MWEKEZAJI KEDA CERAMICS CO LTD AWAUNGANISHA WANANCHI MBEZI -SHUNGUBWENI, ATOA MILIONI 150 KUJENGA DARAJA,WANANCHI WAFURAHIA UWEKEZAJI HUO.

-

Na  Gustaphu Haule,Pwani

WAWEKEZAJI wa kiwanda cha KEDA (T) Ceramics Co Limited  kilichopo Mkiu Wilayani Mkuranga wameendelea kumuunga mkono Rais wa Jamhuri ya Muungano wa Tanzania Dkt.Samia Suluhu Hassan kwa kujenga daraja kubwa  katika Mto Msolwa uliopo barabara ya Mbezi Msolwa inayounganisha Kata ya Mbezi na Shungubweni.

Viongozi wa Kiwanda cha Keda Ceramics Co Ltd wakiwa eneo la ujenzi wa daraja la Mbezi -Shungubweni Wilayani Mkuranga Mkoa wa Pwani.

Utekelezaji wa ujenzi wa daraja hilo ni sehemu ya kukamilisha ahadi ya mwekezaji wa kiwanda hicho ambapo awali aliwaahidi Wananchi wa maeneo hayo kuwajengea daraja hilo ili waweze kupata mawasiliano kwa urahisi ikiwa pamoja na kusafirisha mazao yao.

Aidha, daraja hilo limejengwa likiwa na urefu wa Mita Sita, upana wa Mita Saba na kina cha Mita 1.5 ambapo fedha za utekelezaji wa mradi huo zimetoka katika kiwanda hicho ikiwa ni sehemu ya kurudisha fadhila kwa jamii na hivyo kufanya Wananchi wanaoishi karibu na uwekezaji huo  kunufaika.


Muonekano katika picha wa Mradi wa Ujenzi wa Daraja katika Mto Msolwa katika barabara ya Mbezi Msolwa inayounganisha Kata ya Mbezi na Shungubweni.

Akizungumza katika eneo la mradi huo afisa biashara wa kiwanda cha Keda  Masoud Suleyman amesema mradi huo wa kuimarisha miundombinu ya barabara utawezesha kata ya Mbezi- Shungubweni kurahisisha shughuli za kiuchumi na huduma za kijamii kwa wananchi wa kata hizo na kurahisisha usafirishaji wa  malighafi ya mchanga katika utengenezaji wa bidhaa ya kioo.

Afisa biashara wa kiwanda cha KEDA CERAMICS CO LTD Bw. Masoud Suleyman

"Gharama za mradi umetekelezwa kwa kutumia fedha za ufadhili wa kiwanda cha KEDA ceramics (T) Co Ltd  kwa mwaka 2024 gharama ya mradi ikiwa  ni Tsh . milioni 150  ambapo utekelezaji wa mradi huo umejengwa kwa kutumia wataalamu,vifaa na malighafi za kiwanda cha Keda Ceramic," amesema Suleyman
 
Suleyman, amesema kuwa utekelezaji wa mradi huo  umeanza tangu Oktoba  28,2024 kwa kushirikiana na wataaalamu kutoka ofisi ya Meneja Wakala wa Barabara Mijini na Vijijini (TARURA)Wilaya ya Mkuranga  ambapo vifaa na  malighafi za ujenzi wake  vimetolewa na Keda Ceramics (T) Ltd.

Eneo la ujenzi wa daraja katika  Kijiji cha Msolwa Kata ya Mbezi lililojengwa na mwekezaji wa kiwanda cha Keda Ceramic Co Ltd kilichopo Mkiu Wilayani Mkuranga Mkoa wa Pwani.

Amesema kukamilika kwa daraja hilo  imekuwa ni mkombozi na kuleta manufaa makubwa kwani  mradi huo  utawezesha wananchi kupita kiurahisi kipindi chote cha mwaka ikiwemo kipindi cha mvua .

Kwa upande wao baadhi ya wananchi katika VAjeijiji tofauti vilivyonufaika na mradi huo akiwemo Mohammed msumi mkazi wa Kitongoji cha Kikopi Kijiji cha Msolwa anasema walikuwa wakipata tabu kuvuka katika eneo hilo haswa katika kipindi cha mvua.

"Wakati wa mvua maji yalikuwa yanajaa na Watu kushindwa kupitia hivyo Vijana wa maeneo haya walikuwa wakivusha watu kwa pesa lakini baada ya mwekezaji huyu wa Keda kuona changamoto hii waliamua kutusaidia kulijjenga daraja hili  katika ubora mzuri na sasa tunapita kwa urahisi zaidi bila shida yoyote,"amesema Msumi.

Aidha Msumi ametumia nafasi hiyo kuwashukuru wawekezaji kutoka Keda Ceramic huku akiwakaribisha wawekezaji wengine waendelee kujitokeza kwa ajili ya kusaidia kutatua changamoto mbalimbali ikiwemo ya ujenzi wa barabara ya Mbezi -Shungubweni na hata katika Sekta ya elimu,na afya.

Nae Amina Juma amewashukuru wawekezaji wa Keda kwa kuwajengea daraja ambalo lilikuwa  korofi wakati wa mvua huku akisema eneo hilo lilikuwa linajaa maji ambapo wananchi ,magari kukwama kwa kushindwa kupita hali iliwanyima usingizi wananchi wanaotumia barabara hiyo kwa muda mrefu na kusababisha kurudisha nyuma maendeleo yao.

 Jumanne Mtambwe ni mwenyekiti  wa kijiji cha Kisayani Mkuranga  amesema wanafurahia ujenzi huo kwakuwa daraja hilo limewaunganisha kati ya  Kjiji cha Kisayani, Msolwa  na Shungubweni amesema  ujenzi huo utaleta chachu ya maendeleo kwakuwa barabara zitapitika vizuri kwakuwa mwanzoni daraja lilikuwa bovu halipitiki.

 Hatahivyo,Mtambwe ameushukuru uongozi wa  Keda kwa kufanikisha ujenzi wa daraja hilo lakini pia amewaomba wawajengee   barabara ambayo kwa sasa inasumbua kutokana na kasi ya magari yanayobeba mchanga ambao ni malighafi ya kutengenezea  vioo ambayo inatumika katika kiwanda chao.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more