RC ANDENGENYE AMSHUKURU RAIS SAMIA KUUFUNGUA MKOA WA KIGOMA KIUCHUMI

-

Na Gustaphu Haule,Tanzania

#KAZIINAONGEA
 
DISEMBA 5, 2024 ilikuwa  ni siku ya aina yake, ambayo haijawahi kutokea kwa historia ya matukio ya uwanja wa 
Kawawa na ya elimu katika mji wa Kigoma Ujiji.

Ilikuwa kama hadithi lakini sasa ni vitendo halisi vinavyotekelezwa  na  Rais Dkt.Samia Suluhu Hassan katika upande wa sekta ya elimu nchini.

Mahafali ya kihistoria ya Chuo Kikuu Huria cha Tanzania ambayo yamewakusanya wahitimu wa Chuo hicho kutoka mikoa yote ya Tanzania yamefanyika hapo na mgeni rasmi alikuwa ni Waziri Mkuu Kassim Majaliwa Majaliwa aliyemwakilisha Makamu wa Rais Dkt. Philip Mpango.

  


Kufanyika kwa mahafali hayo katika manispaa ya Kigoma Ujiji ni ishara ya utekelezaji wa juhudi kubwa za Dkt.Samia za kuzidi kuufungua mkoa wa Kigoma Kiuchumi na kuongeza fursa za elimu kwa wananchi wa mkoa huo na maeneo ya jirani.

Aidha, katika eneo la Chuo hicho kilichopo kata ya Kasimbu Ujiji jirani ya Shule ya Sekondari Kasingirima, Mkuu wa mkoa wa Kigoma Thobias Andengenye aliushukuru uongozi na baraza la Chuo kwa uamuzi huo wa kufanya mahafali yao ya 43  katika mkoa wa Kigoma.

Mkuu wa Mkoa wa Kigoma Thobias Andengenye akihutubia wakati wa mahafali ya 43 ya Chuo kikuu huria cha Tanzania

"Kigoma ni pahali sahihi na patulivu na kuna chakula cha kutosha hivyo maamuzi yaliyofanyika kuleta mahafali haya kwetu ni jambo jema lenye kuleta heshima hapa Mkoani kwetu, "amesema Andengenye.

Mkutano huo ulihudhuriwa na katibu mkuu wa wizara ya Elimu, Sayansi na Teknolojia Prof.Caroline Nombo, Maprofesa, madaktari waandamizi na wanataaluma.

Katika hatua nyingine mtoa mada mkuu, Prof.Yunus Mgaya na wajadili mada walieleza kuwa Chuo Kikuu Huria cha Tanzania kimekuwa na mchango mkubwa katika kufungua fursa za watu wa Kigoma na maeneo mengine katika kupata elimu.

Katika hotuba yake Andengenye amemshukuru Rais Samia kwa juhudi zake za kuifungua Kigoma kiuchumi na pia amewataka wananchi kuwa na utayari wa kujiunga na chuo hicho.

*#KAZIINAONGEA*
Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more