UCHAGUZI KURA ZA MAONI CCM WATIKISA, WENGI WASHINDA KWA KISHINDO

-





Na Gustaphu Haule, Kibaha PWANI

UCHAGUZI wa kura za maoni ndani ya Chama Cha Mapinduzi(CCM) kwa ajili ya kuwapata wagombea katika kinyanga' nyiro cha uchaguzi wa Serikali za Mitaa umefanyika jana Oktoba 23 katika maeneo mbalimbali huku baadhi wa wagombea wakiibuka na ushindi mnono.

Wagombea walioibuka kinara katika uchaguzi huo ni pamoja na Shauri YombaYomba Mwenyekiti mstaafu wa Mtaa wa Mailimoja"B" kutoka tawi la  Yombayomba aliyeibuka mshindi kwa kupata kura 186 dhidi Shamira Salum aliyepata kura mbili na Anthony Fudua   akiambulia kura Moja.

Mwenyekiti mstaafu wa Serikali ya Mtaa Mailimoja "B"Shauri Yombayomba akiwashukuru wajumbe mara baada ya kutangazwa kuwa mshindi katika wa uchaguzi wa kura za maoni tawi la Yombayomba uliofanyika Oktoba 23 mwaka huu.

Uchaguzi wa tawi la Yombayomba umesimamiwa na Juma Kasheshe pamoja na Yohana Mwananzila  kutoka CCM Kata ya Tangini ambapo hatahivyo waliendesha uchaguzi huo kwa utaratibu mzuri uliowavutia wagombea na wapiga kura .

Akizungumza mara baada ya kuchaguliwa kwake Yombayomba amewashukuru wajumbe kwa kuendelea kumuamini kwa kumpa kura nyingi huku akiomba ushirikiano zaidi kwa ajili ya kuhakikisha wanashinda katika uchaguzi wa Novemba 27 mwaka huu.

Mtaa wa Tangini aliyeibuka kinara ni Mwenyekiti anayetetea nafasi yake Pilmini Gama ambaye katika uchaguzi huo ameibuka kuwa mshindi kwa kupata kura 307 dhidi ya kijana Idd Mfaume aliyapata kura 120 na Philemoni Mabuga aliyejikuta akipata kura 67.

Gama, pamoja na mambo mengine ameeleza kufurahishwa na ushirikiano mkubwa alioupata katika uchaguzi huo huku akiwashukuru wajumbe kwa kumpata kura nyingi za kuongoza.

Mwenyekiti mstaafu wa Serikali ya Mtaa wa Tangini Pilmini Gama akiomba kura katika uchaguzi wa kura za maoni ( CCM) uliofanyika Oktoba 23 mwaka huu ambapo hatahivyo Gama ameshinda kwa kupata kura 307.

Gama, amewaomba wanaCCM wote wa Kata ya Tangini kushikamana kwakuwa uchaguzi wa ndani umekwisha lakini kazi kubwa inatakiwa kufanyika kwa ajili ya kuhakikisha wagombea wote wa CCM wanashinda Novemba 27.

Katika Mtaa wa Kilimahewa Benedict Alphonce ameshinda kwa kupata kura 108 huku Ayubu Joel ambaye ni mwenyekiti wa UVCCM Kata ya Tangini akipata kura 76 na Ramadhani Ngowo akipata kura 52 na Rukia Mahenge akipata kura 23.

Msimamizi wa uchaguzi tawi la Kilimahewa Jeremiah Komba (Shungu) Mjumbe wa Kamati ya Siasa Kata ya Tangini amesema uchaguzi katika eneo hilo ulikuwa wa amani na utulivu na kwamba mpaka matokeo yanatangazwa hapakuwa na sitofahanu yoyote.

Mtaa wa Mailimoja ni moja kati ya Mitaa ambayo ilikuwa ikichunguliwa na wengi kutokana na ushindani wa wagombea wake dhidi ya Yassin Mudhihir aliyekuwa mgombea mtetezi na Athumani Mkongota (Chichi).

Hii foleni ya wapiga kura katika uchaguzi wa kura za maoni katika tawi la CCM Mailimoja Oktoba 23 ambapo wagombea wake walikuwa ni Athumani Chichi na Yassin Mudhihir.


Mailimoja ambayo imebeba jina maarufu katika Halmashauri  Mji Kibaha uchaguzi wake ulikuwa na hamasa kubwa kwani wanaCCM wengi waliojitokeza kupiga kura wametoka katika makundi ya  wauza matunda,wachoma chipsi, bodaboda,wauza maji na wajasiriamali wengine.

Duru la uchaguzi katika Mtaa wa Mailimoja lilionekana kumuangukia Chichi ambaye katika uchaguzi huo ndiye aliyeibuka kinara kwa kupata kura 146 dhidi ya Mudhihir aliyepata kura 52.

Kwa upande wa Mtaa wa Machanjioni mshindi wa kwanza ameongoza kwa kupata kura 116 huku anayefuatia akipata kura 45 .

Athumani Chichi (Kulia) katika tukio la kujiunga na CCM hivi karibuni huko katika Kata ya Mkuza Kibaha Pwani.

Kufanyika kwa uchaguzi wa kura za maoni ni hatua ya kuelekea katika uchaguzi wa Serikali za Mitaa unaotarajia kufanyika Novemba 27 mwaka huu ambapo wagombea wa vyama mbalimbali wataingia katika kinyang'anyiro hicho .



Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more