kibaha.

Amesema, Wamachinga ni kundi la watu muhimu na ni Watanzania ambao wanahitaji kupata huduma kutoka katika Serikali yao ndio maana Rais ameamua kuwatengenezea mazingira mazuri ya kufanyia biashara zao bila usumbufu.

"Namshukuru Rais wetu Dkt .Samia Suluhu Hassan kwa kurudisha mpango huu muhimu wa kugawa vitambulisho hivi kwakuwa itasaidia katika kuwapanga Wamachinga wetu na hata kuwahudumia kwa urahisi zaidi katika mahitaji yao,"amesema Kunenge

Kunenge,amewataka wakuu wa Wilaya kuhakikisha wanakwenda kusimamia ugawaji wa vitambulisho hivyo pamoja na kuwapanga vizuri katika maeneo yao ili waweze kufanya biashara katika mazingira mazuri.

Kwa upande wake afisa maendeleo ya Jamii Mkoa wa Pwani Grace Tete, amesema kuwa vitambulisho hivyo  kwasasa vimeboreshwa na vimekuwa na msaada mkubwa kwa Wamachinga.

Tete, amesema kuwa vitambulisho hivyo vitamsaidia Machinga kuweza kukopa benki kirahisi na hata kupata huduma nyingine muhimu za kijamii na kwamba kila Mmachinga anatakiwa kuwa na kitambulisho hicho.

Afisa Maendeleo ya Jamii Mkoa wa Pwani Grace Tete akionyesha kwa wajumbe wa Kikao cha Kamati ya Ushauri cha Mkoa wa Pwani (RCC) vitambulisho vya Wamachinga vilivyoboreshwa katika hafla ya uzinduzi wa vitambulisho hivyo uliofanyika Disemba 4,2024 Mjini Kibaha.

"Vitambulisho hivi kwasasa vimeboreshwa zaidi maana ukiingia katika mfumo kinakuletea kila kitu kwakuwa kimeunganishwa na namba ya NIDA ya mhusika na pia kimewekwa picha juu na endapo kinapotea unaweza kukipata au kupewa kingine kwa gharama ndogo,"amesema Tete

Nae Mwenyekiti wa Umoja wa Wamachinga Mkoa wa Pwani Philemoni Maliga,amemshukuru Rais Samia kwa kutambua umuhimu wa Wamachinga hapa nchini sambamba na Mkoa kwa kulisimamia jambo hilo vizuri.

Maliga,amesema kupitia vitambulisho hivyo anaamini Wamachinga wapo sehemu salama na watafanyakazi katika mazingira mazuri na hivyo kupata kipato cha kuendesha familia zao na hata katika kuchangia pato la Taifa.

Mwisho 

Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more