FELISTER MSILLU, AZINDUA ALBAMU YA NYIMBO ZA INJILI, AOMBA WADAU WAMPE SAPOTI,ATAMANI KUMILIKI STUDIO

-


Na Gustaphu Haule 

MUIMBAJI wa nyimbo za injili Felister Msillu, amezindua albamu yake Septemba 8, 2024 huku akiwaomba wadau mbalimbali kumuunga mkono ili aweze kuendeleza kipaji chake cha kumtumikia Mungu.

Uzinduzi wa albamu hiyo yenye nyimbo 11 na video 9 imebeba jina la "Niseme nini mbele zake Mungu" ikiwa na maana ya kuwa Mungu ametenda mengi makubwa na hakuna wa kuweza kumlipa.

Katika hafla ya uzinduzi wa albamu hiyo uliofanyika katika ukumbi wa Mwitongo uliopo Mailimoja  Msillu aliambatana na viongozi wa dini kutoka Kanisa la KKKT Mailimoja  pamoja na waimbaji mbalimbali wa nyimbo za injili.

Akizungumza na waandishi wa habari mara baada ya uzinduzi huo Msillu ametaja baadhi ya nyimbo katika albamu hiyo kuwa ni Niseme nini mbele zake Mungu, Mungu mtenda miujiza, Jina la Yesu,Hakuna Mungu kama wewe,na Mungu anamajina mengi.

Msillu, amesema kuwa kilichomsukuma kuimba nyimbo za injili ni kutaka kumtumikia Mungu kupitia nyimbo hizo kwakuwa anaamini nyimbo hizo zitaishi milele .

Amesema kuwa, matarajio yake makubwa ni kujenga studio kubwa ambayo atakuwa anarekodi nyimbo zake pamoja na kuhakikisha anaibua vipaji kwa vijana kupitia nyimbo za injili.

Mkurugenzi mtendaji wa Shirika la Poverty Alleviation for Tanzania Nativers (PATNA) Damasi Msaki (katikati) akizindua albamu ya nyimbo za injili zilizoimbwa na Felister Msillu, hafla hiyo imefanyika Septemba 8, 2024 kàtika ukumbi wa Mwitongo uliopo Mailimoja katika Halmashauri ya Mji Kibaha.


Aidha, amesema kuwa jambo kubwa analokusudia zaidi ni katika kusaidia kuibua na kuendelea vipaji vya kuimba kwa watoto yatima ambao watakuwa wanarekodi bure.

"Ninatamani siku moja nimiliki studio kubwa ambayo itakuwa inafanyakazi ya kuibua na kuendeleza vipaji vya kuimba nyimbo za injili kwa watoto yatima maana naamini wapo vijana wengi wanavipaji lakini wanashindwa kufikia ndoto zao kutokana na kukosa mtu wa kuwashika mkono," amesema Msillu.

Msillu, ameongeza kuwa mpaka sasa tayari amefanya tathmini na ufuatiliaji wa vifaa hivyo na kwamba mpaka kukamilika kwa studio hiyo itagharimu kiasi cha Sh.milioni 20.

Amesema,fedha hizo ni ninyi na kwamba yeye mwenyewe hawezi lakini anaamini kupitia wadau wakiwemo waimbaji wa nyimbo za injili, viongozi wa dini, viongozi wa Serikali na jamii kiujumla wakiungana kwa pamoja lengo hilo litatimia.

Msillu amemuomba Rais wa Jamhuri ya Muungano wa Tanzania Dkt.Samia Suluhu Hassan kusikia kilio chake na hivyo kuweza kumsaidia kadri ambavyo Mungu atambariki.

Mkurugenzi mtendaji wa Shirika  lisilo la kiserikali linaloshughulikia masuala ya kupambana na umaskini  Tanzania (PATNA) Damasi Msaki, amempongeza Msillu kwa kazi kubwa aliyofanya huku akiahidi kuchangia kiasi cha Sh.milioni 1.5.

Msaki ambaye alikuwa mgeni rasmi katika uzinduzi wa albamu hiyo amesema kuwa mtu yeyote anayefanyakazi ya Mungu ni vyema akasaidiwa kwakuwa kazi yake inalenga kuikomboa jamii iliyopoteza matumaini  huku akisema Shirika la PATNA litaendelea kumuunga mkono kila wakati.

Hatahivyo, askofu wa Kanisa la Glory of God Ministry lililopo Mtaa wa Kilimahewa Kata ya Tangini katika Halmashauri ya Mji Kibaha Ernest Mrindoko amesema kuwa mafanikio ya kila jambo hupitia katika changamoto.

Askofu wa Kanisa la Glory of God Ministry lililopo Mtaa wa Kilimahewa Kata ya Tangini Kibaha Mjini Ernest Mrindoko akiwa tayari kufanya maombi maalum juu ya albamu ya nyimbo za injili zilizoimbwa na muimbaji Felister Msillu katika uzinduzi uliofanyika Septemba 8, Mailimoja Kibaha Mjini.

Mrindoko,amempongeza Msillu kwa hatua aliyofikia huku akimtaka kuacha kukata tamaa na badala yake asimame katika ndoto zake za kumtumikia Mungu kupitia nyimbo za injili.

Wachezaji wa nyimbo za injili katika uzinduzi wa albamu ya muimbaji Felister Msillu uliofanyika Septemba 8 katika ukumbi wa Mwitongo uliopo Kibaha Mailimoja.



Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more