RAIS SAMIA ALETA MAPINDUZI MAKUBWA ELIMU YA SEKONDARI

-


Na Gustaphu Haule, Tanzania 

#KAZIINAONGEA

KATIKA kipindi cha miaka mitatu ya Rais Dkt. Samia Suluhu Hassan amefanikiwa kuleta mapinduzi makubwa kwenye  eneo la elimu ya Sekondari.

Dkt.Samia amefanikiwa kuboresha miundombinu iliyosaidia kuongeza idadi ya Wanafunzi wa kidato cha kwanza hadi cha nne kutoka 2,256,489 mwaka 2021 hadi wanafunzi 2,881,335 Februari 2024 sawa na ongezeko la wanafunzi 624,846.

 Aidha wanafunzi wa kidato cha Tano na Sita wameongezeka kutoka 123,456 mwaka 2021 hadi kufikia Wanafunzi 159,816 mwezi Februari, 2023 sawa na ongezeko la wanafunzi 36,360.

Ongezeko la Sekondari .

Shule za Sekondari, zimeongezeka kutoka Shule 4,002 mwaka, 2021 hadi kufikia Shule 4,510 Februari, 2024 sawa na ongezeko la shule 508.



Mradi wa SEQUIP
Katika mradi wa kuboresha elimu ya Sekondari (SEQUIP) jumla ya Shilingi Bilioni 381.7 zimetumika katika ujenzi wa miundombinu ya elimu kwa shule za sekondari kupitia Mradi wa SEQUIP na kujenga miundombinu ifuatayo.


Ujenzi wa shule  460 za kata,ujenzi wa shule 26 za bweni za Kitaifa,upanuzi wa shule kongwe 18 za kidato cha tano na sita,ukamilishaji wa maboma ya madarasa, matundu ya vyoo 1,650 na maabara 132,ujenzi wa nyumba za Walimu zenye uwezo wa kuchukua familia 424 na ukarabati wa shule chakavu. 
 

Katika eneo la mradi wa Boost.

Kwenye eneo la mradi wa kuboresha elimu ya msingi (BOOST) Serikali kupitia mradi huo imetuma fedha katika Mamlaka za Serikali za Mitaa kiasi cha Shilingi bilioni 230 kwa ajili ya ujenzi wa Shule mpya za awali na Msingi 302.



Mradi huo umefanikiwa kujenga vyumba vya madarasa 3,880, matundu ya vyoo 11,297, nyumba za walimu 41, mabweni 2 na ukarabati wa Shule za Msingi 4. 

Baadhi ya madarasa yanayotokana na mradi wa BOOST

Ujenzi wa madarasa kupitia tozo,Serikali kuu na Uviko -19

Mwaka 2021 watoto waliomaliza darasa la saba walikuwa ni mara mbili ya wanaomaliza kidato cha nne na kukawa na uhaba mkubwa wa vyumba vya madarasa, Rais Samia akatoa  fedha kwa ajili ya ujenzi wa vyumba vya madarasa 12,000 .

Ujenzi wa madarasa hayo yakawezesha kuchukua wanafunzi wote waliofaulu kuingia kidato cha kwanza kwa awamu moja jambo ambalo limekuwa na msaada mkubwa katika jamii.

Mbali na hilo lakini pia  Rais Samia akaiona adha ya wanafunzi wa msingi waliokua wanasoma katika vituo shikizi ambapo akatoa fedha za kujenga vyumba vya madarasa 3,000 katika vituo hivyo na kwa sasa vina mazingira bora ya kujifunzia na kufundishia.

Mradi wa GPE Lanes II.

Kupitia mfumo wa ujenzi wa miundombinu kazi mbalimbali zimefanyika kwa kupitia fedha hizo  ikiwemo uenzi wa madarasa 300 ya elimu ya Awali ya mfano, ujenzi wa hosteli 20 za Wanafunzi wenye mahitaji maalumu, ujenzi wa madarasa 432, matundu ya vyoo 932, nyumba za Walimu 11, mabweni 8 na Shule mpya 10.


Kuhusu ununuzi wa magari.

Serikali ya Awamu ya Sita kupitia miradi mbalimbali imefanikisha kununua magari 445 kwa ajili ya maafisa elimu Mkoa, Wakuu wa divisheni za Msingi na Sekondari na magari kwa matumizi ngazi ya Wizara kwa lengo likiwa  ni kuimarisha shughuli za ufuatiliaji na tathmini ya utekelezaji wa Elimu hapa nchini.



Hatahivyo,taarifa hii ni kwa mujibu wa muhtasari wa mafanikio ya miaka mitatu ya Serikali ya Awamu ya Sita chini ya Rais Samia tangu aingie madarakani uliotolewa na Tamisemi.

Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more