KAMPUNI YA DOWERCARE TECHNOLOGY YAGAWA TAULO ZA KIKE ZAIDI YA 20,000 KWA WANAFUNZI NCHINI

-


Na Gustaphu Haule,Pwani

KAMPUNI ya Dowercare Teknology ya Kibaha Mkoani Pwani imefanikiwa kuifikia jamii kwa kugawa bure taulo za kike  zaidi ya 20,000 kwa wanafunzi wa Shule mbalimbali hapa nchini.

Kampuni hiyo ambayo ni wazalishaji wa bidhaa mbalimbal ikiwemo pampanzi (pampers) vifutio vya watoto (Baby Wipes), Taulo za kike, sabuni za miche na zile za unga ikiwemo Doff ni miongoni mwa kampuni ambazo zimekuwa zikizalisha bidhaa zenye ubora hapa nchini.

Afisa Masoko wa kampuni hiyo Lucia Msami, amesema hayo wakati akizungumza na waandishi wa habari katika maonesho ya Viwanda, Biashara na Uwekezaji yanayofanyika katika viwanja vya stendi ya zamani Mailimoja Kibaha Mkoani Pwani.
Afisa Masoko wa kampuni ya Dowercare Technology Lucia Msami akiwa katika maonesho ya Viwanda Biashara na Uwekezaji katika viwanja vya stendi ya zamani Mailimoja Kibaha Pwani.

Amesema kuwa,kampuni yake imekuwa ikigusa jamii hususani watoto wa kike kwa kugawa taulo bure mashuleni na kwamba kwa mwaka 2023/2024 wamefanikiwa kuwagawa zaidi taulo zakike 20,000 kwa Shule mbalimbali hapa nchini.

Msami, amesema kuwa utaratibu huo pia  umefanyika kwa wanawake waliojifungua katika hospitali ya Taifa ya Muhimbili ambapo wametoa taulo hizo bure kwa muda wa mwaka mmoja ambapo utaratibu huo unafanyika katika hospitali ya Teule ya Rufaa Tumbi iliyopo Mkoani Pwani na hospitali ya Temeke iliyopo Jijini Dar es Salaam.

 Msami ameishukuru Serikali ya awamu ya Sita chini ya Rais Samia Suluhu Hassan kwa namna inavyotoa ushirikiano mzuri katika masuala ya Uzalishaji na Uwekezaji.

Akijibu ombi la Waziri wa Ujenzi Abdallah Ulega aliyepita katika Banda la kampuni hiyo wakati wa kufunga maonesho hayo tarehe 20 Disemba 2024 kuhusu suala la kupunguza bei za taulo za kike kwa wanafunzi waliopo shuleni. Msami amemuambia Waziri Ulega kuwa ombi la kupunguza gharama za taulo hizo tayari wameanza kulifanyia kazi ambapo kwa sasa wanafunzi wananunua taulo hizo kwa Sh.1200 huku Wanawake Vijijini wamekuwa wakinufaika kupitia Wakala waliopo katika maeneo hayo.

Afisa Masoko wa kampuni ya Dowercare Technology Lucia Msami (Kulia) akifafanua jambo kwa Waziri wa Ujenzi Abdallah Ulega aliyetembelea banda la kampuni hiyo kabla ya kufunga maonesho ya Viwanda Biashara na Uwekezaji katika viwanja vya stendi ya zamani Mailimoja Kibaha Mkoani Pwani.

Hatahivyo, Msami amewaomba wananchi na Watanzania kwa ujumla kutumia bidhaa hizo kwakuwa zina gharama nafuu na  zimetengenezwa kwa ubora wa hali ya juu na hazina madhara kwa mtumiaji.

Afisa Masoko wa Kampuni ya Dowercare Technology ya Kibaha Mkoani Pwani Lucia Msami (katikati) akitoa elimu kwa Wananchi  juu ya bidhaa zinazozalishwa katika kiwanda hicho, kampuni hiyo ilikuwa katika maonesho ya Viwanda, Biashara na Uwekezaji katika viwanja vya stendi ya zamani ya Mailimoja.

Akifunga maonesho hayo Waziri Ulega amesema Serikali itaendelea kushirikiana na wawekezaji hapa nchini kutatua vikwazo vinavyowakabili ikiwemo miundombinu ya barabara.

Mwisho.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more