FILAMU YA ROYAL TOUR YAFANIKIWA KUVUTIA WAWEKEZAJI NCHINI, HIFADHI ZA TAIFA ZAVUNJA REKONDI

-



Na Gustaphu Haule,Tanzania


#KAZIINAONGEA

KUWEPO kwa filamu ya Royal Tour iliyotengenezwa kutokana na maono ya Rais wa awamu ya sita, Dkt.Samia Suluhu Hassan, imesaidia kuongeza mwamko wa wawekezaji kuja kuwekeza kwenye Sekta ya Madini nchini. 

Filamu hii iliyoonekana kuvutia katika Sekta ya Utalii nchini imewavutia wageni kuja kuwekeza katika Madini, na Taifa linajivunia uwekezaji katika sekta hiyo kwa kuwa Tanzania tuna madini ya kutosha.


Kufuatia filamu ya Royal Tour watu bilioni 1.2 wamehusika moja kwa moja kuona, kutazama, kuangalia na kuifuatilia Tanzania kutokana na filamu hiyo kutangazwa na Rais Dkt. Samia.

Filamu hiyo imekuwa na mafanikio makubwa na kusababisha Hifadhi za Taifa kuvunja rekodi kwa kupata jumla ya watalii 1,412,719 kwa kipindi cha miezi tisa idadi ambayo haijawai kufikiwa.


Aidha, kumekuwa na ongezeko la mapato ya utalii maradufu ambapo mapato ya jumla ya sekta yameongezeka kutoka Dola za Kimarekani  bilioni 1.310.34 sawa na Tsh. Trilioni 3.01 mwaka 2021 hadi Dola za Marekani bilioni 2.527.77 sawa na Tsh .bilioni 5.82).


Ni ukweli usiopingika kuwa, Tanzania imejaliwa kuwa na madini aina nyingi na kuwepo kwa madini hayo kumesaidia ongezeko la wazalishaji wadogo, wa kati na wakubwa, hivyo kabla ya mwekezaji kufanya shughuli za uchimbaji ni lazima afuate masharti ya uwekezaji.

Moja ya masharti hayo  ni kwa kuandaa taarifa ya athari za mazingira wakati wa uchimbaji madini na namna ya kurejesha katika hali yake ya asili baada ya uchimbaji ambapo Madini kama Uranium tathmini yake inafanyika kwa mapana zaidi.

Katika kusimamia Uwekezaji na shughuli za uchimbaji wa madini, Wizara ya Madini ina vitengo vyote vinavyosimamia masuala ya afya, usalama, na utunzaji mazingira kikiwemo cha ukaguzi wa migodi.

Serikali imefanya uwekezaji mkubwa katika Sekta ya Madini kwa kununua mitambo mikubwa mitano ambayo ilishawasili nchini na kumi ipo njiani inakuja.

Rais Dkt. Samia ameagiza kuletwa kwa mitambo hiyo itakayowarahisishia wachimbaji wadogo kupata taarifa za uchimbaji na kuwaepusha na hasara.



Rais ameagiza mitambo hii ikifika igawanywe kote ambapo miongoni mwa mitambo hiyo itengwe miwili kwa ajili ya vijana na mmoja kwa ajili ya wanawake.

Mpango wa Serikali ni kuhakikisha kuwa sekta hii inachangia asilimia 10 au zaidi katika Pato la Taifa ifikapo 2025 na ukuaji wa Sekta ya Madini umeongezeka kutoka asilimia 9.4 Mwaka 2021 hadi kufikia asilimia 11.3 Mwaka 2023.

Kutokana na kuendelea kuimarika kwa Sekta, mchango wa Sekta ya Madini katika Pato la Taifa utaongezeka na kufikia asilimia 10 au zaidi ifikapo Mwaka 2025 kama ilivyoelezwa katika Dira ya Maendeleo ya Taifa 2025.

Serikali kupitia Tume ya Madini inarudisha minada ya ndani ya madini ya vito itakayofanyika katika maeneo ya uzalishaji hususani Mirerani, Mahenge, Tunduru, Dar es Salaam, Arusha na Tanga ambapo Kimataifa itafanyika Mji wa Bangkok na Jaipur nchini India.

Uendeshaji wa minada hiyo ni fursa muhimu ya kutangaza madini ya vito yanayozalishwa hususan kwenye Masoko ya Kimataifa ambayo ni njia mojawapo ya kuwafikisha Watanzania katika masoko ya uhakika na upatikanaji wa bei nzuri na stahiki.

#KAZIINAONGEA

Club News Editor - Charles Kusaga

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more