MILIONI 410 ZA MAPATO YA NDANI ZATENGENEZA MADAWATI 4000 KIBAHA MJINI

-


Na Gustaphu Haule, Pwani 

HALMASHAURI ya Mji Kibaha iliyopo Mkoani Pwani imetoa kiasi cha Sh .milioni 410 za makusanyo ya mapato ya ndani kwa ajili ya Kutengeneza madawati 4000 ya Shule za Msingi na Sekondari zilizopo katika Halmashauri hiyo.

Hafla ya uzinduzi wa ugawaji madawati hayo imefanyika leo Oktoba 25 mwaka huu katika viwanja vya Shule ya Msingi Mkoani iliyopo Kata ya Tumbi ambapo mgeni rasmi katika hafla hiyo ni Mbunge wa Jimbo la Kibaha Mjini Silvestry Koka.

Mbunge wa Jimbo la Kibaha Mjini Silvestry Koka( katikati) akikata utepe kwa ajili ya uzinduzi wa ugawaji wa madawati, viti na meza 4000 kwa Shule za Msingi na Sekondari zilizopo katika Halmashauri ya Kibaha Mjini ,hafla hiyo imefanyika leo Oktoba 25 kwenye viwanja vya Shule ya Msingi Mkoani iliyopo Kata ya Tumbi.

Mkurugenzi wa Halmashauri ya Mji Kibaha Dkt.Rogers Shemwelekwa amesema kuwa ugawaji wa madawati hayo ni utekelezaji wa maelekezo ya Rais wa awamu ya Sita Dkt,Samia Suluhu Hassan anayetaka kuhakikisha changamoto na kero za Wananchi zinatatuliwa.

Amesema kuwa, fedha zilizotengeneza madawati hayo zimetokana na makusanyo ya mapato ya ndani na mpango huo utakuwa endelevu kwa ajili ya kuhakikisha Halmashauri inaondoa tatizo la upungufu wa madawati, viti na meza kwa Shule zote za Halmashauri hiyo.

Dkt.Shemwelekwa amesema kuwa Halmashauri ya Mji Kibaha inajumla ya Shule 66 za Serikali ambapo kati hizo Shule za Msingi zipo 46 na Sekondari 20 zikiwa na jumla ya wanafunzi 17,424.

Moja kati ya Shule zilizopo Halmashauri ya Mji Kibaha

Amesema, bajeti ya Halmashauri ya Mji Kibaha katika kipindi cha mwaka wa fedha  2023/2024 ilikuwa ni zaidi ya bilioni 7.5 lakini bajeti ya mwaka wa fedha 2024/2025 ni zaidi ya bilioni 8.4 ikiwa ni sawa na ongezeko la asilimia 11 ya bajeti iliyopita.

Aidha, Shemwelekwa ameongeza kuwa makusanyo ya robo ya kwanza ya mwaka wa fedha 2024/2025 katika kipindi cha Julai hadi Septemba ni zaidi ya Sh.bilioni 2.8 sawa na asilimia 33.2 ikiwa ni ongezeko la asilimia 8 ya makusanyo katika kipindi kilichopita.

Amesema kuwa, hali ya uboreshaji wa miundombinu katika kipindi cha Serikali ya awamu ya Sita imedhidi kuimarika kwani katika Sekta ya elimu Halmashauri ya Mji Kibaha imefanikiwa kujenga madarasa 217 na matundu ya vyoo 232 kwa gharama ya zaidi ya Sh.bilioni 4.3.

Mkurugenzi wa Halmashauri ya Mji Kibaha Dkt .Roger's Shemwelekwa akizungumza katika hafla ya uzinduzi wa ugawaji wa madawati 4000 kwa Shule za Msingi na Sekondari hafla iliyofanyika katika viwanja vya Shule ya Msingi Mkoani Kata ya Tumbi ambapo madawati hayo yametengenezwa kwa fedha za mapato ya ndani Sh.milioni 410.

