OFISI YA MKUU WA MKOA WA PWANI YAENDESHA KONGAMANO KWA MAKUNDI MAALUM KUTOA HAMASA YA UCHAGUZI WA SERIKALI ZA MITAA.

-



Na Gustaphu Haule,Pwani

OFISI ya mkuu wa Mkoa wa Pwani imeendesha kongamano maalum la kuhamasisha wananchi kujitokeza kujiandikisha kwenye daftari la wapiga kura, kugombea na hata kupiga kura katika uchaguzi wa Serikali za Mitaa unaotarajia kufanyika Novemba 27 mwaka huu .

Kongamano hilo limefanyika Oktoba 9, Mjini Kibaha kwa kushirikisha makundi mbalimbali ikiwemo vyama vya Siasa, viongozi wa dini, makundi ya sanaa, bodaboda, Mamalishe, Machinga, mashirika yasiyo ya Kiserikali na hata makundi mengine.

Baadhi ya washiriki katika kongamano la kuhamasisha uchaguzi wa Serikali za Mitaa lililofanyika Oktoba 9, katika jengo la ofisi ya Mkuu wa Mkoa wa Pwani.

Akifungua kongamano hilo kwa niaba ya Mkuu wa Mkoa wa Pwani Abubakar Kunenge Katibu Tawala wa Mkoa huo Rashid Mchata amesema kuwa kongamano hilo ni  moja ya maandalizi ya kufanikisha uchaguzi huo.

Mchata, amesema kuwa katiba ya Tanzania ya mwaka 1977 imelenga kupeleka madaraka kwa Wananchi na miongoni mwa madaraka hayo ni wenyeviti wa Serikali za Mitaa na Vitongoji wanaotokana na uchaguzi wa Serikali za Mitaa.


Amesema, katika uchaguzi wa mwaka huu mkoa wa Pwani umejipanga na kuratibu shughuli zote za uchaguzi na kwamba makundi hayo ni muhimu kuwa mabalozi wakuhamasisha Wananchi kujitokeza katika kujiandikisha, kugombea na hata kupiga kura.

Mchatta, amesema makundi hayo yanapaswa kuwa mstari wa mbele katika kuhakikisha uchaguzi huo unafanyika kwa amani pasipo migogoro huku akisisitiza zitumike 4R za Rais Samia.

Aidha, Mchatta amewaomba wawakilishi wa makundi hayo kwenda kuhamasisha wananchi kujiandikisha katika daftari la wapiga kura ambapo kwa Mkoa wa Pwani zoezi hilo litaanza Oktoba 11 hadi 20.

Katibu Tawala Mkoa wa Pwani Rashid Mchatta ( Kushoto) pamoja na mwenyekiti wa Jumuiya ya Wazazi Tanzania (UWT) Mkoa wa Pwani Zainabu Vullu(Kulia) wakishiriki kongamano la uchaguzi wa Serikali za Mitaa kwa makundi maalum lililofanyika Oktoba 9 katika jengo la ofisi ya Mkuu wa Mkoa lililopo Mjini Kibaha.

Awali mwenyekiti wa kamati ya uchaguzi Mkoa wa Pwani  George Nsajigwa, amesema kuwa maandalizi ya uchaguzi huo yanakwenda vizuri na kongamano hilo ni sehemu ya kuwakumbusha kuhusu uchaguzi huo .

Nsajigwa amesema pamoja na mambo mengine lakini malengo makubwa ya kongamano hilo ni kutoa elimu ya kuhamasisha wananchi kujitokeza katika kujiandikisha, kugombea na hata kupiga kura.

Amesema kuwa, kwa mujibu wa ratiba ya uchaguzi huo Novemba 1 hadi 7 ni uchukuaji wa fomu huku kampeni zikitarajiwa kuanza Novemba 20 hadi 26 na Novemba 27 ni siku ya kupiga kura kwa ajili ya kuchagua wenyeviti wa Serikali za Mitaa .

Mwenyekiti wa Kamati ya uchaguzi Mkoa wa Pwani George Nsajigwa akizungumza katika kongamano la uchaguzi wa Serikali za Mitaa kwa makundi maalum lililofanyika Oktoba 9 Mjini Kibaha kwa maandalizi ya ofisi ya Mkuu wa Mkoa wa Pwani.

Muongozaji wa kongamano hilo Zablon Bugingo,  ameweka bayana mada katika uchaguzi huo ikiwemo Wanawake na uchaguzi,vijana na uchaguzi, ushauri wa wazee kuelekea uchaguzi wa Serikali za Mitaa na mada nyingine mbalimbali.

Baadhi ya watoa mada katika kongamano hilo akiwemo mjumbe wa Kamati ya maadili ya Mahakama Kibaha Mjini Joyce Fransis amesema kuwa uchaguzi huo ni muhimu na anaimani kuwa makundi hayo yatakwenda kutoa hamasa kubwa.

Fransis, amesema ni vizuri vyama vya Siasa vikaungana  kuhakikisha wanakwenda kuhamasisha kwa ajili ya kupata viongozi wazuri ambao watasaidia kuleta maendeleo katika jamii.

Hatahivyo, mwenyekiti wa wazee wastaafu Mkoa wa Pwani John Kirumbi ameishukuru ofisi ya Mkuu wa Mkoa wa Pwani kwa kuitisha kongamano hilo kwakuwa litasaidia kuongeza hamasa ya Wananchi kushiriki katika uchaguzi wa Serikali za Mitaa.
Katibu Tawala Mkoa wa Pwani Rashid Mchatta akiwa na picha ya pamoja na washiriki wa kongamano la uchaguzi wa Serikali za Mitaa lililofanyika Oktoba 9 Mjini Kibaha.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more