MIAKA 63 YA UHURU NA ONGEZEKO LA UZALISHAJI UMEME BWAWA LA MWALIMU NYERERE

-

Na Gustaphu Haule, Tanzania 

# KAZI INAONGEA

SERIKALI ya awamu ya Sita inayoongozwa na Rais Dkt. Samia Suluhu Hassan, imeadhimisha miaka 63 ya Uhuru wa Tanganyika huku ikifurahia mafanikio ya kuongezeka kwa uzalishaji wa umeme nchini  kwa asilimia 62 ikilinganishwa na mwaka 2021. 

Maadhimisho ya Uhuru wa Tanganyika yanayo adhimishwa kila Disemba 09 ya kila mwaka tangu mwaka 1961, yameadhimishwa kwa kushuhudia maendeleo ya kiuchumi yaliyofanywa na Rais Samia katika kipindi cha miaka mitatu tangu alipoingia madarakani.

Kwa hivi sasa, Watanzania wananufaika na huduma ya uhakika ya umeme ambayo kiwango chake kimeongezeka na kufikia Megawati 2,607.96 ikilinganishwa na Megawati 1,605.86 za mwaka 2021.


Haya ni matokeo chanja na ya mafanikio ya mradi wa kuzalisha umeme katika Bwawa la Julius Nyerere (JNHPP), ambapo utekelezaji wa mradi huo umefikia asilimia 99.2 na tayari wanazalisha Megawati 1,115 kutoka kwenye Mradi huo.

Disemba 22, 2023 Rais wa Jamhuri ya Muungano wa Tanzania, Dkt. Samia Suluhu Hassan, alishiriki hatua ya kufunga njia ya kuchepusha maji na kuanza ujazaji maji kwenye Bwawa la kuzalisha umeme.


Februari 25, 2024 Naibu Waziri Mkuu na Waziri wa Nishati, Dk. Doto Biteko, akiwa kwenye Bwawa la Mwalimu Nyerere aliviambia Vyombo vya Habari kuwa, kuanzia Februari 22, 2024 mtambo wa kwanza kati ya mitambo 9 umeanza kuzalisha umeme katika Bwawa hilo la Mwalimu Nyerere lililogharimu Shilingi Trilioni 6.5 kulijenga.

Mwaka 2012 hadi 2015 kulikuwepo tatizo kubwa la umeme nchini na kusababisha mgao hali iliyoilazimu nchi kukodisha mitambo inayotoza Capacity charge, hivyo kuigharimu nchi fedha nyingi

Mradi huo ambao unajengwa kwa fedha za ndani upo katika eneo la Selous linalotajwa kuwa moja ya maeneo ya urithi wa Dunia ambapo Tanzania inakusudia kupata umeme wa kutosha kupitia mradi huo.

Hatua ya kuanza kwa mradi huo inakuja baada ya miaka 40 tangu utafiti wa uzalishaji wa umeme kutoka Mto Rufiji uliofanywa wakati wa utawala wa Rais wa awamu ya kwanza, Hayati Mwalimu Julius Kambarage Nyerere.

Ujenzi wa bwawa hilo unaofanywa na Wakandarasi kutoka nchini Misri unatarajiwa kugharimu dola za Marekani Bilioni 2.9 sawa na Shilingi Trilioni 6.5 za Kitanzania.

*#KAZIINAONGEA*

Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more