MLAO AWATEGA WABUNGE NA MADIWANI ,ASEMA WATAPIMWA KWA KAZI ZAO,AVUNJA NGOME YA CUF NA CHADEMA MKURANGA.

-





Na GUSTAPHU HAULE, PWANI 

MWENYEKITI wa Chama Cha Mapinduzi(CCM) Mkoa wa Pwani  Mwinshehe Mlao amewataka wabunge na madiwani kujiandaa kisaikolojia kwani kurudi au kutokurudi kwa majina yao kutapimwa na kazi zao walizofanya.

Mlao,ametoa kauli hiyo Juni 7 mwaka huu akiwa katika ziara yake Wilayani Mkuranga iliyokuwa inalenga kufanya tathmini ya kuelekea katika uchaguzi wa Serikali za Mitaa,Vijiji,na Vitongoji kwa mwaka 2024.

Katika ziara hiyo, Mlao aliambatana na Watendaji mbalimbali akiwemo Katibu wa CCM Mkoa Bernard Ghaty, Mjumbe wa Kamati ya Siasa Mkoa wa Pwani na Makamu mwenyekiti wa Kamati ya uchumi Dkt. Chakou Tindwa,Katibu wa UWT Mkoa Fatuma Ndee  na watendaji wengine.

Mwenyekiti wa Chama Cha Mapinduzi (CCM) Mkoa wa Pwani Mwinshehe Mlao,akizungumza na wanachama wa CCM Wilayani Mkuranga ikiwa ni sehemu ya ziara yake aliyoifanya Juni 7 mwaka huu.


Aidha,Mlao  alipita katika Kata ya Dondo,Kitomondo,na Kata ya Njia nne zilizopo katika tarafa ya Kisiju ambapo akiwa katika mikutano yake alikutana na Watendaji wa matawi,Kata,wazee maarufu,watumishi wa Serikali,mikutano mikuu Kata,na mabaraza ya Jumuiya zote.

"Madiwani na wabunge jiandaeni kisaikolojia majina yenu kurudi au kutokurudi, CCM itakupima kwa kazi zako, endeleeni kuwajibika, na ukiwa ni mtendaji mzuri wala usihofu",amesema Mlao.

Katika hatua nyingine  Mlao amewapokea wanachama wapya 21 kutoka vyama vya upinzani ikiwemo CUF na Chadema sambamba na kuwakabidhi kadi na kuwapa kiapo huku akiwataka wawe wanachama Wazuri na kuyasemea yale yanayofanywa na Rais Dkt.Samia Suluhu Hassan .

Mlao amehimiza maadili kwa wanaCCM,umoja na  ushirikiano katika shughuli za maendeleo huku akiwataka wanaCCM na wananchi kueleza kazi nzuri zinazofanywa na serikali ya CCM katika maeneo yao.

Kwa upande wake  Katibu wa CCM Mkoa wa Pwani Bernard  Ghaty ,amewahimiza makatibu tawi, Kata wa Chama na jumuiya zote kufanya ziara mara kwa mara katika maeneo yao ili kuweza kuuwaunganisha wanaCCM .

Ghaty,amewataka wanaCCM na viongozi wote kila mmoja kwa nafasi yake kujiandaa na uchaguzi wa Serikali za Mitaa ,Vijiji na Vitongoji ikiwemo kujiandikisha katika daftari la kudumu la wapiga kura.

Katibu wa CCM Mkoa wa Pwani Bernard Ghaty akiwa katika moja ya mikutano waliyoifanya Juni 7 mwaka huu Wilayani Mkuranga .

Mbali na hilo lakini pia Ghaty amesisitiza wanachama wake kujisajili katika madaftari ya mabalozi pamoja na  kujitokeza kugombea bila kuogopa huku akivitaka vikao vya mapendekezo na uteuzi ngazi ya Vijiji, Vitongoji na Kata kutenda haki.

Mjumbe wa Kamati ya Siasa na Makamu Mwenyekiti wa Kamati ya Uchumi (CCM) Mkoa wa Pwani Dkt. Chakou Tindwa ametumia nafasi yake kuwahimiza wanaCCM wa ngazi ya Matawi na kata kuunda kamati ndogo ndogo za uchumi ili kurahisisha CCM kujiendesha kiufanisi zaidi.

Dkt. Tindwa amesema baadhi ya viongozi waache dhana tofauti za kuwazuia wanachama wenye nia ya kukisaidia chama wakidhani wanautafuta uongozi kwani kila mwanaCCM anahaki ya kukichangia Chama chake.

"Ndugu zangu naomba sana tuungane tuwe kitu kimoja kwa faida ya Chama chetu,hizi dhana za kuwazuia wanachama wenye dhamira ya kukichangia chama wakidhani wanautafuta uongozi ni wazi kuwa tunajirudisha wenyewe nyuma,"amesema Tindwa.

Mjumbe wa Kamati ya Siasa Mkoa wa Pwani Dkt. Chakou Tindwa  katika mikutano ya ziara Wilayani Mkuranga.


Hata hivyo,Dkt.Tindwa ameendelea kuwasisitiza wanaCCM wenzake kujenga umoja na ushirikiano ili waweze kujiimarisha kiuchumi pamoja na kukifanya chama kiwe imara zaidi.

MWISHO.

Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more