WAZIRI BASHUNGWA ARIDHISHWA NA USIMAMIZI WA MIRADI BAGAMOYO, AMTAJA RAIS SAMIA KUWA KINARA WA MAENDELEO NCHINI.

-


Na Gustaphu Haule, Bagamoyo 

WAZIRI wa Ujenzi Innocent Bashungwa amefanya ziara Wilayani Bagamoyo kwa ajili ya kukagua na kuzindua miradi mbalimbali ya maendeleo iliyotekelezwa kwa kipindi cha miaka mitatu ya  Rais Dkt.Samia Suluhu Hassan.

Bashungwa, amefanya ziara hiyo Wilayani humo ikiwa ni siku yake ya pili tangu alipoanza ziara yake Oktoba 8 katika Halmashauri ya Kibaha Mjini na Halmashauri ya Kibaha Vijijini.

Waziri Bashungwa aliambatana na mwenyeji wake Mkuu wa Mkoa wa Pwani amefika katika Soko la samaki lililopo Wilayani Bagamoyo kwa ajili ya kuzungumza na wavuvi wa Soko hilo na kisha kujua changamoto mbalimbali zinazowakabili.

Waziri wa Ujenzi Innocent Bashungwa katika Soko la Samaki Halmashauri ya Wilaya ya Bagamoyo Mkoani Pwani katika ziara yake aliyoifanya Oktoba 9 katika Halmashauri hiyo.

Mbali na kufika sokoni hapo lakini pia Bashungwa amezindua Shule mpya ya Sekondari  ya Nianjema pamoja na kutembelea kipande cha barabara ya lami ya Nianjema.

Akizungumza katika ziara hiyo Bashungwa amesema kuwa katika kipindi kifupi cha uongozi wa Rais Samia Serikali imefanya kazi kubwa  ya kuwaletea Wananchi maendeleo na mafanikio hayo yanatokana na Rais kukubali kutoa fedha kwa ajili ya utekelezaji wa miradi hiyo.

Bashungwa, amesema kuwa kwa Mkoa wa Pwani pekee mpaka sasa Serikali imetoa kiasi cha Sh Trilioni 1.3 lakini licha ya fedha hizo kutolewa lakini bado fedha nyingine zinakuja.

Waziri wa Ujenzi Innocent Bashungwa (Kulia) pamoja na Mkuu wa Mkoa wa Pwani Abubakar Kunenge (kushoto) wakishiriki ujenzi wa Shule mpya ya Sekondari Nianjema iliyopo Wilayani Bagamoyo,Bashungwa alifanya ziara Wilayani humo Oktoba 9 Kwa ajili ya kukagua miradi mbalimbali.

"Nafanya ziara hii maalum kwa ajili ya kukagua miradi yote ya maendeleo ambayo imepata fedha kutoka kwa Rais Samia na ziara pia ni maelekezo yake kwakuwa anataka kujua fedha alizotoa kama zimefanyakazi iliyokusudiwa", amesema Bashungwa 

Bashungwa, amesema kwa Wilaya ya Bagamoyo ameona kazi kubwa imefanyika kiasi ambacho kinampa nguvu Rais kuendelea kutoa fedha kwa ajili ya kutekeleza miradi mingine ya maendeleo.

Mkurugenzi mtendaji wa Halmashauri ya Wilaya ya Bagamoyo Shauri Salenda (Kushoto)akimueleza jambo Waziri wa Ujenzi Innocent Bashungwa (katikati) alipokuwa akikagua Soko la Samaki la Bagamoyo jana na Kulia ni Mkuu wa Mkoa wa Pwani Abubakar Kunenge.
Aidha, amewaomba Wananchi waliopo Wilayani Bagamoyo kuendelea kumpa ushirikiano Rais Samia ili kuhakikisha anaongeza nguvu ya kuleta fedha nyingi zaidi kwa ajili ya kuhakikisha changamoto zilizopo zinamalizwa.

Kwa upande wake Mkuu wa Mkoa wa Pwani Abubakar Kunenge amemshukuru Rais Samia kwa namna alivyojitoa katika kutoa kipaumbele cha kutoa fedha nyingi kwa ajili ya utekelezaji wa miradi ya maendeleo.

Kunenge,amesema kuwa  kwasasa Mkoa wa Pwani umefungua na umekuwa na fursa nyingi za kiuchumi ambapo amewataka wawekezaji kujitokeza zaidi katika kufanya uwekezaji kwakuwa tayari kuna mazingira mazuri na wezeshi yaliyotokana na juhudi za Rais Dkt.Samia Suluhu Hassan.

Mkurugenzi wa Halmashauri ya Wilaya ya Bagamoyo Shauri Salenda,amesema anaishukuru Serikali kwa jitahada kubwa inazofanya kwani katika kipindi kifupi Halmashauri yake imefanikiwa kujenga miradi mingi na mikubwa  yenye kurahisisha huduma kwa Wananchi.

Waziri wa Ujenzi Innocent Bashungwa wa tatu kutoka kulia akiambatana na viongozi mbalimbali kwa ajili ya kukagua miradi ya barabara Wilayani Bagamoyo ambapo Kulia ni Mkuu wa Mkoa wa Pwani Abubakar Kunenge na anayefuatia ni Meneja Tanroads Mkoa wa Pwani Baraka Mwambage .

Hatahivyo, Salenda amemshukuru Waziri Bashungwa kwa kufanya ziara hiyo katika Halmashauri yake huku akiahidi kuendelea kushirikiana na watumishi wake kusimamia miradi kikamilifu.

Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more