RC KUNENGE : TAASISI ZA SERIKALI ACHENI KUWA KERO KWA WAFANYABIASHARA WADOGO,TOENI ELIMU IWASAIDIE KUKUZA MITAJI YAO.

-



Na Gustaphu Haule,Pwani

MKUU wa Mkoa wa Pwani Abubakar Kunenge ameziagiza taasisi za Serikali zilizopo ndani ya Mkoa wake kuacha kuwa kero kwa wafanyabiashara wadogo na badala yake wawasaidie kuwapa mbinu na  elimu ya namna ya kukuza na kuendeleza biashara zao.

Kunenge,ametoa kauli hiyo  Oktoba 2,2024 Mjini Kibaha wakati akifungua kikao  cha baraza la biashara la Mkoa kilicholenga kufanya majadiliano kati ya Sekta za Umma na Sekta binafsi (PPD).

Kunenge, amesema kuwa wafanyabiashara wadogo wanatakiwa kupewa elimu ya kukuza biashara zao ili waweze kufikia malengo ya kuwa wafanyabiashara wakubwa ili mwisho wa siku Serikali iweze kukusanya kodi vizuri.

Baadhi ya viongozi walioshiriki kikao cha baraza la biashara kilichofanyika Oktoba 2 Mjini Kibaha kikao hicho kilihusu majadiliano kati ya Sekta za Umma na Sekta binafsi( PPD).

Amesema, zipo baadhi ya taasisi ambazo zimekuwa kero kwa kukimbilia  kuwapiga penati na kutoza kodi bila kutoa elimu jambo ambalo limekuwa likiwakatisha tamaa wafanyabiashara na hivyo kufunga biashara zao.

Amesema, kitendo cha wafanyabiashara kufunga biashara zao ni wazi kuwa kunasababisha Serikali kukosa mapato jambo ambalo haliwezi kukubalika kwa Serikali ya awamu ya Sita inayoongozwa na Rais Dkt.Samia Suluhu Hassan.

Amewataka, maafisa biashara wa Halmashauri ya Miji na Wilaya kuwa wabunifu katika utekelezaji wa kazi zao ikiwa pamoja na kuacha tabia ya kuwafungia hovyo wafanyabiashara maduka yao.

"Nataka wafanyabiashara wa kawaida  wasikilizwe na ikiwezekana chukueni maoni yao ili tuyafanyiekazi maana tunataka kuona nao wananyanyuka na kuwa wafanyabiashara wakubwa na tuache kuwa kero kwao," amesema Kunenge 
Baadhi ya washiriki katika kikao cha majadiliano ya Sekta za Umma na Sekta binafsi kilichofanyika Oktoba 2 Mjini Kibaha .

Kunenge, ameongeza kuwa Rais  Dkt.Samia Suluhu Hassan ameweka mazingira mazuri ya uwekezaji na anataka kuona malengo yake yanatimia hivyo ni vyema kila anayehusika afanyekazi kwa bidii.

Kwa upande wake mwenyekiti wa Chemba ya Biashara Mkoa wa Pwani (TCCIA) Said Mfinanga amepongeza hatua iliyochukuliwa na Mkuu wa Mkoa kwa kuwakutanisha pamoja kwa ajili ya kujadili changamoto zinazowakabili.

Mfinanga, amesema kuwa TCCIA imekuwa na mahusiano mazuri  na Serikali na mahusiano hayo yanatakiwa kuendelezwa kwa faida ya pande zote mbili.

Mwenyekiti wa Chemba ya wafanyabiashara Mkoa wa Pwani (TCCIA) Said Mfinanga akizungumza katika kikao cha majadiliano kati ya Sekta za Umma na Sekta binafsi kilichofanyika Oktoba 2,2024 Mjini Kibaha 

Amesema, wafanyabiashara sio wahalifu na kwamba kinachotakiwa kwasasa ni kuhakikisha taasisi za Serikali zinawashauri wafanyabiashara namna nzuri ya kulipa kodi kuliko kukimbilia kutoza faini.

Mfinanga amesema faini wanazopigwa wafanyabiashara zinatoka katika mitaji yao na sio faida na kwamba kufanya hivyo kunapelekea biashara nyingi kufungwa na hatimae kulikosesha Taifa mapato.

Mwakilishi wa Kongani ya viwanda (Sinotan) iliyopo Kata ya Kwala katika Halmashauri ya Wilaya ya Kibaha Bary Chale amesema changamoto kubwa kwasasa ni umeme unaokwamisha uzalishaji wa bidhaa katika eneo hilo.

Hatahivyo,Chale ameiomba Serikali kufanya ufumbuzi wa haraka ili kuhakikisha umeme unapatikana kwa haraka na kufanya uzalishaji huwe wa uhakika zaidi.




Club News Editor

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more