Mbali na hizo lakini Halmashauri imepokea zaidi ya kiasi cha Sh .bilioni  5.1 kwa ajili ya ugaramiaji wa elimu Msingi bila malipo fedha ambazo zimetoka Serikali kuu.

" Leo tunazindua mkakati wa ugawaji wa madawati kwa Shule za Msingi na viti,meza kwa Shule za Sekondari ambapo lengo la mkakati huu ni kuhakikisha tunaondoa kabisa tatizo la upungufu wa madawati,viti,meza katika Shule zetu zote za Halmashauri ya Mji Kibaha," amesema Dkt.Shemwelekwa

Dkt.Shemwelekwa ametoa rai kwa wadau wa elimu kuhakikisha wanaunga mkono juhudi za Serikali katika Sekta elimu hasa kwenye uboreshaji wa miundombinu huku akiwaomba wazazi na walezi kuhakikisha wanafuatilia mienendo ya wanafunzi kitaaluma, kitabia na hata kuwanunulia vifaa muhimu vya Shule.

Kwa upande Mbunge wa Jimbo la Kibaha Mjini Silvestry Koka awali kabla hajazindua mpango huo amempongeza mkurugenzi wa Halmashauri hiyo kwa kazi kubwa aliyoifanya.

Hafla ya uzinduzi ugawaji wa madawati 4000 yaliyotengenezwa na Halmashauri ya Mji Kibaha kwa fedha za makusanyo ya mapato ya ndani Sh.milioni 410  Oktoba 25, 2024 katika viwanja vya Shule ya Msingi Mkoani Kata ya Tumbi.

Koka, amesema juhudi za mkurugenzi huyo zinaonekana kwani tangu ameteuliwa kuwa mkurugenzi wa Kibaha Mjini ameleta mabadiliko makubwa ya kimaendeleo sambamba na kufanikiwa kuongeza makusanyo ya mapato ya ndani.

Amemuagiza mkurugenzi kuendelea kukusanya kodi kwa bidii lakini ziwe Kodi sahihi zinazolipika na kufanya Wananchi walipe Kodi hizo kwa hiari na hivyo kuongeza mapato ya ndani ambayo yanasaidia katika uboreshaji wa Mji kwa kujenga miundombinu mbalimbali.

"Mkurugenzi wa Mji ni mgeni lakini kwa kipindi kifupi ameonyesha namna ambavyo amekuwa kiungo muhimu katika Halmashauri kwani kupitia mwenyekiti wa Halmashauri, Mbunge na  viongozi wa Chama amefanyakazi kubwa ya kupandisha mapato kwa muda mchache ,"amesema Koka

Amesema kuwa Kibaha Mjini imetoka mbali ambapo wanafunzi walikuwa wanatoka nyumbani na kiti na meza pamoja na ada na kama mwanafunzi akikosa ada alikuwa anafukuzwa Shule.

Amesema kwasasa mambo hayo  yamekwisha kwani mwanafunzi akifaulu anakwenda shuleni bila ada lakini kizuri zaidi meza na kiti anavikuta shuleni.

Koka,ameongeza kuwa hali hiyo imetokana na uongozi mzuri pamoja na kazi nzuri ya Rais wa awamu ya Sita Dkt.Samia Suluhu Hassan ambaye ametoa fedha nyingi kwa ajili ya kutekeleza miradi mbalimbali ya maendeleo ikiwemo katika Sekta ya elimu.

 Koka amesema kuwa pamoja na mafanikio ya Sekta ya elimu yaliyopo Kibaha Mjini  lakini pia kwasasa tayari milioni 370 zimetengwa na Halmashauri kwa ajili ya ujenzi wa Shule ya Sekondari ya mchepuo wa kiingereza.

Mwenyekiti wa Halmashauri ya Mji Kibaha Musa Ndomba amemshukuru mbunge huyo kwa kazi kubwa anayoifanya hususani ya kuwapigania Wananchi wake kimaendeleo ambapo amesema baraza la madiwani litaendelea kushirikiana na mkurugenzi ili kuifanya Kibaha Mjini kuwa ya kisasa zaidi.






Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more