CHUO CHA MAENDELEO KIBAHA (FDC) CHAOMBEWA RUZUKU SERIKALINI

-


Julieth Ngarabali.   Kibaha.

Chuo cha Maendeleo ya wananchi Kibaha (FDC)  kinakabiliwa na changamoto mbalimbali  na kupelekea Uongozi wa eneo hilo kuiomba Serikali isaidie fedha za ruzuku kwa ajili ya chakula na uendeshaji kama ilivyokuwa kwa vyuo vingine vya FDC vilivyopo chini ya Wizara ya Elimu.

Mkuu wa Chuo cha Maendeleo ya wananchi Kibaha  Joseph Nchimbi pia ameiomba Serikali  katika kipindi hiki ambapo kuna mabadiliko ya mitaa na kuweka mkazo kwenye mafunzo ya Amali itumie wataalamu katika chuo hicho  na vyuo vingine kama hicho ambavyo tayari wana uzoefu katika kutoa mafunzo hayo ya Amali kwa kuwapanga wanafunzi wanaomaliza darasa la saba moja kwa moja kwenda kusoma fani mbalimbali za ujuzi.

Nchimbi ametoa maombi hayo Novemba 21 mjini Kibaha wakati akitoa taarifa ya chuo hicho kwa wananchi wa Kibaha, uongozi wa chuo  na wa shirika la elimu Kibaha waliohudhuria  kwenye mahafali ya 52 ya chuo ya chuo cha maendeleo ya wananchi Kibaha (FDC) ambapo vijana 147 wamehitimu mafunzo ya kozi ndefu ya miaka miwili katika fani mbalimbali za ujuzi ikiwemo ufundi bomba, umeme wa majumbani, ufundi magari, mifugo, uungaji na uundaji vyuma uchomeleaji ,upishi,ushonaji na kilimo.

Wahitimu wa Chuo cha Maendeleo ya Jamii Kibaha

Changamoto ingine aliyoitaja na kuomba Serikali isaidie ni pamoja na  gari itakayorahisisha usafiri na usafirishaji chuoni, wameomba kupatiwa watumishi wanaohitajika  ikiwemo wa fani za umeme, bomba na magari ili kumudu kutoa mafunzo ipasavyo na wameomba Serikali kuendelea kuwapatia fedha za kufanya ukarabati na kuongeza majengo  mapya yanayohitajika na pia hawana karakana kwa fani za magari,umeme, useremala, ujenzi na bomba.

Awali Mkurugenzi Mkuu wa Shirika la Elimu Kibaha Robert Shilingi amesema mafunzo yanayotolewa chuo cha maendeleo ya wananchi Kibaha yanalenga kumpatia mwanachuo ufundi stadi unaomuwezesha kupambana na mazingira yake na kutokana na soko la ajira wanachuo hao hufanya mitihani ya VETA ili kujipima uelewa wao na kupata vyeti vinavyowawezesha kujiajiri au kupata ajira maeneo mbalimbali

Mkurugenzi Mkuu wa Shirika la Elimu Kibaha Robert Shilingi

Mkurugenzi wa Elimu, Ofisi ya Rais TAMISEMI  Dokta Emmanuel  Shindika  akizungumza na wanachuo ,wazazi, viongozi wa shirika la elimu Kibaha pamoja na walimu wa chuo hicho amesema Serikali inatambua mchango  wa vyuo vya mandeleo ya wananchi nchini na imeendelea kuboresha  vyuo hivyo ikiwemo hicho cha Kibaha ambapo katika mwaka wa fedha 2022/2023 ilitoa sh. Milioni mia nne (400,000,000) ya ukarabati wa miundombinu kazi ambayo ameiona tayari imefanyika vema.

Mkurugenzi wa Elimu, Ofisi ya Rais TAMISEMI  Dokta Emmanuel  Shindika

Dkt. Shindika  ameongeza kuwa Serikali inajipanga kuendelea kuleta fedha zingine za ukarabati wa mabweni ya wanachuo na miundombinu mingine hapo chuoni

“ napenda niwahakikishie wadau wa elimu nchini kuwa tutaendelea kushirikiana katika kuboresha mazingira ya kutoa mafunzo kwa kutenga bajeti kwa awamu hususan suala la miundombinu ,ukarabati na ujenzi wa majengo mapya ili kuleta ufanisi zaidi katika utoaji mafunzo yaliyobora”Amesema.

Aidha amewataka wahitimu kutumia ujuzi na maarifa waliyoyapata chuoni hapo katika kujenga  a kuendeleza maisha yao pamoja na Taifa  na kwamba njia rahisi ya kufanikiwa katika maisha ni kujiunga na vikundi vya uzalishaji  mali kani watapata fursa ya kuunganisha nguvu ,ujuzi na kutumia rasilimali zitakazopatikana katika maeneo yao.



Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more