RAIS SAMIA AFANYA MAPINDUZI MAKUBWA YA KIMAENDELEO SEKTA YA AFYA , HALMASHURI 127 ZAPATA HOSPITALI MPYA.

-

Na Gustaphu Haule, Tanzania 

KATIKA  kipindi kifupi cha uongozi wa  Rais Dkt. Samia Suluhu Hassan, amefanikiwa kufanya  mapinduzi makubwa kwenye sekta ya afya nchini kwa kujenga na kufanya uendelezaji wa hospitali mpya za Halmashauri 127.

Mapinduzi hayo yametokana na uwekezaji mkubwa uliofanywa kwenye uboreshaji wa  miundombinu ya kutolea huduma za afya ya msingi, vifaa tiba na vitendanishi, watumishi pamoja na upatikanaji wa dawa katika vituo vya kutolea huduma za afya nchini.



Serikali ya awamu ya Sita imeanzisha ujenzi na uendelezaji wa hospitali mpya za Halmashauri 127 ambazo kati ya hizo Hospitali 25 zimeanza kujengwa katika kipindi cha awamu ya sita. 

Ukarabati wa hospitali Kongwe 50 za Halmashauri,ujenzi wa vituo vya afya 367, ikijumuisha vituo vya tozo 234 na ukamilishaji wa maboma ya Zahanati 980 na ameanzisha ujenzi wa majengo 83 ya kutolea huduma za dharura (EMD).



Ujenzi wa majengo 28 ya huduma kwa wagonjwa mahututi (ICU), ujenzi wa Kituo cha kutibu magonjwa ya milipuko na ujenzi wa mitambo 21 ya kuzalisha hewa Tiba ya oksijeni kwa ajili ya wagonjwa mahututi na Wagonjwa wa dharura.

Pia amejenga nyumba za Watumishi 270 ( 3 in 1), ununuzi wa Vifaa Tiba kwenye Zahanati, Vituo vya Afya na Hospitali na kuajiri watumishi wa kada mbalimbali za Afya 17,137

Mapinduzi haya yanadhihirishwa na namna alivyosogeza baadhi ya huduma muhimu kwenye maeneo mbalimbali, hasa huduma za EMD na ICU.

Ikumbukwe kuwa tangu nchi hii inapata uhuru vituo vya kutolea huduma za afya yaani (Zahanati, vituo vya afya  pamoja na hospitali za Wilaya)  havijawahi kuwa na majengo ya dharura (EMD), majengo ya wagonjwa mahututi (ICU) pamoja Mitambo ya kuzalisha hewa Tiba ya Oksijeni.


Katika kipindi cha miaka mitatu Rais Dkt. Samia amelifanikisha hilo na huduma hiyo leo imekua ni kitu cha msingi ambacho kinapatikana katika vituo 132 hapa nchini.

Kwa mujibu wa Takwimu za Tamisemi asilimia 75% ya Watanzania wote wanatibiwa kwenye vituo vya kutolea huduma za afya nchini lakini pia asilimia 80 ya Wajawazito wote wanajifungua kwenye vituo vya kutolea huduma za Afya.

Taarifa hii ni kwa mujibu wa muhtasari wa mafanikio ya miaka mitatu ya Serikali ya Awamu ya Sita inayoongozwa na Rais Samia tangu aingie madarakani uliotolewa na Ofisi ya Rais Tawala za Mikoa na Serikali za Mitaa (TAMISEMI).

#KAZIINAONGEA
Club News Editor - Charles Kusaga

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more