MBONI MKOMWA: NITAJENGA SHULE YA MSINGI NA ZAHANATI MTAA WA BAMBA,WANANCHI NICHAGUENI

-




Na Gustaphu Haule,Pwani 

MBONI Mkomwa ni mgombea wa nafasi ya mwenyekiti katika Serikali ya Mtaa wa Bamba Kata ya Kongowe katika Halmashauri ya Mji Kibaha Mkoa wa Pwani.

Mboni, anaingia katika kinyang'anyiro cha nafasi hiyo kwa mara ya kwanza licha ya kuwa awali alikuwa mjumbe wa Serikali ya Mtaa huo kwa muda wa miaka mitano iliyopita.

Uzoefu wa Mboni katika kutumikia nafasi hiyo kumempa uzoefu mkubwa katika uongozi na hivyo kuona anaweza kuongoza Mtaa huo kwa nafasi ya mwenyekiti.

Kwasasa Mboni (39) ni Mjane na mama wa watoto watatu anayejishughulisha na biashara ndogondogo ambayo kwa kiasi kikubwa ndio inayompa kipato cha kuendesha maisha.

Katika mahojiano yake na mwandishi wa makala haya katika moja ya mikutano yake ya kampeni Mboni anaanza kwa kukishukuru Chama Cha Mapinduzi (CCM)kwa kumuamini na kumpa nafasi ya kupeperusha bendera ya Chama hicho.


Amesema, mbali na chama hicho lakini pia anawashukuru wanachama wa CCM pamoja na wananchi mbalimbali wa Mtaa wa Bamba kwa kumpa moyo na kuridhia aingie kugombea katika nafasi hiyo .

Amesema kwasasa ameingia kugombea nafasi hiyo ili kuhakikisha anapambana na changamoto zilizopo katika Mtaa wake ili kusudi Wananchi wake waweze kupata huduma za kijamii kwa urahisi.

Mboni, amesema kuwa akishinda katika nafasi hiyo atahakikisha Mtaa wake unapata Shule mpya ya Msingi ili kuwapa nafasi watoto kusoma katika mazingira mazuri zaidi.


Mboni, amesema kwasasa Mtaa huo hauna Shule ya Msingi jambo ambalo linasababisha wanafunzi waliopo katika Mtaa huo kulazimika kuvuka barabara ya Morogoro kwa ajili ya kufuata Shule katika Mtaa mwingine wa jirani.

Amesema kitendo cha kukosa Shule hiyo ni wazi kuwa inaleta kero kwa wanafunzi hao kusoma katika mazingira magumu jambo ambalo wakati mwingine linakatisha tamaa ya kusoma.


Amesema kuwa, mbali na ukosefu wa Shule lakini anatambua kuwa zipo changamoto nyingine ndani ya Mtaa wake zinazohitaji kupata ufumbuzi wa haraka.

"Natambua changamoto zilizopo katika Mtaa wangu ndio maana nikajitokeza kugombea ili niweze kuzitafutia ufumbuzi wa kina na hivyo kupunguza adha wanayoipata Wananchi wangu," amesema Mboni.

Mboni amesema moja ya changamoto hizo ni ukosefu wa Zahanati,ubovu wa miundombinu ya barabara pamoja na kuwepo kwa mikopo kausha damu inayowasumbua Wanawake.

Amesema, akiwa mwenyekiti atashirikiana na viongozi wenzake pamoja na wananchi wa Mtaa ili kuhakikisha wanaweka mipango ya pamoja kwa ajili kutatua changamoto zilizopo katika Mtaa wao.

Kuhusu ujenzi wa Zahanati hiyo Mboni amesema kuwa kwasasa Wananchi wake wanatumia kituo cha afya Kongowe kilichopo mbali na maeneo yao jambo ambalo ni kero kwa Wananchi.

Amesema, akishaingia madarakani pamoja na mambo mengine atahakikisha pia ndani ya uongozi wake Zahanati inapatikana ili kuleta urahisi wa Wananchi kupata huduma ya matibabu ya afya.

Kwa upande wa changamoto ya barabara atashirikisha viongozi na wananchi kwa kuunda kamati maalum ambayo itakuwa inafanyakazi kwa karibu na Wakala wa Barabara Mijini na Vijijini (TARURA).

Mboni, amesema barabara zote zenye vigezo vya kuingia katika mpango wa TARURA lazima atasimamia kwa karibu ili zipate nafasi ya kuhudumiwa mara kwa mara lakini zile ambazo zitakuwa ndani ya Wananchi wenyewe nazo zitatengenezewa mpango maalum .

"Wananchi wenzangu wa Mtaa wa Bamba naomba kura zenu, mnichague mimi kuwa mwenyekiti wenu nami nitawalipa mafanikio na matokeo mazuri kwani nipo tayari kufanyakazi usiku na mchana kwa ajili ya kupigania maendeleo ya Mtaa wetu ,"amesema Mboni.

Aidha ,Kuhusu Wanawake wenzake Mboni amesema kuwa wakimchagua watakuwa wamepata mwakilishi mzuri atakayekwenda kuwasimamia katika  masuala yao ya kiuchumi hususani suala la mikopo .

Amesema moja ya jukumu atakalofanya ni kuhakikisha anawasaidia  Wanawake kuondokana na mikopo kausha damu ambayo inawafanya wakose usingizi.

"Natambua sisi Wanawake tunaumizwa sana na mikopo kausha damu kwahiyo mimi Mboni mkinichagua kazi yangu ni kuhakikisha nakwenda kuwatengenezea mazingira mazuri ili mkanuifaike na mikopo inayotolewa na Halmashauri", amesema Mboni

Ameongeza kuwa Halmashauri ya Mji Kibaha inatoa mikopo ya asilimia 10 kwa Wanawake,Vijana na Watu wenye ulemavu lakini wengi bado hawana uelewa wa namna ya kuomba mikopo hiyo lakini kazi hiyo kwasasa ataifanya pale atakapochaguliwa.

Mboni amewaomba wakazi wote wa Mtaa huo ifikapo Novemba 27 kwenda katika vituo vya kupigia kura na bila makosa wamchague ili aweze kushinda kwa kishindo na hivyo kuleta maendeleo.

Kata ya Kongowe inajumla ya Mitaa Sita ambapo kati ya Mitaa hiyo Wanawake wanaogombea nafasi ya mwenyekiti ni wawili akiwemo Mboni Mkomwa kutoka Mtaa wa Mbamba na Nuru Awadhi kutoka Mtaa wa MiembeSaba" B "
 



Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more